صلو الجمعة فى هجليج ... ودخلوها حمرة عين........ قصيدة من بشرى مبارك

لاشك أن أعداد كبيرة من الشعب السودانى الآن يحتفلون عصر الجمعة بإستعادة هجليج التى دخلها الجيس الشعبى لتحرير السودان من دولة جنوب السودان الوليدة والتى لم تراعى كل ما قدمه السودان الاب من تضحيات فى سبيل أن يعبّر أبناء الجنوب عن رغبتهم وكانت الرغبة تكوين دولتهم وبدلاً من التفرغ للدولة الوليدة أصبح هدفهم الخفى والمعلن هو الحرب على شمال السودان، فقاموا بإستضافة كل الحركات المتمردة على سلطان الدولة فى دارفور وفى جبال النوبة والنيل الازرق وكلما حاولت الدولة فى السودان الاب أن تمد اليد والايادى البيضاء تجد (العض ) من الدولة الوليدة (البنت ) وأخر الاعتداءات ما قامت به فى هجليج من إيقاف النفط السودانى وتدمير الاقتصاد والاطاحة بالحكومة وهى خطوة بكل تأكيد غير موفقة لان المتضرر منها الشعب السودانى فى أهم مقومات حياتة اليومية ألا وهى الوقود وحتى لو فرضنا أن الحكومة ربما تغيرت فما الجدوى من إستهداف أموال وخيرات الشعب السودانى ؟؟؟!!!؟؟؟.
والشعب السودانى يحتفل بتحرير هجليج رأيت أن أشارك شعبنا فرحته بهذا النصر فقلت :

قالو إنسحاب!! والجيش بشيله حمرة عين
ويا جيش الحركة ..... الليلة نومك ويين؟؟
ترسوها فوارس فوارس من لقاوة ضعين
وجيش الشعب واعى ودايماً بورى الشيين
دخلوها الإسود والوعد ما هو ضنيين
صلو الجمعة فيها ورفعوا الدعاء آميين
هللو كبرو هللو كبرو ومرقو جموع تامين
فى كل المدن فى كل القرى مرقو التقول عارفين
من المهدى الامام وخليفتو خليفتو ود تور شين
وأسألو عن قرييب فى تلودى وام دوريين
وجيشنا وشعب توحّد من صف كمان صفين
بى سودانى مره ومره بييك يا زين
وبى أم تى ان وكنار برضو متواصلين
نبارك لى بعضنا ونفرح وتبكى العين
ونترحّم عليهم الشهداء فى الداريين
ويا حاميين وطنا وطنا فتحو العينيين
ما نغفل وندقس والدقسة مره أتنين
بالجد ما جميلة والصاع يكون صاعيين
ونحنا بى قلوبنا وبى حروفنا لو حرفين
ما بنبخل عليها والزاد يكون زادين
ما بنبخل عليها والزاد يكون زادين

نترحم على روح شهيدنا الفاتح المدنى عوض الله الذى أستشهد فى هجليج ونترحم على أرواح الشهداء جميعاً ونتمنى عاجل الشفاء للجرحى .

تواصلت إتصالاتى على الاخت النقيب زهراء محمد النجومى من أجل توصيل مقالاتى الى موقع الشرطة ولكن لم أجد ما يرد على هواتفى أتمنى أن تكون على خير .