أطمئن لو عندك صاحبك من..........أدخل وأعرف من وييييين !!!!؟؟؟

رأيت فى هذا البوست أن أربط المناطق بثوابت أرتبطت بها أو بأهلها وعلى العموم سوف أبدأ ولكم أن تزيدوا على حسب البداية والطريقة ولنبدأ على بركة الله :
لو صاحبك أو أصحاب من أولاد أم دودم(شرق النيل ) مابتكون عندك مشكلة فى التحاويل المالية أو الشحن أو تذاكر السفر فمثلاً فى برمنجهام ولندن الشعار (رسّل والترس بتوصّل ) &&&&&(وأشحن وأصلو مابتتمحن )وهذا هو شعار شركة الترس العالمية للتحويلات المالية والشحن.

لو عندك صاحبك من الدبيبة أضمن حفلات العرس ملح أو بسعر رمزى لان أولاد الدبيبة من طرف بغنو وأكان محظوظ تقع فى واحد قريبو أحمد المصطفى أو سيد خليفة أو خلف الله حمد عليهم الرحمة أو أولاد الدبيبة .
لو عندك صاحبك من السقاى أو أصحابك أضمن مكان وجنايين حلوة ورائعة للرحلات وكمان مجان وربما لو عايزين تلعبوا مباراة مع فريق السقاى على كيفكم إما درجة تالته أو فريق ناس مجدى وصالح وعبدالوكيل .
أكان عندك صاحبك فى السقاى من أولاد الشريف أضمن المديح الكارب والناس البشيلو الصلاه ولو كان من السقاى البتلاب تكون مرتاح أكتر فى شيل الصلاه على الرسول .
أرجو أن تكون الردود مواصلة يلا يا ناس تنقاسى العيلفون البركل السروراب العبيدية (ونسيت أقول لو عندك صاحبك فى العبيدية أضمن الدهب فى شيلتك بسعر متهاود من المنشأ !!!أها ياناس العبيدية أنا بعرف نص النفافير وجزء من الهدباب ما تدينو شىء للعروس التانية!!