منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 سيرة باكستانية كاربة فى شارع المسجد ( الوم رووك ) بيرمنجهام

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بشرى مبارك



عدد المساهمات : 7504
تاريخ التسجيل : 19/02/2009
العمر : 57
الموقع : أقيم فى بيريطانيا مدينة بيرمنجهام

مُساهمةموضوع: سيرة باكستانية كاربة فى شارع المسجد ( الوم رووك ) بيرمنجهام    الثلاثاء 5 أغسطس - 6:35

ذكرت لكم اليوم فى سرد الدرس اليومى أننى طالع مشاوير كثيرة ومهمه وخرجت الحادية عشر ولم أرجع إلا الساعة والنصف عصراً !! أتغديت سريع لأن العصر السابعة طلعت على الصلاة وأنا راجع على البيت تقابلنى سيرة باكستانية كاربة أتنين باكستان يدقون على ( الدنب ) وهى تشبة النحاس ولكن معلقة على الرقبة ، الدقة تشبة الدقات السودانية !! وقفت دقيقة لكى أسجل ( الملاحيظ ) وجدت شغل النساء ( لا مؤاخذة )!!!!! مييت والغناء ضعيف وعدد النساء فى حدود 15 ويتقدمهن العريس والعروس بالزى الباكستانى الشعبى السيرة من المنزل 79 الى المنزل 19 ( يعنى جيران )!!!! وبراى قلت للنسوان والله يا ريت لو جابو ليكن سيرة سودانية وسمعتن النسوان السودانيات ( كيفن بهبكن الدلوكة )؟؟!!! والغناية بصوت كلو ( حلويه ) تقول الليلة ساير لى بيت القبايل العجبنا ليه !! وحننى يا أمو والقرش ما بهمو العجبنا ليه !! ولو كانت السيرة جاية من مكان بعيد يقولن ( أم العروس جيناك برانا البلد بعييد والعجاج ملانا !! وحسى حسى يا أم العروس حسى وقابلينا بالببسى يا أم العروووس !!!! .
عندما دخلت البيت أردت أن أضع المدام فى الصورة فقد لها الليلة شفت لى سيرة باكستانية فى شارع الجامع !! قالت لى سمعت الدقة وانا فى الحديقة بشر لى فى هدوووم !! وبراى قلت الدقة السودانية دى شنو يا ربى ؟؟ وضحكنا زيين فى الموضوع وقلت تضحكو معانا والدنيا قبايل عييد ، ومن بيرمنجهام سلام وحديث وسيرة كمان .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
سيرة باكستانية كاربة فى شارع المسجد ( الوم رووك ) بيرمنجهام
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: المنتدى العام :: المنتدى العام-
انتقل الى: