نرحب بمحمد ودالماحى بهذا المسدار

مرحب بى محمد ود الماحى ود فايزة
وانت دخلت صاح... وفزت بالجايزة
أكتب لينا عنّك ونوال كمان عايزة
تدخل مطبخة وتكون هى الفايزة

الاخ والابن محمد الماحى الطيب أمو فايزة الطيب ادريس أخوالو عوض الطيب (عوض مالك) كما يحلو أن يقول له أهل زوجتى خالدة فرح أبوسنينة , عادل الطيب ومجدى وقذافى بقية العقد الفريد
أعمامة يوسف الطيب (ابشرا ) ومحمد الطيب وعبدالوهاب عليه رحمه الله ومحمود ودفعتى الاخ االعميد شرطة عباس الطيب يوسف والاخ عبدالباسط الطيب والذى سوف أفرد له بوست خاص للحديث عن علمة الشرعى الذى أكتسبة من خلال الخروج فى سبيل الله وقد جلست معه فى وفاة المرحوم الطيب ادريس وقد هالنى علمه ومعرفتة وحفظة للقران أسأل الله له التوفيق وأن يحزو كل شبابنا بل نحن حذوة. ومحمد لانه يجمع بين أهله من السقاين البتلاب والسروراب ووالدة المرحوم الماحى الطيب يوسف ذلك الرجل خفيف الظل وأشهر من عمل فى بصات خط الجيلى( وسبحان الله عديله خلف الله سليمان بنفس خفة ظل المرحوم الماحى اللهم أغفر لهم وأرحمهم وأجعل كل نكته وضحكة فى ميزان حسناتهم ببركة هذا الشهر المبارك وأهو يامحمد طليت علينا وترحمنا على والدك وخالك خلف الله وأوصيك ابنى أن تدعو لوالدك فى كل وقت لان الحديث يقول اذا مات ابن آدم أنقطع عمله الاّمن ثلاثة علم ينتفع به وصدقة جارية وأبن صالح يدعو له وأتمنى أن تكون من الصالحين وتوصى أخوانك بالدعاء وأنا من بيرمنجهام أدعو لكل موتانا وموتى المسلمين بالرحمة والمغفرة آمين )ومحمد ما أظن يكون غير معروف ولكن رأيت أن أعرفة وأقدمه للاخ (ودسبعة )!!!!!! وما أغرانى على التعريف دخوله بالاسم الرباعى . والله ياعباس حقوا تطلع ليهو رخصة من غير أمتحان!!!!!! لانو أكيد حريف فى السواقة طالما دخل بالاسم الرباعى وليته جميل الخط مثل خاله عوض الطيب وأرجو أخى محمد أن تيلغ تحياتى لوالدتك الاخت فايزة الطيب ولكل أخوانك وتحية خاصة لخالك عوض الطيب أدريس وختاما سلامى للجميع والعيد مبارك عليكم مقدما.

عدد المساهمات : 167 تاريخ التسجيل : 30/03/2009

الاخ بشري مبارك

رمضان كريم

والله كفيت واوفيت وما في كلام ولا مسدار ولا بيت

ونقول ونترحم علي جميع موتانا ببركة الشهر الكريم .

ربنا يرحمهم رحمة واسعه .

وتحياتي لابننا محمد ومرحب بيه كثير بين اهله ......

الابن والاخ محمد الماحى الطيب يوسف ... كتبت ليك مسدار وعرفتك للناس بصورة واضحة لالبس فيها وما قصرت معاك وتبارك لى خنساء بت حبوبتك (عايدة ) يا أخى عايدة دى شباب مالك مكبّره !!!! أكان سمعت بحكاية حبوبة دى (بتزعل منّك ) دحين شوف ليك طريقة زوغة وتانى أدنى سطرين ومن لايشكر الناس لايشكر الله . وأنا صراحة لا أكتب من أجل الشكر لكن لا أرضى أن لايعطونى حقى وقد أعطيتك حقك بالزايد أليس كذلك ؟؟؟؟؟؟

الأخ بشرى لك حبى وأحترامى وشكرى ألجذيل على مسدارك الجميل وتعريفك ألأروع كل عام أنت وألأسره فى أتم الصحه وألعافيه عزرا على عدم الرد نسبتا لظروف العمل فأنى منذ أخر مشاركه لى تقريبا من يوم ألوقفه لم أتمكن من ألدخول للمنتدى ألرائع كروعت كلماتمك الطيبات الا هذا اليوم فالتحيه وألتجله لك وللعم محمد سعيد ولكل أفراد المنتدى بدون فرذ

شكراً لك أخى محمد الماحى الطيب ونعشم فى طلتك وزياراتك وتشجيع أبناء أعمامك على الدخول وأيد على أيد ومشاركة من هنا ومن هناك نبى المدماك!!!!! وندى البعيد والحداك.... ويكون لى جنانا وجناك .....وما نسمع بى زول قال حماك ....بس نسمع صفانا وصفاك والى اللقاء والسلام قدام ووراك .