مجموعة قصائد للنخب السودانية فى بريطانيا

اليوم كان لنا لقاء مع الاخ الدكتور مصطفى نوارى فى برمنجهام وموضوعة خطة الدعم وبرنامج التحركات لدعم المدرسة السودانية بيرمنجهام على أهل الخير وأهل المال من السودانيين وغيرهم فى بريطانيا فطلب منى شخصباً أن أكتب قصائد لبعض الاخوان فكتبت بعض القصائد الاولى للدكتور الشيخ أبراهيم الطيب رئيس المجلس القومى للجاليات السودانية ورجل الاعمال الملياردير الدكتور فتحى أبراهيم رجل الاعمال المعروف وصاحب جائزة الرئيس الافريقى المثالى ولنبدأ بقصيدة الدكتور الشيخ أبراهيم الطيب :

سلام أهل الخير يا ود الطيب
وجيناك مشوار وأبقانا قرييب
معرووف أخو أخوان لى كل حبييب
ساعدت الابكار وبرضو الاطفال وما نسيت الثييب
زكوك الاخوان معرووف زول خير وما متسييب
دكتور نوارى يغريك سلام بى عطرو عطرو يطييب
مشروعنا بدأ وفيهو القرآن وقرآنا عظيم أحسن بنيان
وأساسنا على المولى ومن بعدو عليكم فى أعلى جنان
بى خطوة بسيطة لو ميه ألف ترفع ترفع أركان
وعليها تزيد والخير كل يوم زايد وزايد الاحسان
وأخر دعوانا ليكم يتقبل ليكم يتقبل ويرفع ميزان
والجنة تكونوا مع صحبو نبينا وكلنا وكلنا أخوان

الدكتور فتحى أبراهيم المعروف بأبراهيم مو الملياردير من خريجى جامعة برمنجهام كلية الهندسة حيث نال الدكتوراة منها وكتبت وقلت له :

يا فتحى ابراهيم يا فتحى الخير
جيناك قاصدين يا أرقى أمير
فى عمل الخير معروف هو سفير
حفّز لى رئيس وما خلا وزير
لو قلنا المليون ما قلت كتير
فى دارنا كبير وفى دارنا صغير
جرعات السودان معاها التعبير
******************
قرآن الفجر تجويد تجويد تآصيل
ولغة أهل الجنة من غير تعجييل
ميزان حسناتك تملاهو تملاهو تشيل
وحايعمّ الخير حايزيد حايزيد ونكيل
نحمد أفضالك نحمد أفضالك ما إنت أصيل
وأخر دعوانا معاها التهليل وأخر دعوانا معاها التهليل

» مسابقة القرآن الكريم الجمعية السودانية للتعليم بريطانيا برمنجهام المدرسة السودانية
» مجموعة قصائد عن مجلس الامن ومجلس أوكامبو (بشرى مبارك إدريس )
» قصائد للشاعر عمر الدوش
» الجمعية السودانية للتعليم والخدمات الاستشارية برمنغهام بريطانيا (الميزانية للعام المنصرم)
» قصائد رائعة للشاعر هاشم صديق