كلمات اغنية الجريدة

عدد المساهمات : 739 تاريخ التسجيل : 07/03/2009

سارحة مالك يا حبيبة
ساهية وأفكار بعيدة
بقرا فى عيونك حياتى
وعاملة مشغولة بجريدة...
بتقرى فى إيه ..كلمينى يا سلام..
مهتمة عاملة...
يعنى لازم تقرى هسه مقال..
بحاله قصة كاملة...
كم شهور مرت علينا وبينا بعد...
فرقة شاملة..
العيون رويانة تبكى.. والقلوب مشتاقة آملة
أى حاجة تمر .. بخاطرك قصة أو أخبار جديدة..
عندى ليك خبر أهم .. جايبو بأشواق شديدة..
اسمعى وطوعينى مرة
أيوة ما تخليك عنيدة
عايز أقول لك
ولا سيبك أقرى أحسن فى الجريدة
عايز أقول لك.. ليه أقول لك.. ما بقول لك
مش مخير
ساعة مرت ساعة واكتر .. والوقت روح تأخر
زى عنادك.. عايز اعاند.. لكن يظهر ما حأقدر
عايز اقول بحبك يا وحيدة..
بقرى فى عيونك حياتى
وعاملة مشغولة بجريدة...

الاخ أحمد القاضى تحية طيبة رجعتنى 31 سنه ونحنا طلبة فى كلية الشرطة كان صديقى وقتها الطالب شرطة فضل التوم أبراهيم من رفاعة وكان أول دفعتنا فى الدخول لكلية الشرطة وكان (حبييب درجة أولى ) ومييت فى بت جيرانم ومن ما أمشى معاهو رفاعة حتى أرجع غير أشرطة وداللمين وناس الجريدة وأخواتها ما بسمع حاجة وتذكرته وللاسف لم يتزوج بنت الجيران وتزوج قريبتو .