منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 كم بالة .؟؟!؟ بالتين والبالة تدقش باله .. وثلاثة مسادير للمريخ العالمى

اذهب الى الأسفل 
كاتب الموضوعرسالة
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الأحد 9 فبراير - 5:03

يا عوض جلاس باقيلك إذنى الاربعة ساعات من الشغل للمريخ بعوضونى !!!
اليوم فى الشغل من الصباح ورئيس الوردية قال لينا الشغل من السادسة صباحاً الى السادسة مساء !!و مافى أى إذن !! وقلت خلاص مباراة المريخ طارت !! الساعة الواحدة جييت لى رئيس الوردية وأستأذنت لصلاة الظهر فسمح لى وقال لى ( يا مولانا أدعو لينا معاك ) فوجدتها فرصة وجييت بعد الصلاة قلت ليهو دعوت ليك بتحقيق كل ما تطلبه إن شاء الله ، بس أنا عندى طلب عايز أطلع الساعة الثانية ظهراً !! عندى عزاء لأحد الاخوان فى وفاة والدة والعزاء حقيقة لكن المشوار ليهو بكره الاحد وليس اليوم !! وقف دقيقة وضحك وقال لى ما فى مانع ورئيس الوردية كردى ظريييف .
مشيت صليت المغرب وجييت على الراديو بعد أن فشلت كل محاولاتى فى الحصول عليها فى أى قناة تلفزيونية !! فتحت الراديو وفوجئت بالنتيجة هدفين لكمبالا سيتى مقابل صفر ( كبييييييير للمريخ الدولى والعالمى !!!) وقلت أكان كدى كان أحسن لى ال50 جنية إسترلينى الضيعتها فى 4 ساعات شغل !! يا عوض جلاس باقيلك ( جمال الوالى أم وكيلة فى سلطنة عمان ما بدفوها لى !!!؟؟؟) .
وإليكم هذا المسدار :
مريخ ( الروضة ) فى التمهيدى وقف إتعسّر
واليوغندى بدّع....... ولي أنيابو كيفن كشّر
أحرز هدفيين... وجاب الكوورة تب فى السنتر
والمريخ أنبهر .... أنبهر وجمهورو وقف إتحسّر

(كمبالا سيتي سيتي كمبالا)  المشاركة بين القوسين مع الاخ عوض جلاس منتدى البركل
__________________


إليكم مسدار كم بالة ؟؟؟


بالتين من سيتى البالة تدقش بالة
مالو العالمى أضحت جداولو ريالة
قايلين عندو كورة وفى العدم فى رجالة
والييكم يدفع بى سخى زى البربى حتالة
فريقكم راقد مكسّر بس ناقصو شيل نقالة

إليكم مسدار آآآآه من العالمى !! والعالمية الطارت !!


آه آه من العالمى والعالمية الطارت
آه آه من البضاعة الليلة كيفن بارت
إتنين من سيتى والعقول كيفن حارت
باسكال العجيب كورتو طارت وعارت
فضحونا الجماعة ( والبالة ) كيفن سارت!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الأحد 9 فبراير - 19:06


يا جماعة أنا مصر أصالة عن نفسى ونيابة عن كل الطلبات التى تصلنى فى الخاص والعام بأن ( أردم الجماعة بالمسادير ) ولأنى أخذت إذن من الشغل 4 ساعات بقيمة 50 جنية إسترلينى بالامس والله بالجد موجعانى!!!! ودخلت على بعد الهزيمة النكراء للمريخ والغير متوقعة !!! لذلك قلت أوصل المسدار الرابع وقد بدأت محطتى من المسدار الاول بالبركل وتفرعت الى المنتديات الاخرى والفيس وألآن أعود للبداية وأكتب المسدار الرابع والذى أقول فيه وأهدية للاعب التحرير البحراوى السابق وإبن الدفعة 45 الرائد شرطة معاش الفاتح المقبول صاحب المسدار المقبول والذى حفظناهو فى مكان أمين ويا دار ما دخلك شر .


خوفى على الوصيف من السبعة فى كمبالا
بعد ما فى الديار دقشوهو...... إتنين بالة
جرح الوحدات بتاور ومريخنا خردة دلالة
لية ؟ صرف الملايين وبلدنا فى دى الحالة
يا الوالى أقييف ..... أمشى السياسة وهالة*


*هالة ، هى المرأة السودانية رئيسة حزب حق الذى أنشق من الحزب الشيوعى السودانى وقد قدمت مبادرة وتوسطت لحل مشكلة وقعت قبل سنتين بين السيد الصادق المهدى رئيس حزب الامى القومى وإمام الانصار والدكتور حسن عبدالله الترابى رئيس ما يسمى بالمؤتمر الشعبى وهم الاثنين هاله قدر بناتم !!! نحيها ونحيّ مبادراتها لرأب الصدع بين من تجاوز (ال80 عام من العمر !!!) ونحنا فاشلين فى كل شىء البخلى المريخ ينجح ويفوز على كمبالا سيتى شنو ؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الأربعاء 12 فبراير - 1:53


آه من الطلوع البدرى من تكرارو
آه من الوصيف الديمة ضافين نارو
شوف ناس كمبالا كيف للوصيف كيف جارو
خلو العالمى العالمى جمهورو خنسو وحارو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الأربعاء 12 فبراير - 1:54


آه من الطلوع البدرى من تكرارو
آه من الوصيف الديمة ضافين نارو
شوف ناس كمبالا كيف للوصيف كيف جارو
خلو العالمى العالمى جمهورو خنسو وحارو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الأربعاء 12 فبراير - 1:57

