منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 أنواع البنات فى حفلات الاعراس

اذهب الى الأسفل 
كاتب الموضوعرسالة
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: أنواع البنات فى حفلات الاعراس   الأحد 27 نوفمبر - 7:15

أنـــواع البنـــات في حفــلات الأعـــراس:


--------------------------------------------------------------------------------

أنـــواع البنـــات في حفــلات الأعـــراس:

1-النـــوع الأول دي بتكــون مركزه مع الاغنيــه البيغني فيها الفنــان وعاجباها وشغاله تغني معاهو وآخر اندمـــــاج وبترقص وهي قاعــده في الكرسي .

2-النوع التاني دي بتكون ماشـــه وجايـــه وماشــه وجايــه عاجباها لبستها وحاســه نفسها قاشره لاعايزه ترقـــص لاعايـــزه تقعـــد والنوع دا غالبـــا عامــل زحمه في الحفله. ... ...
... ...
3-النوع الثالث رايقه ويــاداب تهز يمين وشمــال بكل رقه لأنو بس أمهــا قالت ليها قومي ارقصي يمكــن زول يشوفك وتعجبيهــو ويتقدم ليكي فتمشي تقيــف قريب من الدائــره وترقص.

4-النوع الرابـــع دا النوع المافـــارق معاهو عايـــزه ترقص وترفه عن نفسها وبس ومافارقـــه معاه الشتاره..... الموسيقى في وادي وهي في وادي.

5-اما النوع الخامس فــ هههههههه ديـــل بيكونوا صحبــات وجــو مع بعض وشغالات قطيــعه عجيبه : عاين دي لابســه كيف ؟؟وشوفي البت الخفيفه دي بتتراشق كيف !!! لالالالا عايني دي لابسه شنو !! ولا شوفي المــرا المتشببه دي لابسه كيف ؟؟ والله انا خجلت ليها ،،، هييي دقيقه دقيقه عايني الولد الوجيه الدخــل هسه مباااااااالغه .^__*

6-النوع الســادس فــدا نوع النسوان الكبــار ياولد جيب صحــن هنا الشافع دا ما اتعشى ،،، ياولد جيب لي صحانة عشاء هنا النسوان ديل مااتعشوا ،،،انتوا الصحن دا مالو فاضي كدا مافهمنا حاجه فيه.

7- النوع الأخير دا نوع عروسكم شينه وعشا مااتعشينا يارب اوعدنا ببخت الشينه عريس وجيه وبيت وجنينه .

انتو ياتو نوع


منقووووووووووووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: أنواع البنات فى حفلات الاعراس   الأحد 27 نوفمبر - 7:29

--------------------------------------------------------------------------------

نحنا النوع البجييب الفنان!!!!! وكنا بنركز على ناس الكحلاوى (عليه الرحمة ) وخلف الله حمد وبادى أحمد الطيب عشان البنات ما يركزن فى الفنان يركزن فينا نحنا !!!!مره فى التمانينات وأنا ضابط جديد كلفنى أحد الاخوان فى الحله (مغترب ) أن أجيب الفنان وأحجزو ومشيت دار الفنانين وكنت أعرف حسين شندى وعبدالله البعيو معرفه شخصية فأعتذروا بسبب الحجز فى نفس اليوم ولكن ذكروا لى أن الفنان عماد أحمد الطيب غير مرتبط ووقتها كان طالع فى الكفر فقررت أن أدفع المقدم وأحجزوا ولكن تدخل صديقى عبدالحفيظ الشيخ وقال لى (بتبالغ يابشرى أكان جاء عماد بت واحده بتعاين لينا مافى !!!!) وصرفنا النظر والحمد لله لقينا بادى أحمد الطيب فاضى فتعاقدنا معه ففرح عبدالحفيظ !!وقال ده الكلام يا دووب اليوم داك (جكسنا بى مزاج ورقصنا مع كم واحده !!!)
تخريمة : الاخ عبدالحفيظ الشيخ شيقيق الاخ عبدالمحسن الشيخ صاحب المثل المعروف تتلفت زى عبدالمحسن فى بكى أولاد الاحمر !!!!!الذى أخرجته ونجرته بنفسى والقصة أعتقد موجودة فى منتدى تنقاسى !!!!!.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
أنواع البنات فى حفلات الاعراس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى الشعر والخواطر والقصص-
انتقل الى: