منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 مجادعات مسدارية بين دكتور شنان وبشرى مبارك نقلا من والى الفيس بووك

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 17 فبراير - 22:07


أخي بشرى تحية طيبة عساها تجدك موفور الصحة والعافية
وبعد ولعلمي بعشقك لشعر الدوبيت فهذه مسادير جادت بها قريحتي عندما كنت أعبر الميدان الأحمر فرأيت سرب من ظباء الرباط يتضاحكن وقد دفقن بقايا السندوتشات والعصائر بالميدان في ذات الموقع الذي كنا نأخذ به الـ(عشرة دقيقة صفا) ... فكتبت :
مسادير
ميــدان الـرجــولة الـزرعو قــط مــا بــار
كــم خــرَّج كـَلَسْ .. يحــمي الوطن .. نتّار
فــي شان الوطن لي الأمــن وإستـــقرار
قــدّم ناس (أمين) و( الديب) و (جبر الدار)
**************
دخـلوهو التلوب وإتقمّحـوبو عَمـَـار
كان أغبش ... دميهم صبّحنّوا حَمـــَار
مــيدان الرجولة الأرضو حـمرا ونـار
كــم أهــدى الوطن أمناً جـناهو ثــمار
**************
ميدان الرجولة الـ للوطن عـــمّار
كم خرّج رجال من (تُجمُلا) و(مسمار)
صناديداً قلوبهم صارمة زي بتّار
كان فسحة وقاية من شتات ودمار
**************
يـاما جـاب رجــالاً يـــهــدوا لـي من حـار
شال " أوشال " عرقْهُم الكابي دافق حار
عــــرق تدريب يسيل في أرضو ليل ونهار
شــــان أمـــن الوطن وســلامو مــا ينهار
**************

كــــم قــــدّم رجــــالاً للوطن دا ذخـــيرة
جـــايين من برام أو شندي فوق أو ريرة
دخـــلوا مفرقين في مشيتم زي (ســـيرة)
طلعوا موحدين خطوات نشيــطة قصيرة
**************
طلعوا موحدين خطوات نشيــطة قصيرة
عـــجنوهـــم رجال مـن الشـــمال والتــيرا
بـي فهـــماً سليم مدروس دراســة بصيرة
نــاس سِلــمى وضرار ودقنّة والبــاتــيرا
**************
حليل زمنوا اللي كان في الدولة حاجة خطيرة
مـــا بقدّم هــوان .. مابعوسلو خبزة فــطيرة
لــــي أمن الوطن خــيراتو ديمــة مـــطيــــرة
كــم قـــدّم رجـــال أفذاذ وســـيرة عــطيــرة
**************
حليل زمنوا اللي كان في الدولة حاجة خطيرة
مابيشــــقوا (إسكــــيرتي) و ( بلوزة) قصيرة
بنــوت (تــايتــنك) الــواحــــدة مــتل الــــِصــيرة
(تبصق) في اللبانة وتَكُب في باقي عصيرا !!!
**************
الموجوع / شنان محمد الخليل
— with Omer Osman and 19 others.
Like · · 4 hours ago ·
7 people like this.

بشرى مبارك مبارك إدريس
شنان ود الخليل والله زفرة مثيره ، واصل ما تقييف مطر الخرييف ودميرة، أنت يا يا شنان لك شأن كبير فى أمر الشعر والدوبييب فأدخل لكى نملا هذا الفضاء الواسع ونحرك البقية إن شاء الله فلا تبخل ، فإمكانياتك مهوله وتستحق المتابعة وسوف تجد الكثير من المعجبين ( والمعجبات ) من غير بلوزات قصيرة طبعاً !!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 17 فبراير - 22:37

شنان ود الخليل ... والله زفرة مثيرة
واصل ما تقييف مطر الخريف ودميرة
بواصل جد معاك... انا اخوك يا منيرة*
ودائماً تلقانى حاضر والجلسة طاعمة وثيرة

*********************
الشرطة بنريدة فى دمانا لسع غزيرة
وما بلحقنا فيها لا مديرة وحتى وزيرة
والله بنشوفه ..... زى الربطو حريرة
وبشّر فوق عديلو وفاح المسك وضريرة

**********************
أيام خالدة فينا .... والرحمة للباتيرة
ولى كل معلم... واصل بعدنا مسيرة
يا رب ما تقييف وما نسمع التكشيرة
وناخذ كل حقوقنا حتى لو ( قطميرة )

**********************
سلام لى كل زميل ولى كل أمير وأميرة
ولى كل ضابط مناوب ولى البختم التأشيرة
لو نحنا بُعاك ...... جاهزين على التعميرة
فى حب الزمالة ... ما نرضى أصلو جريرة



ونتواصل فى النمّ إن شاء الله مع شنان ومع غيره ، ويا الفاتح المقبول آن الاوان لكى تشارك فى هذا الميدان وأصلو ما بغلبك !!ويا النور يوسف ما تقول لينا والله المسادير دى ما بريده ( زى البُش آب ) أنا متأكد أنك سوف تكون فارس فيها إن شاء الله ولكل من حاول من قبل أن يحاول وأكان ( ملاوز يرسل لى فى الخاص بعدله ليهو وترجع زى الماحصل شىء !!) ويعرض بيها معانا ومع أخوانو !! وأخواتنا برضو والله كان فى مريخابية فى منتدى النيمة قبل7 سنوات ماشاء الله عندها مسادير فى المريخ والله قوّمت نفسى حتنى أستعنت بالله أولاً ومن بعده هلالابية ( سوف أٌقدم لكم شىء من مساديرها إن شاء الله) هلالابية فى منتدى دار جعل والله خطيرة فى المسادير وكانت لنا صولات ولكن قاتل الله الهكر فقد هكروا منتدى النيمة ( شمبات) ومنتدى السروراب وفقدت إشتراكى فى منتدى دار جعل، ومنتدى السروراب لى فيه مع مجموعة طيبة من الاخوات والاخوان تتقدمهم الاخت الاستاذة والشاعرة نوال إسماعيل تناد فى البوست المشهور ( تانى تحية ) وقد وصلت المشاركات الى أكثر من 2000مشاركة نصيبى فيها من المسادير قد يصل ال300 أو يزيد وكذلك قريبى الشاعر المعروف منصور عبدالله المفتاح ( الذى يكتب من كندا ) وله الان صولات معروفه فى سودانيز أون لاين وغيرهم وغيرهم ونريد أن نواصل السوح المسدارى فى صفحة التوثيق للشرطة والمسادير تتحدث عن الواقع والماضى والمستقبل واالذكريات وكل شىء يخطر فى البال .


* منيرة ، هى شقيقتى الكبرى منيرة مبارك إدريس من أبناءها المشاركين معنا ( مصعب ومحمد ) ومن أحفادها وبناتها فى السعودية والسودان مجموعة ما شاء الله تبارك الله ست واجب نسأل الله لها الصحة والعافية والحجة التالتة والرابعة الى السابعة إن شاء الله ويحفظها وزوجها الاخ الفاضل الزبير خوجلى أبوزيد الذى عمل أيام الزمن الطيب فى الجيس السودانى وكان فى سلاح الذخيرة وتم إبتعاثة الى مصر لمدة سنتين دراسات فى مجال الذخيرة أستفاد منها بعد أن ترك الجيش السودانى( رقيب ) فى بداية الثمانينات وألتحق بالجيش بالامارات وعمل فيها حتى العام 1995م والان فى أعمال حره فى السقاى نسأل الله له الصحة والعافية .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الثلاثاء 18 فبراير - 4:04

نرحب بسعادة اللواء شرطة معاش عابدين الطاهر والذى كان علماً من أعلام المباحث الجنائية المركزية سبر أغوار الكثير من البلاغات وبإجادته( لغة الفرنجة الانجليزية ) وصل أعلى الدرجات ، وكنا نعشم أن يتواصل العطاء حتى يصل الى موقع الرئاسة ونهاية الغايات ، ولكن آه من لكن!!! نقول الحمد لله على كل شىء وأسمح لى سعادة اللواء أن أستقبلك بهذا المسدار ( المتواضع ) فمثلك تحتاج الى قامات فى المسادير أكبر منا ولكن أقبله بحاله وقلت :

مرحب بالهميم مديرنا ود الطاهر
فى إدارة المباحث عملك منظّم وظاهر
فى أمر التحرى بى (لغة الفرنجة ) تجاهر
ما كان المراد .. المراد فى غيره تبقى تساهر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الثلاثاء 18 فبراير - 4:15

إستجابتهً لطلب سعادة الفريق شرطة عوض وداعة الله حسين بخصوص ذكر من سبقنا من أخواتنا الفُضليات على الميدان الاحمر وكلية الشرطة سوف نكتب هذا المسدار للخمسة الاوائل من الاخوات ونجى للباقيات قريباً إن شاء الله بس ساعدونا بالتعليق والموية الباردة والشكرة برضو ما بناباها ( بتساعد) على قول أخونا عبده نمر فى المانيا (بون) والآن الى المسدار :

بت التازى كانت فى الشرطة قبل أقرانه
سابقة كتيير دول وكييف اتقنت ميدانه
آسيا وأمنة كانن...هن من أسسن أركانه
أخلاص وسميرة درسن فى العلوم وحصانة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الخميس 20 فبراير - 0:15

وعدت سعادة الفريق شرطة عوض وداعة الله حسين بالمواصله لذكر أسماء أخواتنا بالشرطة ممن تمت إحالتهن للصالح العام ، وكذلك للإستمرار مع الشاعر الفحل دكتور شنان وكتبت اليوم الاربعاء19 ربيع الثانى 1435 هجرية الموافق 19 فبراير 2014م وقلت :

أخوات إبتسام صالحة ودفعته صلاحن فى الشرطة كان معرووف
أتحسرنا جد وقاعدين نعاين .... نعاين بس.... ضربنا كفوووف
شوف أمر الإحالة طال المئات .......... طال المئات وإلوووف
الامر ما طبيعى وحيّر الجميييع ...... وزاد زاد على المألوووف

**********************************
يا زملاء الإحالة والإستقالة والهرووب .... تعالوا نبنى صفوووف
ما نفرز رتب ونتساوى فيها ............ نتساوى فيها كتفوووف
أتخرجنا (ظيطة ) بحضور الرئيس موسيقى نحاس ودفوووف
أخلصنا العمل ............. إجتزنا الامتحان نامن ملينا كتوووف

**********************************
كنا بنقبض البسرق ينهب ......... والبشرب البشرب الملفوووف
وكم واجهنا أخطار .......... واجهنا أخطار فيها نار وسيوووف
الشرطة الزمان القديمة كالمسك هى أحلى ....... أحلى خلووووف
ما بنندم فراقة ........ ما بنندم فراقة وأصلو أصلو ما مأسوووف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الجمعة 21 فبراير - 4:51

نقاش هادف جميييل لا نفوتو لا بنملّو
شباب رايعين حديث والحديث بنجِلّو
نصلى على رسولنا بالله قولو وصلو
يا رب صحة وسلام والغُراب ينّسلّو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الجمعة 21 فبراير - 5:18

وعدت الاخت الزميلة عواطف بمسدار رقم أننى لم أعرف دفعتها ولم أعاصرها !!!!!، ولكن لأنها ( أستنجدت ) بعلم من أعلام الشرطة وهو سعادة الفريق شرطة عوض وداعة الله حسين وأفادت أنه يشهد لها بأنها قايدة طابور من الطراز الراقى فلا شك يجعلنا نهدى لها المسدار بكل إطمئنان أن مسدارنا ما بقع واطه !!! وقلت لها :

عواطف زميلة قايدة لى الطابور
فى المشية سريعة ما بتلف وتدور
إلا مع النداء ... تلقاها ديمة حضووور
ما بتعرف ركلسة ... وصاحية بدرى بكوووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الجمعة 21 فبراير - 6:56

وقول لى عادل صلاح راسة يبلو
قاعد لينا فى البوستات زى ود ام بعلو
لكنو ظريييف ... يا ريت لو نشوفو نطلو
دفعتكم علم ........ علم محل ختوه يملأ محلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأحد 23 فبراير - 0:14

كتب القمندان تاج السر حسين شطر من بيت يسأل  عن الغائبين لكى يطمئن ونطمئن عليهم جميعاًُ، نشكره ورأيت أن نتم له الشطر ثلاثة ليصبح السؤال فى شكل مسدار يسأل  فيه عن الغائبين :


يا غايب من الاسفير *** عليك شفقنا كتير
قول لينا غير تأخير   *** سير فى طريقك سير
خافيين من التشفير   *** من وعكه من تعسير
رحماك إلهنا نجير   *** أحفظنا من تعكير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأحد 23 فبراير - 0:58

