بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: الاخوان الكرام النظاميين والملكية تحية صباحية ومن بيرمنجهام سلام  الثلاثاء 4 فبراير - 17:46 | |
|
الاخوان الكرام النظاميين والملكية أحييكم تحية صباحية ندية وأقول لكم السلام عليكم ورحمة الله وبركاتة ، والموضوع اليوم يهم الجمييع ألا وهو ( الرياضة الصباحية قبل الذهاب لصلاة الفجر أو بعد صلاة الفجر ) فنريد أن نعرف كم ( بُش آب ) يعمله الواحد فييكم الصباح بى نفس واحد وتكون صحيحة ( الضهر قناية والرجلين عصاية !!) مش زى المكلية المعاى فى بيرمنجهام عندما أوريهم بيان بالعمل !! أى زوول يورنا ( من غير خجل أو زيادة أو نقصان العدد الحقيقى )!! ويا صلاح بابكر من زمن الكلية بتعمل 20 وما فوق لأن جمسك مساعدك !! هل ما زلت كذلك !! نريدك أن تكسح سعادة الرائد شرطة معاش ولاعب التحرير السابق الفاتح المقبول وكذلك لاعب ودنوباوى السابق سعادة المقدم شرطة معاش عماد فرح نسأل الله أن يكون قد تشافى من الوعكة الاخيرة ، أما إكتساحك للوجيه أول الدفعة 56 عمر عثمان فمتأكدين منو ( ده لما يشمر جلابيو الكبيرة دى بتكون إنت عملت عشرة بوشه !!!) أما سعادة اللواء ركن معاش المعز العتبانى صاحب القوام الرياضى وبما أنه تمنى أن يكون ضابط شرطة فأتوقع أن ينافسك ( للشبة فى القوام مع صلاح بابكر ) ، وبرضو فى إنتظار الفريق على عبدالله والفريق عوض وداعة وما تقول لينا عندى سكرى وما بلعت حبوب الضغط ( وما تحرجنا من أخوانا ناس الجيش !!!) وكلنا عندنا ضغط وسكرى وبنعمل عشره وما فوق مره واحده !!!وأخونا فيصل عثمان الحسن فى سويسرا طبعاً حا تقول لى والله وجع الضهر والبرد ما قدرت أزيد من الخمسة !! يا أخى كتيرة ما قصرت !! لكن بنتظرك فى الصيييف !! على وزن قصه أدروب المشى يخطب واحدة كاربة وعايزين يفوتوهو قالو ليهو البت ( فى القراية !!) قال ليهم خلاص بنجى فى الفسحة !!! على العموم يا وليد الريح عايزين نشوف شطارتك والميج لسع فى حياتك أو نسيتو مع الايام؟؟؟!!! ، والفرصه للجمييع حتى لا نستثنى أخواتنا من الجنس اللطيف النظاميات وغيرهن وأخر دعوانا أن الحمد لله رب العالمين ، أخر سطر المابصلى الصبح حاضر ما معانا و(البُش أب ) بتاعتو زى رقصه (كاديابا حارس مرمى ما زيمبى الكنغولى بعد أن هزم الهلال بالخماسية المشهورة رقصه رقصته العجيبة والتى أطلق عليها الكاتب الرياضى المريخى الساخر مزمل أبوالقاسم رقصه كاديابا رقصة التابة واليابة !!!)
| |
|
