غزل الدبلوماسية السودانية فى وزيرة الموريتانية الناها بت مكناس

GentleMan

تاريخ التسجيل: 10:43, 24th Nov 2009
الدولة: السعودية
الجنس : سوداني
المشاركات: 558

غزل الدبلوماسية السودانية في وزيرة خارجية موريتانيا !!

--------------------------------------------------------------------------------

وزيرة خارجية موريتانيا ..الناها بنت مكناس

أعاد سجال شعري "طريف" بين شعراء سوادنيين وموريتانيين، حول وزيرة خارجية موريتانيا الناها بنت مكناس؛ الجدل حول السيدة التي كانت أول امرأة تتولى وزراة الخارجية الموريتانية.

فقد ارتفعت أصوات داخل موريتانيا للمطالبة بإقالة "رائدة الدبلوماسية الموريتانية الناعمة"، بعد أن دبج شعراء من السلك الدبلوماسي السوداني قصائد غزل في جمال الوزيرة التي بالكاد تتجاوز الأربعين.

وبدأ الغزل السوداني بقصيدة لمسؤول رفيع المستوى في وزارة الخارجية السودانية، ، الذي انبهر بجمال الوزيرة الممشوقة القوام فضلاً عن ابتسامتها الساحرة التي تكشف عن أسنان جميلة. ويعرف عن بعض المشارقة في موريتانيا حبهم للموريتانيات بثيابهن المحتشمة وأجسادهن الممتلئة.

شعر الأزرق ألهب شعراء آخرين من السودان نسجوا قصائد شعرية في فن النسيب الدبلوماسي، من بينهم عمر الذهب، ومحمد الطيب قسم الله، وفضل الله الهادي.

ويبدو أن كتابة الشعر شغلت هؤولاء الدبلوماسيين، ربما لبعض الوقت عن تعقيدات ملفات التعاون الثنائي والتبادل التجاري. إذ أمضى السفراء وقتهم خلال آخر زيارة للوزيرة الموريتانية في التعبير بلغة الشعر عن ترحيبهم بقدوم الوزيرة.

بحسب صحيفة "الأحداث" السودانية الصادرة بتاريخ 19/12/2010 فان أول قصيدة (في هوى الناها) صاغها الشاعر السفير ****** مدير الإدارة العربية بوزارة الخارجية ، وكانت قد أُلقيت على أسماع المحتفلين بمجيء "الناها" في احتفالات رسمية أضاءت ليالي الخرطوم ، ورد عليها السفير باباه ولد سيدي عبد الله مدير إدارة الإعلام بالخارجية الموريتانية وعضو الوفد المرافق للوزيرة وقالت وسائل إعلام مقربة من الأخير أنه إضطر لارسال برقية عاجلة إلى اخيه الشقيق الشاعر الشيخ ولد سيدي عبد الله لكي ينجده بالرد الشعري المذكور وهو ما تحقق فقام باباه بالقاء القصيدة واتفق مع الشاعر السوداني على أن يدمجا قصيدتيهما معاً لتأتي على نحو فريد.

حـــي الشنــاقيط وحــي فيهـــم الناها ----- وحي ربوعاً ارضعت افضالها الناها
اصـــل الاصـــول ابـــاً والام زينتهـــا ----- عُـــرب اللسان بافريقيـــــا تبنــاهــا
الديــــن وحــــدنـــا واللــه واحدنـــــا ----- هُــم للعقيدة رمز وها قد نحن صناها
رحبــاً قــدومــاً وتشريــفاً وتــذكـــارا ----- مــرحـــاً خطاهــا وتـرحابــاً مطاياها
بــالقلب نــأويها وبــالأزهار نســديها ----- والنيـــــل مــد يــــداً يمنــي و حيـاها
نــاجاها محتــاراً أقطـر هـي من لدني ----- ام يـــا تــراني زلالأ ســال مـــن فاها
او يـــاتــري تبــر تجمــر دونمــا نـار----- اوبض لؤلؤة حشي الأصداف مرعاها
اهـــــلاً تحــل بــارض العز مكرمـــةً ----- سهلاً لها الخرطوم بــل حلاً ومأواها
فالحسن لايدنـــو لحسن لا يضــاهيهـا----- والطيبات يـفدن الي مـا كــان محلاها
مــرحي قــــدومك والتــــاريخ يجمعنا ----- فيه الصله الوثقي ومـا يومـاً فقدناها
صــوت المؤذن في الخرطوم يشجيها ----- ونــــاقشــــــوط اذا صـــلت مُصـلاها
لــو كـــان مقدمهـــا بــالشرق معقود ----- لخــــالني الشــــك ان الشمس افداها
او في الشمال وفي قلب الدجي بزغت ----- تبقـــي الثريـــا وعمق الكـون دنياها
او في البحور وفي عمق العباب بدت ----- جـــــل الألاه فبيـــن الحــــور تلقاها
كــيف الفـــراق وشوق وهي تصحبنا ----- حيـــن الرحيــل قدومــاً نحــو دنياها
لـــن نستكيـــن اذا نــاءت بمــوطنها ----- والبعــد لــن يقـــوي وينسينا مزاياها