طلب الاخت والزميلة أم مصطفى لكتابة مسدار لزميلاتها بت كبسون سعاد وهاجر وفتحية لاشك يجد عندنا كل القبول والموافقة ، وهذا المسدار أكتبة بلسان أخى وصديقى وزميلى وجارى ( دولياً ) عندما كنت فى المانيا والان هو فى سويسرا وأ،ا فى بريطانيا وأصبحنا جيران فى أروبا !!!الاخ فيصل عثمان الحسن ، فيصل الهميم البكتب ويرد فى الصميم المابرضى الضيم الردو زى السحاب والغيم ، فيصل صاحب الحضور وطالق العطر والبخور والحاضر حتى وقت السحور ، فيصل عثمان الحسن تجده دائماً قايد الرسن ، لا يغييب إلا للشديد القوى أسأل الله له موفور الصحة والعافية ومن وجع الضهر والرطوبة الشربة الشافية وكافية ( آمييين ) ،والان أسمحوا لى أن أرتجل وأقطع لأخواتنا ( قطع أخدر ) وأتمنى أن تنال ( كلمات الاخ فيصل عثمان وسطرى الرضاء والقبول ) :

بت كبسون سعاد هاجر كمان فتحيّة
الضاقن ظُلم .......فى بداية الالفيّة
الصبر الجمييل ... خلنو زاد وتكيّة
نسطّر فى الحروف يا ريت لو حروفنا نديّة
ما بارعين شعر بس قلنا ... بس قلنا ذكرى وحيّة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 24 فبراير - 1:18

وجدت على صفحة التوثيق للشرطة السودانية صورة جماعية لمجموعة من الاخوان الزملاء بالدفعة 46واليوم كنت على تواصل معهم بالواتساب وإستجابة لطلب الزميل والاخ الكريم والدفعة عماد يوسف وشكراً عماد على الاطراء ( بشرى مبارك يا أديب !!) يا زوول دى فقط محاولات ( أدبية ) أدييب دى بعيدين منها !!! رغم أن المعجبين والمعجبات ( والمعجبات دى كمان ما تقوم تقراها المدام !!) تعمل لينا بيها غلبة باقى الليل ده كلو !! المهم المعجبين والمعجبات شابكنى ليك يا أستاذ يا أستاذ يا أديب يا رهيب !!! أنا خايف بعد ما ناس دفعتى ومنهم أيضاً الاخ رباح فى أمريكا وأحيّه بعد أن حييته فى الواتساب وأرسلت له تحيات الشرطى النفر ( أبوفركة والذى فركنا بطوابير الذنب بعد الهرووب الكبير فى الكلية والقصة معروفه للدفعة وخاصه أولاد مدنى!!!!)بعد أولاد دفعتى سمعونى حكاية أديب دى أٌقوم أصدق !!!!هههههههههههههههههههههههه تحياتى وهاكم المسدار :


أخوان دفعتى يعجبنى فييكم هيبة الهندام
والعمّة وشال.. ... مركوب وكلو تمام
أتلموا وشاركوا  أفراح أتراح مع الايتام
تبقى الذكرى حيّة .......وارمو لى قدام
يا رب نتلم معاكم ... ما تزورنا بس أحلام


عدل سابقا من قبل بشرى مبارك في الأحد 1 يناير - 4:42 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 24 فبراير - 6:46

يا سيد عوض وداعة ودكتور شنان والاخوات الزميلات وكل الزملاء والمطالعين ، تحياتى كتبت المسادير :

عشان ألقى الاجر من ألف زاير
ويكتب سيد عوض والشعر ما يبقى باير
نكتب فى أخواتنا ديل سمحات طبع سمحات مساير
ونرجع زمان للذكريات وفنانا قال .. قال الليلة ساير
وقطّع .... قطّع جرايد النخل وللعريس ربط ربط الحراير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 24 فبراير - 15:58

يسعدنى بالجد الحضور
شوف الروايع والعطور
مرات نتابع للسحور
ومرات بيغلنا الفطور
من البضاعة المابتبور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 24 فبراير - 17:51

لكن قصب الجرووف والله أحلى وطاعم
أكلنا صُغار ...... لمن كنا لسع براعم
لقييتك يا سعادتك حرييف ولهجك طاعم
ماك حنكووش يميين وما بتعرف الناعم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    السبت 1 مارس - 1:02

الاخوان الزملاء تحياتى وقلنا ندييكم مسدار ونخصصه للأخ الدرديرى جدلده دارفور ونقول فيه :


يا الدرديرى أخوى إنت السلام والخوّة
من صفا إنتباه وناس وداعة وكووّة
أرسل ليكم سلامى.. من المشاعر الجوّة
يا كم أخوان تمام ودايماً تزيدو القوّة
يحفظكم الكرييم ناس برّه أو ناس جوّة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأحد 2 مارس - 3:01

دكتور جمال عثمان زاد فى جمال الدفعة
دكتور الطيب عبدالجليل زاد نضارة البقعة
دكتور يحى الهادى زايد فى البهاء والروعة
دكتور أبراهيم الشيخ هناك يكفّى ضيف الهجعة
دكتور عزالدين عبدالمحمود فى بحرى أوعه حاذر أوعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 3 مارس - 1:29

شوف عينى يا عباس ... الصاقعة ذاته تحيّى
كنت عايز أعلق ....... لكنى ما زووول نيّى
بالمسدار أخييير ..... أكتب وأقول أقول أحيّى
يا عباس سلام ويا وداعة كلام شايف النور هناك (يحيّى )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 3 مارس - 6:55


بمناسبة تلبية ضُباط الدفعة 46 كلية الشرطة ( 23 يناير 1980 - 2 يناير 1982م ) والان هم فى رتبة اللواء شرطة منذ 4 سنوات لبوا دعوة الزميل إبن الجبل ( جبل الاولياء ) الاخ إسماعيل عوض القاسم وأسرته الكريمة فكتبت بمناسبة هذه الرحلة والتى تابعناها عبر الواتساب وبواسطة الصور التى رفعها الاخ عباس محمد فضل المولى فى موقع قرووب الدفعة 46 فى الفيس بووك هزتنى هذه المواقف وحضور الزملاء وقلت :

عسلّ العسّال مصفى ... والله كفّى وزاد
وضُباط 46 كانوا ... كانوا فى الميعاد
معرووفين فى واجب ..وديمه ناس مُشهاد
ديل الدخرى لينا ..ديل أخوان فطين وسُعاد

***********************
فى السجع والخطابة .... تقول حمدى ود بولاد
فى البحث والكتابة... نافسوا نافسوا العقاد
فى أمر التنافس.... التنافس جاهزين سلاح وزناد
ضاربين فى السوادة.... .... وسارفينو ده العداد

*************************
فى محافل التحرى .... التحرى راصدين هناك أمجاد
وفى قاعات دروس ..... ......دروس ليها هم أسياد
لو قُلت التواصل ....... التواصل ما خلو أصلو بلاد
فى الواتساب حضورم .....حضورم جماعة كان أفراد

***************************
زاد فخرى بييكم ....... عدى زاد زاد تعداد
ما اظن أحصى خييركم .... لانى ما رصّاد
مكتووب فى يميينكم .... .....أدوهو للأحفاد
يكفى يميين إلوووف .... ما يجينا واحد صاد
****************************
سنيين تدريبنا كانت .... ما فيها راحة رُقاد
وضباط 37 قلبو ...... ...قلبو نومنا سُهاد
مرقونا رجال من مروى ....من كسلا والحداد
حديد لاقى حديد ..... ..ما تقول صُغار وجُداد
حديد لاقى حديد ........ما تقول صُغار وجُداد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الإثنين 3 مارس - 23:57

مجادعات بين اللواء شرطة معاش صلاح بابكر دفعتى وزميلى السابق بجوازات مطار الخرطوم وصديقى وقد أستهل الاخ صلاح بأبيات لود شورانى


الحبيب بشرى مبارك استدعي كوامن البداوة عندى وطلب المربعات
شيخنا ود شوراني رحمه الله والغزل يا بشرى هدية ليك

يا ياقوتة الحضرى الحضارمى زبونك
عازة وغالية طلعن فى التريا تمونك
عالية ارداف ضامرة هاف وقارن نونك
انكال بالجمال لامن دفق ماعونك

يا تمرة كريمة القاد سبيط عرجونك
لو كان امنوك زاهد الدنيا بخونك
معلومية الذكاء فيها ماهرة فنونك
ربى كساك بالهيبة وصدر قانونك

يا فوسيبة الوادى الروايا مرونك
حب المنقة والانناس حلاتك ودونك
محال ما بتمتعى الحى بهواك وشؤنك
مهوس بيك وقلبى عليك وبقيت مجنونك







!!! ولكن أنا أرد عليه بقطع أخدر وأقول :

بعد ما كبرنا كيفن يا صلاح بنجادع
وما قت لى وكت درفون وكت يافع
مليان الكتف بى نجومو أقدل أصاقع
لكن السنيين طالت ..... بقينا ندافع
أصبح حالنا زى حال الوصييف واالشافع  
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأربعاء 19 مارس - 19:11

