ياريت ايام الشموخ يعود ياريت

عدد المساهمات : 1 تاريخ التسجيل : 06/09/2009

رمضان كريم
هل يمكن لابائنا في السقاي اعطو الشباب فرصه لقيادت القريه اللتي الان تمر في همجيه

ود سبعة أرجو أن تتابع المشترك الذى كان قبلك وهو مصعب الزبير خوجلى أبوزيد والله العظيم مش عشان أنا خالو وهو ود منيرة مبارك ادريس شقيقتى الكبرى ولكنه المشترك الوحيد الذى كتبب أسمة رباعى ... وأنت يا ود سبعة كدى قول بسم الله الرحمن الرحيم وورينا أسمك الرباعى !!! وكدى قبل ما نديك فرصة لقيادة القرية كدى النعرف اسمك وبعد داك نسمح لك (بالقيادة باهمال!!!!) وعلى العموم عجبك كلامى أو ما عجبك أنا جنى وجن الناس البدخلو بالمستعار!!!!!!!! ومال أهلك جابو خروف وسموك (ودسبعة !!!!) أم ادوك اسم عديل !!!!
عايزين نعرفو وبعد داك ود سبعة تكون بالجنبة كدة!!!

الاخ ودسبعة شايفك داخل معاى وأنا جاى من التراويح (جزء كامل ) وعندى لياقة كاربة وعايزك ترد على وجهة نظرى فى الاسم الذى دخلت به وأريد ردك وبكل صراحة وأنا أقبل أى راى طالما جاى من أولاد السقاى !!!! وأكرر الصاح تعرفنا بى اسمك الحقيقى وهو لو قلت اسمك وعرفناك ما كتر خيرنا من الغربة والكبر !!!!! أسع أنا لو ما عرّفت أبراهيم ودسيدأحمد ود حبوبتى عجبت بت أبراهيم ود بلتنا سيد الغابة منو البعرفو وأنت تقول لى ودسبعة ود سبعة قال !!!

عدد المساهمات : 167 تاريخ التسجيل : 30/03/2009

[

color=red]

الاخ ود سبعه

تحياتي ومرحب بيك وبي طلتك البهيه

سبعه دي شهور ولادتك ؟؟ طبعا ما عارفين

اخونا بشري ما قصر ونحنا ما عايزين غير التفسير

ارجو ارجو ارجو منك ومن الاخوه الداخلين الدار

يكونوا كبار ويدونا اسمهم بي اكبار ويدخلو الدار

ومرحبتين بالاخيار ...........[/color]

شكرا لك أخى محمد سعيد الزين بأن شاركتنى انتقاد وسبعة ودستة والفار والثعلب وأبوالحصين والدحيش وفأر ودحدوح قال دحدوح قال (هو دحدوح المريخ الاصلى نحنا عارفنو وين الآن ؟؟؟؟؟) يا أولادنا ويا أخوانا المنتدى أصبح (مسخّن ) بوجود مصعب الزبير خوجلى و محمد الماحى الطيب يوسف (فى انتظار مشاركاتة ) وأحمد عبد الحفيظ الشيخ وأحمد عادل الحسن وأبراهيم سيد أحمد لذلك ألتزموا بلاسم الوارد فى شهادة الميلاد وبعد داك بنبرى واحد يعرّفك أكثر وتعريف الشخص بذكر أسم أمّه (شرط أساسى ) لان الام صبرت عليك فى بطنها بس 9شهور ويزيد ومرات سبعة زى ودسبعة !!!!! لكن ود سبعة برضو عندو شهادة ميلاد واسم أب وأم نريد أن نعرفهم فهل تكرّم الجميع بالتصحيح (القدام ) والجداد بالدخول الصاح وفقكم الله .

عدد المساهمات : 308 تاريخ التسجيل : 05/02/2009

السلام عليكم ورحمة الله وبركاتة

العزيز ود سبعة من ينتظر ان يقدمو لة فرصة علي طبق من ذهب فلن يقود عجلة ؟!

ولاكن يجب ان ينزع الشباب ما يريدون قيادتة بموافقة الكبار واجبارهم علي ذلك

نعم اجبرهم ان يعطوك القيادة وذلك بياناً بالعمل

وانا اعرف اناساً كانو في الثانويات اي اعمارهم ما بين الــ 16 @ 18 سنة
ارغمو حتي محافظ محافظة بحري ان يصغي لهم وكل اهل القرية

ود سبعة لقد تم الرد عليك بسطرين في موضوع خاص بك وهو تغيير اسمك فلم تستطيع الرد
او حتي الدفاع عن اسمك او ان تتقبل النصيحة وتغيرة فكيف يتم اعطائكم الفرصة لقيادة القرية ؟؟

ولك كل الود والحب

كن قوياً وطموحاً وواثقاً تنل ما تريد

عدد المساهمات : 739 تاريخ التسجيل : 07/03/2009

ود سبعة لك التحية ولكن لى سوال اوجهه اين هم الشباب الذين يترك لهم الكبار قيادة القرية وهل القيادة تعنى اللجنة الشعبية اين روابط الشباب اين روابط الطلاب اين واين وقد جربنا قيادة الشباب فى اللجنة الشابقة ماذا كانت المحصلة ماتتحدث عنه من دمار سببه نوع المناشدة الغير مدروسة ارجو ان تراجع افكارك ومداخلتك وتعدل السوال وبالتوفيق للشباب ارجو ان يتحلق الشباب حول بعضهم البعض وان يحيوا روابطهم ويهتموا بمناشطهم ولك التحية

عفيت منكم مزمل وأحمد القاضى والله براكم خربانة !!!! والغريب أنا حتى هذه اللحظة لم أعرف من هو ودسبعة !!! لكن من عدم رده على سطورى الخاصة بتصحيح الاسم وتعريف نفسه أكثر عرفتو (ما من اللذين يمكن أن يقودوا !!! لا باهمال ولابغيره !!!! ) .