بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: القصيدة التى وضع مقدمتها الاخ المقدم شرطة معاش إدريس السيد من أمريكا الإثنين 26 سبتمبر - 7:57 | |
| بينى وبين الاخ القمندان إدريس السيد عبد الرحمن إبن الحلفاية ونسات طويلة على الاسكابى بين أمريكا وبيريطانيا نجتر فيها ذكريات العمل السابق بجوازات مطار الخرطوم حيث عمنا سوياً لفترة 4 سنوات متواصله ، بالامس دار الحديث عن المعايش فى أمريكا وفى أروربا والمقارنه بين المزايا والعيوب فذكرت له من ضمن المزايا أن الدعم الاجتماعى للاطفال ممتاز ويعنى لو الاسرة إجتهدت فى الولاده سوف يعود عليهم الامر بفوائد كويسة (مال وبنون ) وذكر لى الاخ إدريس قصيدة ودبادى يجييك الحول وحول بى زول فقلت له والزول ده أحسن زول فردد الاخ إدريس البيت الاخير وقال لى يا بشرى إنت شاعر وأها أنا أديتك البيت الاول (يجييك الحول وحول بى زول والزول ده أحسن زووول ) ووعدته بإكمال القصيدة وعرضها عليه مع قصيدة بيرمنجهام الاسبوع القادم ولم تمضى بعد ذلك ساعة إلا والقصيدة كانت جاهزة حيث قلت فيها :
يجيييك الحول وحول بى زووول والزول ده الزووول ده أحسن زوووول وجيبو تقيييل وداخل ديمه أحسن مووووول وبازل حقو للجيران وباسط خالتو دييك الشوول ورسّل ليها كم من توب ودكتور دكتور شوووول ومبسوط برضو بالتيمان والكيمان بدون بندوووول وما بتلقاهو طب فلسان ودايماً عندو عندو أحسن قووول خروفو يجييبو بالاسبوع زى ناس بحرى ود مقبوووول وأم أولادو أم أولادو مبسوطه وأصلاً ما بتفوّت حووول سته سنيين وصل خمسة وناوى يزيد يزيد على المحصووول بنى الطابق والاتنيين وحديثو حالى جد جد معسووول زى شيخ المزارعيين ديك لمّن لمّن يقبض المحصول وزى التقول العمدة زى بابو داك الفى الديار مسؤووول وصلواتو يجييها رزييين ومرتاح أصلو ما منزووول وأصلو ما مقصّر طب وأصلو ما بقول ما بقول منعووول ودائماً حامد المولى حامد المولى ودايماً فى الحمد مجبووول وجاتو نسيبتو كم مره وتناديهو تقول لى تقول لى العوووول مشيت الحج مع أمو رجعت يمين أحدث زول وأدس من زووول ورسّل لينا رسل لينا كم آلاف وجبنا كتير ضبحنا دعووووول وكم خرفان وكم حملان من الحبان من الجيران وشيخنا بلووول وقت عرس العوض بكريهو رسل ليهو رسل ليهو سوا الهوووول وأخير تعرف أنو الكلس شغال على رزق الكريم وأولادو حول فى حوووول لا دقّ الارض لادقّ الارض طورية وكانت همتو المحرية زول فى زووول ويا إدريس جنى السيد سمح قولك سمح قولك وأحسن قووووول يجيييك الحول يجييك الحول وحول حول بى زووووول والزول ده ما معقول لانو الزوول ده أحسن أحسن زووول | |
|