عضو جديد من ابنا السقاي

ا السلام عليكم ورحمة الله تعالي وبركاته
تحياتي الى جميع الاهل والاحباب داخل وخارج السقاي
واتمني ان اكون عضو خفيف الظل عليكم

عدد المساهمات : 167 تاريخ التسجيل : 30/03/2009

السلام عليك والرحمه والبركه

مرحبتين حبابك ابراهيم سيد احمد

نقول شنو اهو دي الغربه لكن سوف نلتقي باذن المولي اذا كان للعمر بقيه

تحيات محمد سعيد تقول الاخ او العم او الجد لكن الف مرحب بيك

بين اهلك اتمني ان تفيد وتستفيد مع تحياتي لك ولكل الاهل ..

عدد المساهمات : 30 تاريخ التسجيل : 14/04/2009

مرحبتين حبابك الف وبكل الاخوة الاعضاء المنضمين (بدون فرز)

الشكر وتقدير الى جميع الاخوه والاخوات الذين رحبو بي ولهم خالص تحياتي

ياجماعة أنا عارف مجموعة كبيرة لايعرفوا من هو أبراهيم سيدأحمد مساعد!!! لذلك أرجو أن يسمح لى (العم والخال أبراهيم ) أن أخاطبة بالاخ حتى لاتقول له سهير الزبير خوجلى سهير منيرة مبارك ادريس هو والاخ عبدالقيوم حمد ابراهيم (زوج بنت الاخت سهير ) حتى لاتقول لهم ياجدى!!!!. هو ابن سيد أحمد مساعد الصديق شقيقة الاكبر حسين وبعده عثمان متزوج بت يوسف الطيب (أبوشرا ).ابراهيم مقيم فى السعودية الرياض ومعاهو أخوهو أيمن سيدأحمد . والدتة عجبت أبراهيم محمد ادريس (ابراهيم ودبلتنا صاحب الغابة المعروفة التى ورد ذكرها كثيرا فى هذ المنتدى شعرا ونثرا ).
أبناء عمومتة أولاد جدنا عباس الصديق متعة الله بالصحة والعافية ومنهم عزالدين عباس وسيف الدين وعبدالله وعبدالمجيد عباس الصديق وأتمنى أن أكون عرفتة بصورة تجعل الاخ محمد سعيد الزين يقول : يادوب عرفتو ويكلم معاهو الماعارفين !!! وهذا البوست أقدمة هدية للاخ ودسبعه وأخوانة والاجدر أن يعرفنا الشخص بنفسة أو يرشح من يعرفنا به أكثر وتانى أكرر ياجماعة نحنا فى غربة قاربت ال20 سنة وهناك من هم أقدم منا والله العظيم بداية عملى فى العام 1982م فى مطار الخرطوم كان هناك أخوان لهم أكثر من 8 سنوات غربة وما زالت غربتهم مستمرة وفقهم الله .

شكرا الاخ بشري علي التعريف ، لان في المنتدي الكثير من لايعرف ابراهيم وجزاك الله الف خير

عدد المساهمات : 167 تاريخ التسجيل : 30/03/2009

عزيزي واخي الفاضل بشري <جنابو>

تحياتي لاخونا وابنناء ابراهيم

طبعا دي حقيقه يابشري واغلبية الاخوه والابناء ديل عمرهم ونحن في الغربه

ربنا يجمع الشمل وكلهم واهلهم اعلام بارزه واعرف عمه واخونا صلاح مساعد

وذي ما تقول نحنا اخير من غيرنا يعني مواصلين بالاجازات كل تسعه شهور

نحنا مع اهلنا وبرضو بتفوت علينا بعض المعلومه لكن البركه فيك مع تحياتي

لك وكل الاهل في السقاي المثلثه ........تحياتي لاخونا صلاح مساعد

بارك الله فيك أخى محمد سعيد وأسلم عليك (والله ضريت السمك وبطنى قعدت تكورك وباذن الله سوف أزوركم فى أول نزول لى على السودان ناوى يكون أن شاء الله عن طريق الامارات وسوف أبقى اسبوع أزور فيهو كل أهل السقاى المثلثة ) ولازم أزور الاخ سليمان الياس الزبير باشا وأرجو أخى محمد سعيد الزين أن تعلق على بوست الجيلى الثانوية وتعكسة للاخ سليمان الياس .

الاخ محمد سعيد الزين بمناسبة الاخ صلاح مساعد تذكرت طرفة للاخ صلاح وهى أن الاخ صلاح رزق بفضل المولى ثلاثة من الابناء وراء بعض وكان فى أنتظار هجرة للسعودية لم يتيسّر أمرها وكان وقتها قد ترك الجيش ويعمل فى أمن أحد المصانع وكنت وقتها فى قسم شرطة كوبر وأشاهدة كثير فى القسم بسبب أنتشار السرقات فى المصانع بالمنطقة الصناعية . الاخ صلاح فى سماية الطفل الثالث والجماعة يباركوا له فى المولود ويسألوا ذكر أم أنثى وكان رده ولد والحمد لله ..والله البنون جبناهم والباقى لينا المال ويضحك ضحكتة المجلجلة ويضحك معه كل الحضور .. التحية للاخ صلاح مساعد ولكل الظرفاء بالقرية ويتقدمهم عمنا الطيب يوسف متعة الله بالصحة والعافية . وأطلب من الابن والاخ محمد الماحى الطيب أن يجلس مع جدة الطيب ويسجل لنا هذه القفشات أو أن ينبرى أحد الاخوان ويقوم بهذه المهمة أتمنى ذلك لانها سوف تثرى منتدى الفكاهة والدردشة خاصة اذا شرحوا الاخوان للعم الطيب يوسف موضوع المنتدى وكيف أن أهل السقاى فى كل مكان يطلعوا على ما يكتب. والطلب الاكبر لماذا لايقوم بهذه المهمة الاخ العميد شرطة عباس الطيب أو أحد أبناؤة أتمنى ذلك ويقدمها لنا عيدية فى عيد الفطر المبارك .

[ندعوك للتسجيل في المنتدى أو التعريف بنفسك لمعاينة هذه الصورة][center]

اهلا ود الخال حللت اهلا ونزلت سهلا بين اهلك وترا دا ديوان الحلة
ابقي لي جوة وشارك .
سلامي للخال صلاح (معايش) وبمناسبة ذكر الخال صلاح نكتة ظريفة
كان الخال مسخن شوية والمدارس علي الابواب وراسو مشطوب فتح التلفزيون لقي فنان
بيغني اغنية (ياعسل ذايد مصفي) فما كان منه الا ان تهكم من الفنان بطريقتة المعهوده
(ياعسل!!!!!!!!!! اسي دا عارف رطل العسل بي كم )
وطرف الخال صلاح كثيرة ولاتنتهي فهو نكتة تمشي علي قدمين فله كل الحب ولكم جملة اشياء جميلة

مشكوووووووووووووووووووووووووووووووووووووورين الاخ بشري، والاخ علم الدين يوسف وربنا يوفقنا ان نشارك علي طول في الديوان.