[color=#3333ff]
[center][b]وإليكم المسادير وقد جمعناها فى قصيدة واحده لتسهيل الاطلاع والحفظ للأخوان الهلالاب وغيرهم
مريخ ( الروضة ) فى التمهيدى وقف إتعسّر
واليوغندى بدّع....... ولي أنيابو كيفن كشّر
أحرز هدفيين... وجاب الكوورة تب فى السنتر
والمريخ أنبهر .... أنبهر وجمهورو وقف إتحسّر


بالتين من سيتى البالة تدقش بالة
مالو العالمى أضحت جداولو ريالة
قايلين عندو كورة وفى العدم فى رجالة
والييكم يدفع بى سخى زى البربى حتالة
فريقكم راقد مكسّر بس ناقصو شيل نقالة


آه آه من العالمى والعالمية الطارت
آه آه من البضاعة الليلة كيفن بارت
إتنين من سيتى والعقول كيفن حارت
باسكال العجيب كورتو طارت وعارت
فضحونا الجماعة ( والبالة ) كيفن سارت!!


خوفى على الوصيف من السبعة فى كمبالا
بعد ما فى الديار دقشوهو...... إتنين بالة
جرح الوحدات بتاور ومريخنا خردة دلالة
لية ؟ صرف الملايين وبلدنا فى دى الحالة
يا الوالى أقييف ..... أمشى السياسة وهالة*

آه من الطلوع البدرى من تكرارو
آه من الوصيف الديمة ضافين نارو
شوف ناس كمبالا كيف للوصيف كيف جارو
خلو العالمى العالمى جمهورو خنسو وحارو





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7553
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: كم بالة .؟؟!؟ بالتين والبالة تدقش باله .. وثلاثة مسادير للمريخ العالمى    الخميس 13 فبراير - 4:58

هذا المسدار نجرتو الصباح للمريخابى عمر عثمان وزميلو وليد الريح وأنا ماشى الشغل ، ركبت فى الطابق الثانى للبص ومرقت ورقتى وقلمى وكتبتو ولكن قبل ما أكتبو أشوف الاهداء من منو ؟؟ الاهداء من سعادة اللواء شرطة معاش محمد المجذوب وشخصى الضعيف والاخ فيصل عثمان ( كورس ) بطريقة السعودى الذى جاء للسودان أيام ( الهجيج ) وحضر حفله فى الديم وطبعاً فيصل نحنا نردد المسدار وفيصل يقول ( أى نعم !! أى نعم !!) ويا سيد ود المجذوب القصة عارفه أم تسهل لى فى الخاص !! لكن فيصل عثمان أكييد عارفة ده لو ما كان فى نص الحفله الحقيقية والقعدة المصلحة ، آها المسدار وأنا ماشى لكن لأزم أحكى ليكم الحصل شنو فى البص وأنا راجع وحكييت القصة للمدام وتضحك حتى الان ، وأنا راجع على البيت بتكون ( المروة كملت ) ما بقدر أطلع فوق بركب فى الطابق الارضى مع السواق بعد تلاتة محطات ظهر ( الكنترول بتاع التذاكر !!!) أتنين ركبو راجل ( أفريقى أو جامايكى المهم أسمر البشرة زينا) ومعاهو إنجليزية الراجل طلع فوق والانجليزية بدأت تراجع فى التذاكر تحت مجرد طلوع الكنترول جوارى شاب باكستانى فى حدود 18 الى 20 سنه بدأ يتململ !! أنا عرفتو ما عندو تذكرة وبدأ يفكر ( فى المخارجة كيييف !!!) عندما وصلت له الانجليزية قال لها تذكرتى مع السائق فقالت له أنتظرنى جوار السائق !! بس أدتو ضهرة وهبر هبره واحد والباب فاتح وصاحبنا والله فتح لو سكوهو 20 ما يقبضوه !! والله أنا أنبسطت منو وقلت ليهو والله زكى !! الغرامة 25 جنية إسترلينى والتذكرة اليومية بى 4 جنية ولمشوار واحد بى 2 جنية والشهرية بى 50 جنية طبعاً العبد لله بقطع تذكرة شهرية وبريح نفسى لا كنترول ولا غلبه والحمد لله لى 5 سنوات فى اليوم أركب 4 الى 7 بصات لم يحدث أن مسكنى كنترول من غير تذكرة والحمد لله . شنو ليكم بالله بصاتنا ما سينما سينما !! الانجليزية كان صيدها فى الطابق الارضى إتنين !! أما زولنا ود أهلنا الافريقى واله جاء من فوق كاشى ليهو 10 شىء بنات وشىء وأولاد والقاسم المشترك كلهم أجانب !!! والله الزول ده الليلة نصيبو يطلع على الاقل 50 جنية !! طبعاً فيها نسبة زى مخالفات المرور فى السودان !!! آها بعد الفلم بتاع الهروب نرجع لى مسدارنا والذى قلت فيه :


كل ما نشوف عمر نديهو نامن يلبد
لكنو الظرييف تلقاهو شاكر ويحمد
ومعاهو وليد لى مريخو يسأل ويفقد
لكن الوصيف لى خروجو ناوى يمدد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
كم بالة .؟؟!؟ بالتين والبالة تدقش باله .. وثلاثة مسادير للمريخ العالمى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى الريـاضــــة-
انتقل الى: