بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: أخوانى الاعزاء من الاهل والزملاء...... شكراّ الإثنين 17 فبراير - 4:05 | |
| أخوانى الكرام لكل حقبة وفترة فى حياة الانسان مواقف قد تتشابة مع أخرين ، فمثلاً فى الشرطة عندما دخلنا كلية الشرطة كنا ننتظر يوم الخروج بالخميس لكى نقابل الاهل والاصدقاء والجيران والحبايب ( والحبيبات !!) ونقول فيهن كمان الشعر ( يا حليلنا الآن !!!) وجاء التخرج ودخلنا العمل وأصبحنا مع العمل مره نفرح ومرة غير ذلك ولكن كان الفرح الاكبر أو التشوق لكم جميعاً تقريباً فى لقاء من تحب !! أو من فكرت أن تكون لك شريكة المستقبل !! الى أن جاء هذا الزمن وأصبحنا نفرح بلقاء الزملاء من الشرطة وغيرهم عبر التواصل على الفيس بوك فو الله العظيم وأنا من السادسة صباحاً وبالى فى المواضييع المسخنة !! وصلت البيت ولكن كان مافى طريقة للدخول شمال بسبب دخولى قبل نصثف ساعة من صلاة العصر فى المسجد وفى نفس الوقت لازم أتغدى لأن الجوع حاصل !! أتغديت وناديت على ( الحتالة ) أيمن 11 سنة للتحرك على الجامع بعد الصلاة قابلت مجموعة جيرانى من المتزوجين والعذابة السودانين فقدموا لى العذابة الدعوة الفورية للشواء ( غداء برضو ) ناديت على أيمن لكى يخطر المنزل بأننى سوف أحضر بعد صلاة العشاء وبالفعل وصلنا وكالعادة وجدت المرتبة على الارض وأخدت لى دقسه نصف ساعة ريحتنى تمام بعدها كانت صلاة المغرب ثم الشواء الفراخ الرهييب فراخ وسلطة وشطة والله فضله خيركم نامن فضلنا الاكل والحمد لله ، ونسه حتى حان وقت العشاء بالمسجد فتحركنا ، دخلت المنزل بعد صلاة العشاء وبعد ونسه مع المدام وحكاوى العزومة دخلت على الفيس وطالعت أهم المواضيع ولما وجدت طلب من الاخ عادل بشير لمسدار فقلت لازم ألبى طلبات ناس فيرجينا الغاطسين فى الجليد لعل البرجة مع المسدار تنفض الجليد والبرد وبدورى أقول ليك ما كان بقوله عربى فى عطبرة حضر طابور الشرطة أيام مايو وكان هناك نقييب شرطة جسمو محترم قائد الطابور العربى قالو ليك يجى جنب النقيب ويقول ليهو ( هييييع هيييع أبزرد هيييع هيييع أبزرد !!والنقيب أثناء قيادته للطابور يكوورك يا مباحث يا مباحث !!! أقبضوا العربى ده !! العربى يلبد وسط الجمهور المتراص لمشاهدة الطابو ويظهر بعد نصف ساعة فى مكان أخر ويردد ( هيييع !!!هيييع أبزرد ) فقلت للأخ الشاعر والكاتب والروائى المعروف عادل بشير :
أبرج يا ود بشير أنفض جليدك وبشّر معرووف زول مواقف أصلو ما بتكشّر الشرطة ....الجابتك كانت جميلة تخدّر بس دار الزمان... أصبح شعارة تسفّر | |
|