وفي مقطع اخر:

ما كنت أعرف كيف الشعر لولاها حتى تبدّت ولاحت لي ثناياها

فقلت برق بدا أم أنّ بي سنة أم أنّ ما كنت قد أبصرته فاها
الى

أسائل الناس عن قلبي وأحسبه قد ذاب في حُسنها أو عند يُمناها

وأسأل الله أن يرعى مودّتنا وهل يخيب عُبيد يسأل الله ؟

البلد ماشة على انفصال والناس همها في شنو ؟؟[/font][/size]

[/color]

صراحة أعجبتنى قصيدة مدير الادارة العربية بالخارجية السودانية وليتنا عرفنا إسمة والله حقو الرئيس يكرمو بوسام شاعر السودان البار وقد حدانى الاعجاب أن أواصل القصيدة وقافيتها بمسدار وأتمنى أن ينال الاعجاب وخاصة إعجاب الناها بنت مكناس إذا كان سفيرنا مدير الادارة العربية (متكسر فيها نحن ناس قريعتى راحت نسوى شنو غير المسادير ) فإلى المسدار :

الدبلوماسية أحىّ فيها شاعرها وأحىّ كل من تبناها
من نظّم الشعر فى الناها ومكناس وأروانا وأرواها
ما ضار الجنوب لو سعى فصلاً ونحن نسعى للقياها
نحن العروبة والافريقية أجتمعت ما ضرنا لو أحيينا ذكراها

يقول السفير طارق:

Quote: كل ما في الأمر أنه عندما نُشرت هذه القصائد على نطاق واسع مطلع العام الماضي (2010) ، اتصلت بي حينها الأستاذة منى عبد الفتاح، الصحفية في صحيفة الأحداث، للتعليق عليها، وقلت لها بالحرف إن "هوى الناها" جاء في إطار رمزي يستهدف التغني بعمق وروعة العلاقات بين الشعبين الشقيقين الموريتاني والسوداني. فلم يبقَ سوى أن نكتب فيها قصائد على غرار أغاني الحقيبة السودانية، وقد نسبت لي هذا العنوان في مقالها بالأحداث في يناير من العام الماضي (2010).

وقد كتبت منى عبدالفتاح قبل أكثر من عام:

Quote: هذا العنوان من وحي إلهام الأخ السفير د.طارق علي بخيت ، مدير إدارة المنظمات الدولية بالأمانة العامة لمنظمة المؤتمر الإسلامي بجدة . وذلك في إطار وحي تكرر هبوطه طائعاً على رجالات السلك الدبلوماسي بوزارة الخارجية السودانية إثر زيارة "الناها بنت مكناس" وزيرة الخارجية الموريتانية في فبراير الماضي.وهو بهذا العنوان للقصيدة التي آثر أن تكون طي الكتمان إلى أن يكتمل مشروعها الذي بدأه برمية جميلة على وزن شعر أغاني الحقيبة يثبت لنا أن جسر الوجدان بين شنقيط والسودان قد اكتمل بنيانه، وفضل إشعال خيال الشعراء الدبلوماسيين السودانيين في تمتين ذاك الجسر يعود "للناها".

وإن كان د. طارق بخيت قد كتم نظمه إلى حين ، إلا أن كوكبة مقدرة من السفراء الأجلاء بوزارة الخارجية آثرت أن تبوح شعراً في هوى الناها . ونتفق هنا مع المصدر الموثوق الذي قال:"إن الغزل الدبلوماسي يحاكي الغزل الصوفي فبينما يقصد الصوفية الحقيقة الإلهية ، فإن الدبلوماسيين يقصدون تعزيز العلاقات الدبلوماسية"، ( ولا ينبئك مثل خبير).

