منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 الكأس بنقول مسيخ !! لكنو برضو عجبنا ومسدارين من بشرى مبارك

اذهب الى الأسفل 
كاتب الموضوعرسالة
بشرى مبارك



عدد المساهمات : 7553
تاريخ التسجيل : 19/02/2009
العمر : 59
الموقع : أقيم فى بيريطانيا مدينة بيرمنجهام

مُساهمةموضوع: الكأس بنقول مسيخ !! لكنو برضو عجبنا ومسدارين من بشرى مبارك    الجمعة 31 أكتوبر - 17:21

لاشك أن العبرة بالخواتيم والكأس ممكن تشيلو بى نقطة وزمان كان بى هدف !!! وكان المنى أن ننتصر على وصيفنا وندنا التقليدى المريخ والذى هزمنا ( بدون إستحاقاق بثلاثية ) جعلت المريخ والمريخاب فى حالة نشوة مؤقته والحمد لله ( فكت السكرة وطارة الفكرة ) بعد أن عاد الممتاز الى مكانة الطبيعى ونسأل الله أن نكرر التوالى الخماسى من 2005 الى 2010م.
متابعة مباريات الهلال فى إجازتى الاخيرة كانت عن قرب بل ودخلت الاستاد وحضرت أكثر من مباراة فى الدورى وكمان فى المقصورة والشكر للأخ أبوالقاسم العوض على الاستضافة بعد غياب من دخول الملاعب السودانية دام 22 سنة منذ 1992م.
بالامس حضرت من العمل مرهق جداً ولأن البداية كانت بعد وصولى من السودان مباشرة فقد شعرت بألأم حاده بالظهر ، وصلت البيت وكان لابد من زيارة زوجة أحد الاخوان المريضة شفاها الله وكانت الزيارة وقت المباراة وقد تعمدت ذلك ولم أحضر إلا بعد إنتهاء المباراة بكم ساعة ، والسبب أننى حضرت مباراة الكأس مع إبن أختى الملازم أول محمد السر المهدى فى منزلهم وكنت أعتقد أن محمد يشجع المريخ مثل والده عليه رحمة الله الاخ السر المهدى عبدالمتعال والذى كان مريخياً بوزن 200 هلالابى فى القرية وعندما ينتصر المريخ السر ما بخلى ليهو هلالابى ما يصلو فى البيت ويكاويهو رحمة الله رحمة واسعة ، فقد ذكر المريخابى عبدالحليم مهدى أنهم المريخاب فقدوا السر مهدى كثيراً لأنه كان من يوقف الهلالاب بلسانه ، فوجدت محمد السر ( هلالابى متعصب ) وكم كانت سعادتنا بهدف الهلال التخصصى والعالمى من بكرى المدينة فى الشوط الاول الرائع ورغم هدف التعادل المشكوك فى صحته للمريخ ولكن كان الهلال هو الاجدر وضربة الجزاء التى ضاعت كانت مسار التحول لصالح المريخ !! لأننى توقعت أن يحسب الحكم ضربة جزاء بأى طريقة للمريخ وقد كان !! فتحولت المباراة لصالح المريخ ولصالح المصرى أيمن سعيد والذى كان ضيف الشرف فى الشوط الاول .
مباراة الامس لم أتابعها ولكن العبرة بالخواتييم فنواصل المسادير حتى نقطع السنة المريخاب التى تحركت كثيراً بعد الانتصار الثلاثى الغير متوقع فنقول :


الكأس بنقوول مسيخ لكنو برضو عجبنا
شلناهو بجداره .....وما قلينا فيهو أدبنا
وصيفنا القدييييم ...ما زار شباكنا غلبنا
نديهو الفتات ... والممتاز رجع لى بلدنا

**********************
كان العشم إنتصار على وصيفنا فى إستادنا
ونخرص لى اللسان ...... وإنتو ما أندادنا
لكن الظروووف ..... حكمت رغم إعدادنا
والفارق كبييير .....فى كؤوسنا فى أمجادنا

ونقدم هذا الموضوع لموقع توتو إسبورت كعربون مودة بعد العودة من السودان وأكييد أكييد بنتواصل ومن بون رغم البون ومن بيرمنجهام سلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
الكأس بنقول مسيخ !! لكنو برضو عجبنا ومسدارين من بشرى مبارك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى الريـاضــــة-
انتقل الى: