المفارق عينو قوية

أهديكم أغنية حمد الريح ( نحن راجعين في المغرب ) و عندي معها قصة بس هي تعبر عن ألاشواق و الحنين بالعودة ألي ألاهل و هي تزدحم بالكلمات المليئة بالمحنة و الشوق للأهل بعد طول فراق

لا سلام منك و ما منك تحية للوراك خليتوا عايش في الأسية
ما حرام يالفنجري ما تسيب و صية
كنت زي طيرا غريب سافر عشية ما قبيل وصوني يا حليل الوصية
كت مكضب و كنت ناسي
دابو صدقت المفارق عينوا قوية
السواقي النايحة نص الليل حنين الدينا ممزوج في بكاها
زي طيورا في الفروع محتارة بتفتش جناها
البيوت والناس بتسال عن صبية
فارقت حلتنا زى طيرا غريب سافر عشية
ياسلام ياسلام ياسلام
ياسلام لو كان جفا الطيف حسن نية كنت نسيتنا الوصية
المفارق عينو قوية
اوعي ليل الغربة ينسك ريحة الطين في جروفنا
و التميرات البيهفن ديمة رازات في حروفنا
و الدعاش و الغيم رزازا في العصير بالفرح بلل كتوفنا
نحنا راجعين في المغيرب للديار ما حد يشوفنا
لا نشوفوا لا يشوفنا

ابو علي
حبابك وكنا منتظرين مشاركتك من بدري لكن تبرعاتك سبقت مشاركاتك ومالك راجع المغرب بعد السنين دي كلها ناوي تنزل في شبمبات ولا شنو عشان ما حد يشوفك ولا تشوف احد.
وتحياتي الغالية الى علوبة راجل الشبابيك.

ناوي انزل في الفوده ،،، و بعدين ياستاذنا انت كنت محامي في اتحاد الفنانات السودانيات ؟؟؟؟؟؟.
أخي أبو عمار رفيق غربتي . المشكلة مش في الاغاني و لا رجعة المغيرب المشكلة في مدة سريان الغربة التي ابت ان تنتهي و هذا سوال كيبر الاجابة عليه لا ادري تكون وين

و لا نحن بقينا ذي عصاقير الخريف ذي ما قال الحلنقي ( هجرة عصافير الخريف في موسم الشوق الحلو و هيج رحيلا مع الغروب احساس غلبني اتحملو )

» جانا العيد
» حظوظ منتخبنا السودانى قوية جداًً للوصول للنهائى الافريقى تابعوا التحليل