التقاء الشعر مع الدبلوماسية قديم قدم التاريخ ، فقد كان الشعراء في الجاهلية سفراء لقبائلهم لدى القبائل الأخرى . وفي العصر الحديث على المستوى العربي نجد نزار قباني وغازي القصيبي وعمر أبو ريشة وغيرهم. وعلى المستوى العالمي نجد مثلاً بابلو نيرودا الشاعر التشيلي الذي فاز بجائزة نوبل في الآداب عام 1971م . أما على مستوى الديبلوماسية السودانية فقد قدمت لنا شعراء من جيل محمد المكي إبراهيم وعبد الهادي الصديق وعبد المجيد حاج الأمين ثم جمال محمد إبراهيم وعبد الله الأزرق إلى جيل خالد محمد فرح وصحبه.

أول قصيدة (في هوى الناها) صاغها الشاعر السفير عبد الله الأزرق مدير الإدارة العربية بوزارة الخارجية ، أُلقيت على أسماع المحتفلين بمجيء "الناها" في احتفالات رسمية أضاءت ليالي الخرطوم ، ورد عليه السفير باباه ولد سيدي عبد الله مدير إدارة الإعلام بالخارجية الموريتانية عضو وفد الوزيرة بقصيدة أخرى اتفق الشاعران أن يدمجا قصيديتهما معاً لتأتي على نحو فريد واخترنا منها هذا المقطع:

حيّ الميامين من شنقيط والناها * قم حيّها بحبور حين تلقاها

واحضن بها عبق التاريخ تحمله* من أرض شنقيط فيّاضاَ وموّاها

وانثر لها الورد في الخرطوم إن لها* ربعاً وأهلاً تاقوا للقياها

وللورود هنا سفن وأشرعة* بحبّكم كان مجراها ومرساها

كما أن هناك نماذج أخرى تضيق هذه المساحة عن إيرادها فللسفير عمر دهب قصيدة (محيا الناها) وللوزير المفوض محمد الطيب قسم الله قصيدة (الناها). وأخيراً نظم السفير د. خالد محمد فرح سفير السودان في السنغال قصيدة مجيدة جاء فيها:

يا أعينَ الخيلِِ قلبي اليومَ مُستلبٌ * من سهم عينَيْ مهاةٍ كم تمنّاها

فلا تُطِعْ فيهما قولَ الوشاةِ ودعْ * ناهٍ نهاك عن التشبيبِ والنـّاها

سليلة المجد من شنقيط إنّ لها * في شاطئ النيل روضاً بات يهواها

أما ترى (الأزرقَ) الدفّاقَ كيف هفا * وكيف صفّق نشواناً للقيـاها

وغرّد الطيرُ جذلاناً لمقدمها * وعربدَ الشـــطُّ أزهاراً وأمواها

أعجبتني القصائد كما أعجبني ذكاء "الناها" التي استطاعت في زيارة أولى للسودان توقيع 16 اتفاقية ومذكرة تفاهم بين البلدين . هذا ما نحتاجه ، ديبلوماسية ناعمة تعرف البلاد بعراقة الصلات الأخوية ، وتيسّر للشعبين التواصل الثقافي المتميز وتستخرج الدر المكنون من أضابير الخارجية.وليت وزارة الخارجية السودانية تطبق هذا الإعجاب "بالناها" إلى واقع عملي ، فأكثر من القصائد - على جمالها- نحن نحتاج إلى تغيير واقع المرأة السودانية التي أثبتت كفاءتها في شتى المجالات ورغماً عن ذلك تكتفي الخارجية منهن بخمس سفيرات. فبدلاً من أن تتطاول أسوار الخارجية دون طموحاتها لتغني (في سور وداخل سور) ، نتمنى أن تشغل المرأة السودانية نسبة مقدرة من التمثيل الديبلوماسي وتمثل بلدها بأحسن ما

لفوا ديوان شعر في الناها بنت مكناس
نترككم مع قصيدة عبدالله الأزرق
حيّ الميامين من شنقيط والناها *** قم حيّها بحبور حين تلقاها
واحضن بها عبق التاريخ تحمله *** من أرض شنقيط فيّاضا وموّاها
وانثر لها الورد في الخرطوم إن لها *** ربعا وأهلا هنا تاقوا للقياها
وللورود هنا سفن وأشرعة *** بحبّكم كان مجراها ومرساها
بل أنثر الدرّ كي تنصف فيا أبتي *** إن الورود قطوف من محيّاها

الطير غرّد أشجانا وقافية *** كتبتها وأنا ، إنّا كتبناها
لما أتانا الأُلى إنّا نجلّهمو *** تراقص القلب تيها بعد إذ تاها
وفاض كالنيل بالأشواق مجلسنا *** ودثّر النفس باللقيا وزكّاها
وصفّق الموج بالنيلين مزدهيا *** وفاح عطر شذيّ إذ ذكرناها
أحبابنا الشوق للسودان يسبقنا *** شنقيط نحوكمو حثّت مطاياها
وللشناقيط في كل القلوب هوى *** شقائق الروح بل أسمى سجاياها
النبل والكرم السودان موطنه *** هنا حصون تصون العز والجاها
تفطرت كبدي من بينهم زمنا *** واليوم جاؤوا فيا سُعدي وبُشراها
جئناكمو نقتفي آثار من علموا *** أن المواطن أسماها ثريّاها
فلو درت إذ أتت ما يحملون لها *** بين الجوانح من حُبّ لأغناها
لم ننس حضنكم الرحب الفسيح لنا *** نُسقى به من عذاب الكرم أحلاها
إن أسدت الدنيا في أيامنا هبة *** فلا أرى غير أنّا قد عرفناها
يا قبلة المجد سودان البشير وهام العز من ولد العُليا وسمّاها
فإن عجبت فلا تعجب لما جمعت *** إن الأصالة مأوها ومرعاها
لو تطلبون مزيدا من قصائدنا *** في وصلكم لكتبناها وقلناها

الدبلوماسية أحىّ فيها شاعرها وأحىّ كل من تبناها
من نظّم الشعر فى الناها ومكناس وأروانا وأرواها
ما ضار الجنوب لو سعى فصلاً ونحن نسعى للقياها
نحن العروبة والافريقية أجتمعت ما ضرنا لو أحيينا ذكراها

--------------------------------------------------------------------------------

الدبلوماسية أحىّ فيها شاعرها وأحىّ كل من تبناها
من نظّم الشعر فى الناها ومكناس وأروانا وأرواها
ما ضار الجنوب لو سعى فصلاً ونحن نسعى للقياها
نحن العروبة والافريقية أجتمعت ما ضرنا لو أحيينا ذكراها
*****************************************
كل ما رأيت القوم أتجهوا كان الطريق نحو مرماها
منهم من تكسر فى التوب ومنهم من من قص ممشاها
روعتها فى مشى خطوتها ليتنى سمعت من قال ناداها
وليتنى سرقت السمع أو بصر لعشت باقى العمر أطراها
******************************************

اليكم مادار فى الاتصال الهاتفى الذى تم بين الاخ الصديق أبراهيم دفع الله بجده ومكتب الناها بن مكناس بالخارجية المورتيانية من العاصمة نواكشوط .
*ألو ممكن أكلم الاخ الصديق أبراهيم دفع الله منتدى ودبهاىء!!تقصد منتدى ودبهاى ؟ نعم ودبهاى ؟ أيوه الصديق معاك !!منو البتكلم معاى المفتاح والنمرة غريبات على !! نعم معاك مكتب المراسم بالخارجية المورتانية من نواكشوط مكتب وزيرة الخارجية الناها بت مكناس !!
*الصديق (بى خلعة شديده ) مكتب الناها شخصياً خير إن شاء الله !!لا والله خير فى الحقيقة الناها دخلت على قوقل وفجأه كدى جاها منتداكم وقرت كل الكتبتو عنها وعايزه تتحدث معاك شخصياً ومع صاحبك بتاع برمنجهام !!الاسمو جنابو منو ؟؟ جنابو بشرى مبارك إدريس !!الصديق مقاطعاً !! إن شاء الله يكون كلامنا عجبه ومساديرنا (المفجخة دى ما عوجّت عليها ) ؟؟ لا ..لا والله تقرأ وتتكشم زى ناس القصب وأسع قالت عندما إجتماع بتحضر فى زيارة للسعودية لى جده هناك برتكول تريد أن توقع عليه مع الامير سعود الفيصل فى جده !!! الصديق والله جميل ربنا يوفق .
* آها الناها قالت جاهزه للتحدث معاك ... خلييك على الخط الساخن أقصد الداخلى ... الصديق بعد أن تنحنح كم مره دخلت الوزيره على الخط وسلمت على الصديق سلام سودانى عديييل وبعد المطايبة من جانب صديق ذكرت له أنها بصدد زياره جده ومنها سوف تؤدى العمرة وترغب أن نضيف إسمك الى الوفد الذى سوف ينضم الى وفدنا (الوفد من الداخل ومعظمة من المعجبيين من كل الجنسيات العربية والاسلامية والافريقية وكل بلدان العالم ) وعلى العموم سعدين أن نتشرف بتلبية مكرمة الامير سعود الفيصل !!!.
*الصديق بعد أن شكرها شكراً تعجز الكلمات عن وصفة أراد أن يدق صدرو وقال ليها أنا فى الحقيقة برضو عندى طلب !!فقالت له أطلب فقال لها والله عندى هدية بسيطة وعايز مقاس الثوب بتاعك !!!فردت آجى .. سجمى للصديق كمان فى السودان التوب عندكم بالمقاس ؟؟ فرد الصديق لا والله أنا لسانى زلفنى عايز أقول ليك مقاس الشبشب عشان يكون مصقّم مع التوب!!معليش قصدى مقاس الشبشب !! معليش يا الصديق أعتبر الهدية وصلت وعايزك أسع تشوف لى طريقة لى الثياب البتجينى كل شهر 100 توب من التجار والرؤساء والملوك والامراء أسوها فيها شنو ؟؟
الصديق وقد بدأت عليه علامات الرضاء وجاءته الفكرة على طبق من ذهب وطوالى قال ليها تعملى زواج جماعى ؟؟ شنو يعنى زواج جماعى يعنى تساعدى الشباب المورتانى على الزواج بتسيهل الشيله والمساعدة فى تكاليف الزواج !! وكيف الكلام ده ببقة ؟؟ بسيطة تعملى لجنة تسميها (لجنة الناها بت مكناس لتسهيل الزواج للناس ) ويبدأ المشروع بالموظفيين والعاملين والسائقين فى وزارة الخارجية !!ولكن عندى طلب لازم تعملى فرع لى مشروعك فى السودان تدينا فى الشهر 30 ثوب مع مستلزماتها من شباشب وجلاليب وغيره حتى نرسل الشيله لكل عريس كامله !!لكن قبل ما نرسل الشيله عندى ليك سؤال إنتى تيابك دى عندها أسماء فى مورتانيا ؟؟؟ أسماء شنو كمان للصديق تياب والله أولاد وبنات ؟؟ والله نحنا تيابنا كلها عندها أسماء وأسع تيابك التلاتيين دى أسماءها جاهزة وأغلى توب فيها العاصر على الحمار ده إسمو (ساكواها) والله دى غير 500 دولار مابنفكو ؟؟ إنت يا صديق عايز تتاجر والله تحل مشكلة الشباب فى الزواج ؟؟؟ .
*لا للناها ما تفهمينى غلط نحنا الشيله لى كل عريس بتكون 6 تياب العريس يدى العروس توب واحد تفكو (بى سته ) ويفك الخمسة بالميت بى1200 دولار يتم بيها العرس ويكون معرّس ملح !!والله يا صديق إنت زول محن وحيرت (الدقول ود أب زهول !!!). الصديق بى ضحكة والله نحنا أنا وصاحبى بشرى نحير بلد .
الناها ويبدو أن إسم ساكواها عجبة قالت ليهو (الرسول للصديق ) ساكواها ده شنو ؟؟ قال ليها ده لاعب فى المريخ السودانى الغلب الهلال فى أخر مباراه وساكواها ده من زامبيا وجاب القون فى أخر دقيقتين !! والتوب التانى نسميهو رقصه الحضرى والجمهور مافى !!وأكان عندك توب تعبان كده بنسميهو أتير توماس !!والايام دى تيابك اللونه أزرق وأبيض سوقه بكون مييييت !! أعصرى لينا على الحمرة الاباها المهدى !! وعندك من ال100 توب 30 توب أسماء لاعبين المريخ و10 للهلال مع وقف التنفيذ وتوب جكسا فى بورسودان بنافس توب ساكواها والحضرى وجكسا فى بورسودان ده الجاب أول قون فى الموسم فى مرمى الحضرى وبرضو بنمشى على الاعلام وتوب كبد الحقيقة ده الجارى عليهو ما بلحقو ونمشى على الشركات التى تعمل فى التحويلات المالية وتوب (الترس ) ده من 450 لى 500 لانو سريع وخفيف ومريح وألوانو مرغوبة وشحنو ساهل .
وممكن أندية الاقاليم برضو تنافس ناس بورسودان ناس بركة وناس عطبره ناس الامل وناس الحصاحيصا وناس مدنى وحليل مدنى زمن الديبة وحمد والله كان تيابك دى فى زمن ناس الديبة وحمد الجارى عليها مابلحقة . ونواصل .

الاخوان الاكارم بجميع المنتديات التى أشارك فيها وموضوع الناها بت مكناس فقدكنا بالامس فى لندن لتقديم واجب العزاء للاخ السفير الدكتور عبدالله الازرق سفير السودان بالملكة المتحدة لندن فى وفاة والده عليه الرحمة وأرجو أن نترحم عليه ونقول اللهم أغفر له وأرحمة وعافة وأعف عنه وأدخله الجنة وأعذه من عذاب القبر وعذاب النار آمين . فتح بعض الاخوان موضوع الناها بت مكناس الوزيرة المورتانية التى تمت إقالتها من منصبها كوزيرة للخارجة قبل 4 شهور تقريباً ، بحسبان أنها أول وزيرة إمراة فى الدول العربية ،فذكروا للسيد السفير أن من ضمن الاسباب القصائد الغزلية التى كتبها السفراء السودانيين فيها فدافع عن أخوانه وذكر سبب ومناسبة القصيدة وموضوعها كله إحتفاء بزيارتها وربط ماضى الشناقيط بالسودان بحاضرهم وهو معروف من قديم الزمان فى السودان والدليل شارع الشنقيطى فى أم درمان.
الاخ السفير الدكتور عبدالله الازرق سأله بعض الاخوان فى صالونه المفتوح للعزاء عن قصيدته التى كتبها فى الناها بت مكناس فذكر لنا مناسبة القصيدة وموضوع كتابة السفراء وأن قصائد السفراء لم تكن سبب فى إقصاء الوزيرة الرائعة المظهر والمنظر ولكن ذكر أن السبب الصراع بين العروبة والفرانكفونية فى موريتانا وذكر أنه سبق أن زار موريتانيا وقدم القصيدة فى حضور الناها نفسها وهى وزيرة فى أكبر مسارح مورتانيا ونفى أن تكون القصيدة أو قصائد السفراء السبعة فيها نوع من اللون الغزلى وإنما إحتفاء وترحييب للعلاقات القديمة الجديدة وقد كان عنوان القصيدة جسر المحبة بين الخرطوم وشنقيط ، أفيدكم أننى سوف أنقل لكم بوست كارب من منتدى ودبهاى فيه كل ما كتبه الشعراء الدبلوماسيين من شعر عن الناها بت مكناس وكل صورها تقريباً وهناك مسادير كتبتها مع الاخ الصديق أبراهيم دفع الله مؤسس المنتدى(منتدى ودبهاى ) وصاحب اللمسات الفنية فى البوست والبوست سوف يجد لاشك الاهتمام لديكم الى باكر خليتكم عافية

الناها ما ناهه..ناهه نصاح والله سكتت سكتت الفُصاح
أكتب وأجيب فى شعرى حار شرقت على شمس الصباح
فيها الكلام ما بنتهى صديق أخوى قول وزيد جيب المُباح
مسخ على طعم الحلو جانى الخبر ساهرت زى ديك الصياح
مرات أقول صديق أخوى أقطع تذاكرك ونتلاقى سمح الاندياح
وما لو عدينا مره مورتانيا ننوى زيارته نتخفى فى موكب سياح
ونطلب زيارة عديييل نشوفه وما بمنعو الزاير يزور بى إنشراح
وفى حضره الوفد السياحى نلقى الشعر نلقى الدرر ناساً فُصاح
والناها تفرح بالزيارة وتقول وتقول سلام سودانى ما بمرق قماح
تدينا بس لو مره ضحكه ننسى التعب ننسى الضنا ومرض الكساح
ونرجع شباب تانى نقدل نقدل زى عريس والناس تبشر فى الصُفاح
وشماتنا ناس عفراء وصفية وفاطمة ومحمد على بس مع حله حله ملاح

» الاطاحة بوزيرة الخارجية الموريتانية الناها بت مكناس النجوها الناس (السودانيين )
» مسادير الناها بت مكناس وزير الخارجية السابقة بموريتانيا
» بوست قديم متجدد بالصور وغزل الدبلوماسيين السودانيين فى الناها بت مكناس
» أول وزيرة مسلمة من أصل تركى فى المانيا
» مسابقة القرآن الكريم الجمعية السودانية للتعليم بريطانيا برمنجهام المدرسة السودانية