بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: شكراً ليك وجيدن جابك لى أحبابك وقصيدة من بشرى مبارك الجمعة 18 مارس - 7:47 | |
| الاخ عبدالجبار عوض عبدالجبار من منتدى السروراب فهو شاعر رائع شارك بقصيده اليوم فرديت عليه بهذه القصيدة والتى تجسد روح شبابنا وطوفت فيها بنقل تصويرى عند حضورنا من السقاى البتلاب بمركب بخيت زمان وتجدنا نحرص أن تكون محطتنا الاولى وبعدها نبدأ الطواف والاخيرة حبوباتنا بنات أبراهيم(الهاده وزينة الشام عليها رحمة الله ) وجدودنا أولاد برمة وأولاد فاطمة بت قدورة جدنا عبدالله ودمضوى وخالد والحسين وأولادهم أطال الله فى أعمارهم ومتعهم بالصحة والعافية أتمنى من الاخ الدكتور عبدالجليل أن يقرأ القصيدة على مسامعهم وله منى التحية .-------------------------------------------------------------------------------
شكراً ليك وجيدن جابك لى أحبابك وفتشو عنّك وقرو لى كتابك وجييت الليلة فتحت لى قلبك وبابك وما باباً قاسى بس نفاج وختيتو حجابك وأتوهط الجابره كتبت قصيده تعز أصحابك وكل الناس فرحانه تملى تكتب سطراً تقول فى حبابك وجيدن جييت ولداً فى الجنيات الخير فى ركابك يوم مسك الواسوق ورفع التقنت ملا بُتابك وشاف المركب فيها جماعة وسأل الريس ديل بتلابك ؟؟ حرّم فوقكم وقال والله فطورى مرق وضيوفى جنابك أولاد ودبرمه بعيط فى حوشم كان مصباح أو على فى بالك أمى الهاده عليها بسلم وسلامه يميين يعيش لى أجيالك في سلامه بحس بى حاجه عجيبه أخلى نعالى أشيله نعالك وكلو سلامه سؤال عن حالك وأهلك ودمعك ..يحلّك خالك لو كان فى الدنيا سلام فى بنوك مصروف سلام الهاده يكون راسمالك وكل ما أتذكر ونحنا صغار فى العيد تدعو لينا تقول نتبارك ونحنا وإنت وكل سرورابنا ياهو الخير الفيهو المك جمعنا وشارك ونحنا وإنت وكل سرورابنا يا هو الخير الفيهو المك جمعنا وشارك | |
|
بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: رد: شكراً ليك وجيدن جابك لى أحبابك وقصيدة من بشرى مبارك السبت 19 مارس - 0:00 | |
| جبره Junior Member تاريخ التسجيل: Mar 2011 المشاركات: 9 المشاركات الخاصة: 0
--------------------------------------------------------------------------------
بشرى البشرى.. حبابك عشره.. يا مسكون.. بى أدب الاسره.. يا معطون.. لا حد السكره.. كلامك فيهو .. عطور منتشره.. كلام منضوم.. أزهار مزدهره.. يرتب قول.. الناس الشعراء.. ويصنع فكره..!! توصل ماضى.. الناس.. بى بكره.. وتعمل عمرا.. للمتعطل فى.. ضل شجره.. وللمستعجل.. كايس الشهره.. وللمتردد.. داير نقره.. كانت لى أعمال.. محتضره.. بيكم قامت.. بعد العصره.. قامت شالت.. كمين ثمره.. حلوه وطاعمه.. طعامة العشره.. عشره عميقه.. وما منفزره..!!
حياكم الله... | |
|