بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: مبرووووك للأخوان العرسان عزت عمر النورانى من السقاى وحسين أحمد محمود من الجيلى الخميس 5 ديسمبر - 2:05 | |
| أبلغنى الاخ صالح مبارك إدريس اليوم أن زواج الاخ عزت عمر النورانى عزت ود نوال مضوى أبراهيم سوف يكون زواجة يوم الجمعة بعد الغد يوم 6 ديسمبر والجمعة البعدها 13 ديسمبر زواج الاخ العزيز إبن الجيلى والسقاى البتلاب الاخ حسين أحمد محمود ألف مبروووك وبالرفاء والبنين إن شاء الله وسوف أحاول أن أقدّم للأخ حسين مسدار بمناسبة زواجة والذى كان والدى مبارك إدريس عليه الرحمة يسأله من الزواج دائماً عند زياراته لنا والتى لم تنقطع منذ فترة طوليه ، الاخ صالح أسر لى أن الاخ حسين كانت له رغبة أكيده للإرتباط بأحدى حسان السقاى البتلاب ولكن القسمة كانت بالجيلى فألف مبرووك لتلك التى أختارت الاخ حسين زوجاً لها فهو فارس وإبن فارس والده المرحوم أحمد محمود كان له بص فى خط الجيلى وصديق للوالد عليه رحمة الله نسأل الله له الرحمة والمغفرة :
عجبنا الخبر يا حسين ومبروك مبرووك عديله وزين يتبارك زواجك تفرح تنبسط وأصلو ما تشوف شين نبارك ليك جديدك وبنقول بنقول دقُر يا عين تغلبك بالعيال وبى حفظ الكريم من الحسد والعين
نبارك للأسرة الكريمة بالجيلى ولكل أهل الاخ حسين وعايز أخوانو بالسقاى البتلاب يقيفو معاهو وقفه كاربة وما عابزين وصية والراجل ما مقصر وما حايقصر فى المستقبل إن شاء الله
نبارك للأخ عمر النورانى الشريف وللعمة نوال مضوى أبراهيم وللإسرة هنا وهناك وعقبال للشابات وللشباب ومن بيرمنجهام نرسل لكم التبريكات والاحترام . والآن الى مسدار العريس عزت عمر النورانى الشريف :
يا عزت شبابنا عجبنا الجديد وعقبال كل شبابنا ليك نرسل تهانى لى كل الاهل ولى من قال حبابنا سلم لى عليهو لى عمر الشريف ولى من دقّ بابنا يا رب يا كريم نلقاكم تمام وما فى كعب كعب أصابنا
وأخر دعوانا أن الحمد لله رب العالمين ومن بيرمنجهام سلام | |
|