غابة ود بلتنا

التقى صالح عبد الرحيم وعبد الحفيظ الحاج (فريد) في الرياض في منزل جلال الطيب وكان الرجلان قد افترقا منذ اكثر من عشرين عاما ، صالح سلم على عبد الحفيظ سلام عدم معرفة حيث تغيرت ملامحه عليه ، ولكن عبد الحفيظ عرفه جيدا ـ اثناء السلام صالح يقول له نحن اتقابلنا قبل كده لكن ويييين؟ وييييييييين ؟
هنا قاطعه عبد الحفيظ قائلا : اتقابلنا في غابة ود بلتنا ..........

الغربة تلعب دور كبير في تغيير اشياء كثيرة و لكن يبقى ابن السقاي هو ابن السقاي و نسال الله تعالي العودة من تلك الغربة . التي طالت وين و متين و كيف العودة الي السقاي الحبيبة و الي الجميع حياك يا بن عمنا
أبو علي

سلامات الرشيد زمن طويل مافى تواصل غابة ود بلتنا دى فى ولا راحت زى ماراحت غابة التعاون وغابات كثيرة وبالمناسبة السعيدة كان فى شجيرات فى مدرسة البنات الثانوية كن يستظلن بها ولان افراد مجلس الاباء ليس لهن بنات فيها ولانهم لايعملون كانو على تطوير التعليم ولان لهم اجندة خفية المهم انهم قطعوا شجيرات الظل الموجودة بالمدرسة وراحت الفلوس بينهم وراحت الشجيرات ولك التحية ولغابات السقاى نعيش زكرياتها وطولنا ماشفنا ليك مساهمة

احمد بطل بحيت .. وانشاء الله تبقى علي الشجر الله يستر علي المدرسة .... وانت عارف وانا عارف والله عارف ... بالمناسبة وين قروش سودا تل ؟؟ والله يا الرشيد انت بتاع مشاكل شفت غابة بتنا فتحت شنو ؟

مرة مرة البحيت بتلقى تحتو الدعت ومرة مرة بتلقى الكنز ونحن مابينا هذا وذاك نبحث انا الحارقنى يخطاب استلمنا من اسمنتى حوش المدرسة الواقع من المدير اشتكونى فى قسم شرطة الجيلى رغم انى حولت اسمنتى السور الواقع انت متزكروا عامل زى المسطبة عملنا بيهو طاولات المعمل فى المركز الصحى لابشتكو الشالو اسمن المركز ولا القطعو الشجر وباعهو بقت عليهم حكاية المشت تجيب المراح كلوا وجات ساهى ( دى بحكيها ليك)

استعيذ وابداء بالبسملة وادخل وشيطان شنو البهبشك انت والخوف مالو داعى ونحن لابنبهت ولابنفترى على زول دى حقيقة انا عايشتها وحليل غاباتنا وحليل شجر مدارسنا التعبنى عليهو زمان وحليلى ياحليلى (حليلى دى انتظروها عما قريب سوف تكون فى منتدى الكاهة)

زمان كان عندنا مسرحية مثلناها اسمها سلوى بتحكى عن واقع العرس فى الحلة والطفرة الحصلت فى ان تتزوج واحدة زميلها وترفض قريبه المهم كانت معالجة عن طريق المسرحة لقضايا شتى وكان هنالك ابداع منقطع النظير فى هذه المسرحية وكان فى المسرحية تخريمة زى تخريمتى فى موضوع اخونا الرشيد وغابة ودبلتنا التخريمة السويناها فى المسرحية كان دق الظار وفيه طلبات وكان من ضمن الطلبات سلوى ست المسرحية بتقول دايرة امشى الغابة وبقومو يردو ليها بقولوليها ناس التعاون والجروف خلو غابة وكانت معالجات وجدت صدى واسع وقبول من ناس الحلة ونبهتم لاشياء كانو غافلين عنها قد لانقصد فقط مااشرنا اليه رغم التخريم عن الفكاهة التى قصدها الرشيد ولكننا نريد ان نعالج اشياء او ان ننبه الى اننا لن نسكت مرة اخرى والله من وراء القصد وشكرا ليك ياطارق على المرور .
ملاحظة للتزكير كتبنا زمان خطاب للجنة التعليم بالجنة الشعبية بخصوص شجر المدرسة الثانوية بنات وتجاوبت اللجنة واستدعوا مجلس الاباء ووقف احدهم واعتبرنا صعاليق وعديمى تربية وتصدى له غيرنا وسكتنا ولكن مازالت فى الحلق غصة.

ابداع ياابوبكر ورد بليغ لكن احسن ان لاتتمرد لانه لاتوجد غابة لكى تدخلها وبعدين زى ماقال ياسر غابتنا دى مسكونة

البوست اتنسى ياسر خوفكم بموضوع ان الغابة مسكونة ولا شنو اكيد لم نطلع من الموضوع ولكن الشىء بالشىء يزكر لذا زكرنا تلك التخريمات واديكم العافية وتخريمة جديدة رايكم شنو نعمل حملة تانية لتشجير القرية اخر حملة كانت فى العام 1986والان انظروا الى الشجر الموجود فى المركز وتخيلوا شكل القرية لو تركوا ذالك الشجر ينمو

احمد القاضى كتب:

البوست اتنسى ياسر خوفكم بموضوع ان الغابة مسكونة ولا شنو اكيد لم نطلع من الموضوع ولكن الشىء بالشىء يزكر لذا زكرنا تلك التخريمات واديكم العافية وتخريمة جديدة رايكم شنو نعمل حملة تانية لتشجير القرية اخر حملة كانت فى العام 1986والان انظروا الى الشجر الموجود فى المركز وتخيلوا شكل القرية لو تركوا ذالك الشجر ينمو

سلام ياود القاضى اليومين دى موية البحر مغرقه الحله ممكن نعمل تشجير تانى واراهنك انه سوف ينجح بنسبة 95% وخاصة انه الشفع البقلعوا الشجر كبروا والزمن مافى صغير فى السقاى كلهم قايمين كبار .

اهلا باهل الغابة التى سماها ياسر ابوعمار بالمسكونة احييك الباقر احمد وطالما الموية مغرقه الحلة احسن تفعل اختراحك الذى نؤيده تماما ووزعوا علينا الزراعة زى ماكانت زمان فى مدرسة الاولاد او اى زول يزرع جوار منزله شجرة ويتكفل بها وبذلك بكون فى تنافس نتمنى ان ينجح هذا المشروع وورونى متين حايبداء وانا بشارك معكم

[/center]