مسدار للأخت الملازم شرطة معاش أم المصطفى لردودها الرائعة على صفحة التوثيق للشرطة السودانية وقلت لها :

أم المصطفى أم قدحاً كبييير ما إنكفا
ما شُفت من ليها اختلف أو قام جفا
تدييك من عذب الحديث .. كما صفا
وتديك من حلو الطعام والشراب شبع شفا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأربعاء 19 مارس - 19:24

دفعتنا الوجية النشط فى قرووب 46 بالواتساب المقيم بالسعودية عماد يوسف ( حليب ) ذكر لى فى مداخله اليوم وقال لى يا بشرى لو عاجبنك ناس 46 للدرجة دى أكتب فيهم مسدار فقلت له :

مسدار فى 46 ... يا اخى ديل ناس مقال وقصيدة
ديل كفو الضييوف .... الإلوف شيه وكبدة شديدة
ما بقدر اوفّى ...... أفضال خصال وذكرى مجييدة
عماد يوسف سلام لسع فى الكتير ما بقدر على تريدة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الأربعاء 19 مارس - 21:50

وضابط الشرطة كان فارس رغم أنفهم كيزان
قُبال ما يجيوها ..... ويفرزوا فيها كم كيمان
ويا للحسرة شالوا الكوم طلع كوم البشيل ندمان
رغم المال والامكان....تراجع امنو كل سودان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الخميس 20 مارس - 1:06

ضابط الشرطة فاهم درجاتو عالية رصينة
فى الجامعة المحاضر وفى الظلمة نورو رتينة
شعارو العين هى ساهرة وايدو برضو أمييينة
فى مدن أو قرى اكلو ميزو فوول .. فوول وسخينة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الخميس 20 مارس - 3:16

ود الطاهر سلام مرحب حباب الجابك
والمسدار حلا.... زيد لينا انقر بابك
جييب كل من تعرفو وكرّب عدييل كرابك
من بلد ( الفرنجة ) ....ندييك ونملأ جرابك


ومسدار أخر للأخ عبدالغنى عبدالسخى قلت فيه :

يا عبدالغنى أصبر علىّ جايييك
وماسك فى الدرب ما ضهبت أو مابييك
ما تقول بمشى وازووغ ادييك ( إسنا) وسييك
ورقى يميين مكرّب ... مكرّب سهر الجداد والديييك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مجادعات مسدارية بين دكتور شنان وبشرى مبارك نقلا من والى الفيس بووك    الخميس 20 مارس - 15:04

هذا رد سعادة اللواء شرطة معاش عابدين الطاهر علم من أعلام الشرطة السودانية ومدير شرطة المباحث الجنائية المركزية السابق ومن أشطر ضباط الشرطة فى التحرى وصاحب إنجليزية رصينه أهلته لتولى التحرى فى أشهر بلاغات الشرطة التى تحتاج الى اللغة الانجيزية نال كورسات عليا فى أمريكا بواسطة ال سى أى أيه لقناعتهم بكفائته فى التحريات فى مقتل الامريكى فرانفيل وسائقة السودانى ،




الاخ عبدالغني الاخ بشري تحياتي لكم أيها الشرفا والله أني لاحزن لهذه المؤسسة العريقة ان تفقد كل هذا الجمال وهذا المخزون من الإبداع حقاً خسرت الشرطة وخسر المواطن واشهد الله وحسب قربي من الاخ عبدالغني وبقدر خبرتي بمقدرات الضباط اجزم ان عبدالغني من تميز الضباط اللذين تعاملت معهم وكان مشروعا لقائد تشرب خبرات العديد من القادة ولكن ااااااه من لكن هذه التي لكنت وستلكن كل جميل ما دام اللاكنين مستمرين في لكناتهم عموما لكم تحياتي واحتراماتي
وهذا ردى عليه بهذا المسدار :


ما دام رفقاء التحرى عارفين جمال إبداعنا
ما همانا غيرم .... وطالقنو ديمه شُراعنا
ما راعو الامانة وما اتقصوا الحقايق يوم دقينا فيها كراعنا
حبها فى القلوب كفارة ذنوب مالى العيون العيون واسماعنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
مجادعات مسدارية بين دكتور شنان وبشرى مبارك نقلا من والى الفيس بووك
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى الشعر والخواطر والقصص-
انتقل الى: