منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 مسدار الصباح من إعداد وإخراج ونجر بشرى مبارك إدريس وصباحكم خير

اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: مسدار الصباح من إعداد وإخراج ونجر بشرى مبارك إدريس وصباحكم خير   الخميس 6 يناير - 15:09

تذكير بمساهمة فاتح الموضوع :

أخواتى وأخوانى الاعزاء بكل المنتديات التى أشارك فيها يسعدنى وأنا أطل عليكم يومياً بدرس الصباح من مسجد برمنجهام والشيخ عبدالجليل الباكستانى أن أواصل الاطلالة فى مجال الشعر والمسادير المنجورة حتى تصبح فى الذاكرة محفورة والبينا معمورة وإن شاء الله تسكنو المعمورة وتنجح فى سودانا الكورة ،والمسدار الصباحى ليس حكراً على بشرى مبارك ولا ملك خاص له فأطلب من الجميع أن يشاركوا بإضافة مسادير صباحية وعليكم أن تجتهدوا والمابعرف بنساعدوا والحكاية لمن يرغب أسهل ما يكون والان دعونى أقول بسم الله نبدأ ونسأل الله أن يوفقنا فى إختيار الخفيف والظريف من المسادير .

مسدار الصباح بسم الله ببدابو
ولملم كل ناسو ولملم أصحابو
نبدأ بى الصباح مع شاينا وشرابو
وندعو للجميع الصحة الصحة وعقابو
ما فينا البغيب البغيب ويلوّم يلوّم أنسابو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com

كاتب الموضوعرسالة
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الإثنين 16 مايو - 15:42

---اليوم وفى منتدى البركل وجدت المريخابى الحار بيهو الدليل من مريخو المحلى كتب عن ميشو وقال والله ميشو ده الهواء يشييلو وعندو أنيما كيف يقابل أنيمبا فقلت له :

الحمد لله البدرى (ضارب المحلى ده صاروخ مابشيلو ) نحن فى كره قدم والله مصارعة حرة ؟؟؟!!!ولو بالاجسام ما كنا وصلنا قدام !!ما شفتا الغزال هوبتو (الاصلية ) وجسمو البشبة الغزال بعمل شنو وكمان بشه بشه الليل نعدو !!والله يا ود الرفاعى :

يا ود الرفاعى حار بيك الدليل ومافى التقولو
وهلالنا باين فى السماء ودايماً نقول سمح الوصولو
مرييخك الضارب المحلى فى كل مواسم وكل فصولو
حالك يميين حال العدو وارجانا بكره ونحن النصُر داقين طبولو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الثلاثاء 24 مايو - 23:05

مواصله للمسادير الصباحية فبلأمس فى الدورى الممتاز فقد المريخ أول ثلاثة نقاط فى أخر مباراة له ولاشك أن تعثر المريخ مطلوب وهدف مشروع لنا ونفرح به بلاشك !!أحد الاخوان من المريخاب أحتج على فرحنا فكتبت له :

الهلال والله بنحبو فى حبو ما قصرنا
فى دورى الكبار دايما نكون بصرّنا
كل ما نرفع نظرنا نشوفو فوق لى بصرنا
وكل ما يظهر ظلام ينورّ ينوّر علينا سمرنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   السبت 11 يونيو - 15:31

الاخوان الاعزاء متابعيين مسادير الصباح فى كل المنتديات سلام عليكم ولعلكم على الصحة والعافية ودعواتى لكم مزيداً من العافية وتحقيق لكل الامانى العذبة التى تتراقص حيالكم والتى فى بالكم وبادىء ذى بدء أعتذر عن الغياب الطويل وأكيد ذكرت لكم الاسباب وتتعدد الاسباب والغياب واحد !!!ورأيت اليوم أن أعوضكم بمجموعة من المسادير كتبتها فى مكان عملى فى بون من داخل فندق ميريتيم الرائع حيث مؤتمر الامم المتحدة رقم 32 لتقلبات المناخ والذى توجد معه تقلبات أخرى لو لا (الكبُر) وموضوع درس الصباح الدينى بعد صلاة الفجر لكتبنا فيها الكثير ولكن نكتفى بالقليل عن الطبيعة وروعتها والجو الاوروبى (جو الفول هذه الايام ) ومن حسنات المؤتمر أننا نلتقى بمجموعة طيبة من الاخوان السودانيين من بون وضواحيها الذين يعملون فى الامن وكذلك مجموعة طيبة من السودانيين ممن يحضرون ممثلين للسودان وممثلين لبعض دول الخليج العربى وبيننا وبينهم ود ومعارف أمتدت الى عشر سنوات عمر بداية عملى فى هذا المؤتمر فى العام 2000م ، والان أسمحوا لى أن أدخل فى المسادير :

المسدار الاول عن البنات البجن يدخنن فى إستراحة الفندق الخارجية الخاصة بالتدخين والتى تقع على مرمى حجر من مخرج الطوارىء وحتى مرات من كثرة الدخان الطالع أشتم بعض الروائح والتى أصبحت تضايقنى جداً !!يا أخى لو الواحده وأخواته فى 5 دقائق كل واحده تدخن سيجارتين !!والله التقول برنجى !!الفيهو الكأس البكاوينا بيهو دكتور عبدالجليل مع تحياتى له .

جن دخنن واللون والله أبيض زى سيجارن
وانا كت أمتّع ناظرى فى الميرتم جوارن
نسمة خريف ورشه رشه مطيرة تطفىء نارن
نار السيجارة ما نارى انا انا الخايف خايف ودارن
************************

وأواصل وأقول :
غالبنى أوصف خضره الشدرالبتسمع طيرو غرّد
وغالبنى أوصف لو هجير كان ليهو كان ليهو برّد
جو ظريف خُضرة خُضرة وخريف للهم هو شرّد
وسرحت فى عالم فريد لحنو هادىء وكيف تفرّد
*************************
فى يوميين على التوالى وتقريباً بعد الخامسة عصراً تنزل مطره قوية تستمر ربع ساعة يعقبها نسيم عليل وجو أوربى رائع مثل الذى نطلق عليه فى السودان (جو فول ) والقصه معروفه والماعارفه يطلبها فى الخاص !!! فكتبت هذا المسدار وطبعاً كل الاخوان السودانيين يعرفون أننى بكتب أيام الميريتم وفى الاستراحة سألنى الاخ هيثم (عشكوب ) آها يا بشرى الجو ده ما كتبت فيهو حاجة ولحسن الحظ كانت الورقة فى جيبى فقلت له كدى أدينى كباية شاى من شايك الظريف ده وطلعت ورقتى وقلت :


قاعد بى مزاج ونازل علىّ الصييّب
والرعد كان يكركر ومعاهو برضو هِبييّب
طرانى طرانى البلد والاهل وكت صغير ما مشييّب
وكت نجرى مع القمارى مع القمارى وشمسمنا ليها نغيّيب
ونجرى على الحفا على الحفا وما بنلقى ما بنلقى أصلو يعيّيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الإثنين 20 يونيو - 22:00

طالعت اليوم فى منتدى البركل موضوع عن الاخت السودانية الدكتورة حنان عثمان التى رفضت طلب السفارة الفرنسية بعدم قبول صورتها وهى متحجبة ولابد من أن تخلع حجابها وتتصور من غير حجاب حتى يتم منحها التأشيرة لدخول فرنسا فرفضت طلب السفارة وقالت لهم لن أخلع حجابى إطلاقاً !!!!!أراحنى وأعجبنى هذا الموقف الجميل والنبيل فكتبت لها هذا المسدار :


ما بتكشف حنان لى خماره تاج العزّ
وما هماها لو منعوها لابسه خماره سيفو يجزّ
بى إيمانه ترفع رأسه ترفع دينه ما ظن ليها قادر إلزّ
قادر ربنا الخالق يعوض ليكى بى خيراً يعوم فوقو السمك والوزّ


التحية للاخت الدكتورة حنان عثمان وهى ترفض هذا الطلب الغريب والذى إن دل إنما يدل على بغض أهل الغرب للاسلام وحجاب المرأة تحديداً ، على العموم أختى حنان عثمان هناك فسحة فى هذا الامر فى بريطانيا ويمكنك التقديم لهذه المنحة الى بريطانيا وإذا هناك شىء أستطيع أن أقدمه بحكم تواجدى فى برمنجهام سوف أقدمه وتجدين كل معلوماتى فى أحد البوستات بعنوان أحدث بطاقة تعريفية لبشرى مبارك وسوف أغادر بون الى برمنجهام صباح الاربعاء 22 القادم بعد يومين وسوف أكون إن شاء الله يوم 23 فى برمنجهام ، ختاماً أتمنى لكى مزيداً من التوفيق وأرجو أن ترددى سبحان الله وبحمده عدد خلقة ورضا نفسه وزنه عرشة ومداد كلماته ثلاث مرات فى اليوم وبإذن واحد أحد سوف يرزقك الله من حيث لاتحتسبى ومن يتوكل على الله فهو حسبة .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الإثنين 27 يونيو - 3:44


شرح حديث (لا تغضب) بعد أن طالعت الحديث الجميل الذى أورده الشيخ خالد بن سعيد البلهيد عن الغضب رأيت أن أبدأ هذه الكلام الطيب أو أضيف له هذا المسدار والذى تدافقت كلماتة مباشره بعد الانتهاء من أخر سطر فى هذا الموضوع والان الى المسدار الذى أقول فيه :

أوصانا نبينا (صلى الله عليه وسلم ) وقال لينا شر عقوقك
أبعد من الغضب الغضب للشر عديييل حايسوقك
ويبعد كل صديق وكل قريب ويقطع عدييل طايقوك
أصبر وأحتسب سامح وأنكرب وسوق بى مهل واسوقك
تحفظ كل جميل وتفرح يوم تكيل وتزيد لكل حقوقك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الجمعة 1 يوليو - 5:14

العم عبدالعزيز على بابكر والذى بدأ حياته العملية معلماً فى المدارس الابتدائية بالجيلى ثم مدارس بحرى العزبة إلى سافر الى السعودية حفر الباطن فى بداية التمانينات ثم عمل بشهادته الجامعية كمحاسب ثم أتجة للعمل الخاص مع شريك سعودى فى مجال البناء والمقاولات ومازال يعمل فى هذا المجال بالمنطقة الشرقية الدمام والجبيل العم عبدالعزيز من دعامات أسرة بابكر محمد إدريس ومن دعامات السقاى البتلاب تجده قدامى وزول مواقف معروفه فى الافراح والاتراح الخاصه بالاسرة كتبت له هذا المسدار :

سيد حارتنا هو القدامى ودبلتنا
سمحة خصالو بازل مالو خير ثلتنا
معروف هو الكريم الكريم أجود فى حلتنا
أديهو التحية التحية سلام ودايماً هو البزيد سلتنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 21 يوليو - 21:27

كلفنى جارى العزيز وصديقى الهلالابى المتميز أبوبكر بشرى السيد كلفنى أن أتابع له البريد وأمر على الشقة فى (ألوم رووك )من وقت لأخر واليوم أخذت المفتاح وكنت ناوى الذهاب لمحل (الحلال الجديد الذى تم إفتتاحة يوم سفر ناس بكرى وأسرته السبت الماضى ) أشتريت فى طريقى (كرووونا ) وهى ترويلى بى عجلات يسع لقرابة العشرة كيلو أو يزيد من أغراض التسّوق يستعمله الشخص عندما يكون من غير سيارة كحالتى، وكرووونا مصطلح أطلقته الاخت كوثر مدنى زوجة الاخ أبراهيم حسين نائب مدير مكتب الامم المتحده للتنمية فى المانيا بون . وجدت فى شقة بكرى خطاب ودواء لميت الدواء وأخذت الخطاب ودخلت على الحلال أشتريت ما أحتاج من أغراض ولم أنسى أن أشترى بطيخة كاربة للاخوان فى الجمعية وفى طريقى قابلنى جارى الاخر الاستاذ فاروق ويبدو أنه يستعد ويشترى فى أغراض الحلة التى أصر على تجهيزها وإحضارها بالبص 14 كحالتى رغم إصرار الاخوان أصحاب السيارات بالقيام بذلك فقلت أساعده ببطيخة && وأنا بالمحل أشترى أتصل على من السودان الاخ أبوبكر بشرى السيد فقلت له سبحان الله أنا جاى من الشقة الان وطمأننى على أحواله وطمأنتة على أحوالنا وحللنا المدوّرة فى الجمعية هذه الايام (معسكر إصدار كتاب الجمعية تحت إشراف الاستاذ فاروق عبدالله بلال وبشرى مبارك وقد أنتهى بالامس ووصل 35 صفحة وسلمناهو طارق أبوالحسن وعبدالسلام عمران للطبع) وسوف يحدث ضجة كبرى ونتوقع بإذن الله أن يحقق الدعاية المطلوبة إعلامياً وأن يكون سبباً لفتح باب الخير من أهل الخير إن شاء الله && أيضاً أتصل على الطبيب لكى يخطرنى أن أحضر اليوم لاننى أشكو من حرارة وإلتهاب فى اللسان (يتاورنى من وقت لأخر ولكن أصّر أن تكون المواعيد الرابعة عصراً ووافقت على مضض !!! )غشيت فاروق وسلمته أمانة كنت قد وعدته بها وأخبرته أننى سوف أتأخر قليلاً وسوف أحضر الخامسة إن شاء الله ويمكن أن يأكل الجماعة ويخلو لى باقى !!وسمعته مسدار كنت قد قطعته فى السكة وقلت فيه :


ماشى وجارى (كرووونا ) نصيح وأتقدّل
وفى دربى لاقانى جارى محمد ود الجردل
قال لى وين فاروق مختفى وزمن عننا ما بيسأل
قت ليهو مسك شغل فى الامن وساق فى دربو عدييل وأستعدل
وبكرى ضرب من السودان ورانا أخبارو وقال والله سخانه ويغلى المرجل

الاخ محمد الجردل هو الاخ (محمد أحمد حميدة الامين ) والذى يتولى تدريس اللغة العربية للناطقين بغيرها بالجمعية السودانية للتعليم والخدمات هذه الايام وقد تحدثنا عنه فى المنتدى العام بمنتدى السقاى .


عدل سابقا من قبل بشرى مبارك في الجمعة 22 يوليو - 7:17 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: الكاتب أبوهمام نقلاً من منتدى دار جعل   الجمعة 22 يوليو - 7:16

عدت لأكشف عن نتائج الحمض النووي DNA الخاصة بالجعليين

--------------------------------------------------------------------------------

كيف يتم تحديد السلالة التي ينحدر منها فلان من الناس؟.
وهل تتغير سلالة الإنسان بمرور الوقت وتغير الظروف؟.

الكشف عن سلالة الإنسان وتحديد انتمائه العرقي يعتمد بالدرجة الاولى - بعد توفيق الله - على الكروموسوم الذكري Y

فمن المعلوم أن تكوين الإنسان ينتج عن:
ذكر يحمل الكروموسوم XY
وأنثى تحمل XX

والحمض النووي DNA الذي تتبين من خلاله السلالة، يقوم بالكشف عن العنصر الذكري (Y-Chromosome).

فهذا الكروموسوم الذكري - كما يعلم كثيرون - ينتقل عن طريق الآباء إلى أبنائهم الذكور، دون الإناث.

يعني لو أرادت الأنثى معرفة أصلها، عليها أن تطلب من أبيها، أو أخيها، أو ابن عمها إجراء الفحص، لأنه بكل تأكيد يحمل الـ (Y-Chromosome) الذي يتم فحصه للوصول للأصل الأبوي..

وعموماً فإن الشركة FTDNA تجري كلا الفحصين:

فهي تجري الفحص (الأبوي)- و هو الأكثر شيوعاً.
وتجري كذلك الفحص (الأموي) واسمه mitochondrial DNA.

و عن طريق الفحص (الأموي) يمكن تتبع الأصول من ناحية الجدات، أي ( أم أم أم الأم) وهكذاإلى آخر سلسلة الأمهات..
بينما الفحص عن طريق (Y-Chromosome) يوجد الأصول عن طريق ( أب أب أب الأب) إلى آخر سلسلة الآباء

إذن فالعنصر الانثوي ليس له تأثير على الهابلوجروب والتصنيف السلالي...

إما إن كنا نتكلم عن الأثر (الأنثوي) لإمهاتنا وجداتنا على السحنات والمظهر الخارجي، فهذا محل اتفاق بيننا.. ولا أظن أن أحدنا سيكابر في ذلك..

كما أن السنة النبوية الصحيحة دلت على أن الولد يتجه لأحد ابويه في الشبه بحسب سبق وطغيان (ماء) أحد الطرفين - الرجل والمرأة - على الآخر.

ففي صحيح البخاري من حديث طويل:

"... وأما الشبه في الولد؛ فإن الرجل إذا غشي المرأة فسبقها ماؤه كان الشبه له، وإذا سبق ماؤها كان الشبه لها".

يعني - لو جاز التعبير في هذا الموضع - ممكن تقول مسألة الشبه الخارجي مبنية على نتيجة سباق بين الـ X و Y فالذي يسبق الآخر ويطغى عليه، هو الذي سيستحوذ على شبه المولود.

أما ميدان تحديد السلالة الجينية، والانتماء للمجموعة العرقية والقبيلة المعينة فهو حكر على الكروموسوم الذكري (Y-Chromosome).

ورغم هذا البيان، فإن البعض يصر على طرح سؤال عند هذه النقطة.. وهذا السؤال مضمونه:

هل من المعقول أن يحافظ فلان من الناس على سلالة أجداده، وألا تتغير هذه السلالة رغم أن أجداده اختلطوا بغيرهم وتزوجوا من خارج القبيلة؟

بمعنى أوضح:

لو أن قرشياً تزوج من مجموعة أوربية أو حتى قبيلة إفريقية، قبل 1200 سنة، واندمج احفاده مع هذا الوسط تماماً، وأصبحوا يتزوجون من هذا الوسط، فهل سيظل الحمض النووي حاملاً لنفس الشفرات الوراثية التي تجزم بانتمائه لقريش؟!!

دعونا نأتي بإجابة من شركة FTDNA والذين راسلهم الباشمهندس/ العبدلابي، وسالهم بخصوص هذه القضية

،،،،،،،،،، انتظرونا

هذا الموضوع منقول من منتدى دار جعل فأضفت له هذا المسدار اليوم والذى يقول

كروموسوم التقوى أحسن والله أحسن نجد نسعاهو
ولو عزّ النسب لو عزّ النسب أصلو ما بناباهو
شوف كيف أبولهب وأم جميل النار عدييل تصلاهو
ما نفعو النسب بس نار الحطب وبغضو للرسول ذلاهو
ما بنفعنا جيين جيين غير جيين التقوى جيين التقوى نتولاهو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الأحد 14 أغسطس - 23:33

لاشك أن رمضان من أعظم شهور العام فيه ليلة خير من ألف شهر وفيه أُنزل القرآن ، رغم المشغوليات والسفر هنا وهناك ولكن رأيت أن أطل عليكم بمسدار وسؤال رمضانى وأحييكم وأطلب منكم الدعوات الصالحات فدعاء المؤمن لأخية المؤمن فى ظاهر الغيب مستجاب .

--------------------------------------------------------------------------------

شكراً ليكم وجيت الليلة وعليكم أسأل
ورقى ملان وكلو قصص حكاوى كتير أتأمل
والليلة ضربت سألت وبرضو البارح كنت البسأل
عن الصحة وعن الوالدة وعن الوالد وعن البملأ يجييب الجردل
وفى الصالون وكل فريق الحى صينه وراء صينه وطاعم وكلو مندكل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الجمعة 16 سبتمبر - 17:29

الاخوان الكرام المتابعين لمسدار الصباح أرجو أن تسمحوا على الانقطاع والذى طال لظروف السفر والانشغال وبداية العام الدراسى وعلى العموم رأيت أن أطل عليكم اليوم فى الجمعة أبرك أيام الله وفيها خلق آدم وفيها أخرج من الجنة وفيها تقوم الساعة وفيها صلاة الجمعة وفيها ساعة الاستجابة نسأل الله أن نصادفها وأن يقضى جميع حوائجنا يارب العالمين ، رأيت أن أطل اليوم بمسدار عن يوم الجمعة وفضلها وساعة الاستجابة وقراءة سورة الكهف فيها نسأل الله القبول والان الى المسدار :


نبارك الجمعة ليكم والجمعة دايماً عيدكم
واقرو الكهف فيها بالكهف يزيد يزيد تأييدكم
يارب يارب يا كريم لى ساعة الاستجابة يزيدكم
سائلين الكريم الرحيم فى الحسنات يزيدو رصيدكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   السبت 17 سبتمبر - 15:01

--------------------------------------------------------------------------------

مسدار صباح اليوم السبت 17 سبتمبر قيل يوم من مباراة الهلال الحاسمة فى أمر وصوله دور الاربعة وملاقاه الترجى الخطير الذى تعادل بالامس مع الاهلى المصرى فريق القرن وفرض عليه إسلوبه وسط 70 ألف متفرج خصصته للاخ الكاتب الرصين صاحب القلم السيال الاخ يوسف عبدالمنان بجريدة أخر لحظة ومن كُتاب الاعمدة الثابتة اليومية بعنوان خارج النص وصراحة عندما أجد نفسى لمده يوميين تلاته لم أطالع الصحف اليومية تجدنى أذهب الى أخر لحظة وأقر ما كتبة الاخ يوسف عبدالمنان والذى تمتاز كتاباته بالعمق والمصداقية ومن خلال سطورة تستشف الكاتب (الوطنى الجد جد ) والذى هو من القلائل الذين يفرقون بين معارضة النظام القائم وتدمير الوطن الدائم وأرض السودان وهويته الاسلامية .
عندما يكتب عن الهلال يذكرنا بكتابات العميد شرطة معاش أطال الله عمره عمر على حسن فى السبعينات والتمانينات من القرن الماضى والذى عندما يكتب عن الهلال نشعر نحن (الصغار فى ذلك الوقت ) قد شاهدنا صديق منزول وأمين زكى وسبت دودو دمور وجكسا وعلى قاقرين والدحيش وأفذاذ الهلال وهم يسطرون ويعزفون أروع الالحان فى الميدان ، حقيقة أستمتع بحق وحقيقة بكتابات الاخ الرائع يوسف عبدالمنان ورأيت اليوم أن يكون مسدار الصباح وأنا واصل اليوم من صلاة الفجر وبعد أن قدمت درس صلاه الفجر وكان عن من يرد الله به خيراً يفقه فى الدين فنسأل الله أن يفقهنا جميعاً فى الدين لكى نكون ممن يحافظون على الدين جهاداً وإجتهاداً فى صلاتنا وقيامنا وتجويدنا وتهليلنا وتكبيرنا يارب العالمين ، والآن أسمحوا لى أن أقدّم لكم المسدار الذى كتبته للاخ الكاتب يوسف عبدالمنان :

لمّا تكتب عن هلالك نشوفو زايد بدرو
ويصبح موجو عاتى وما فى زول حايحدرو
فى أمر السياسة والرسائل سطرك بيشرح سطرو
فى رسائلك كلام وحديثك تمام بتعرف مقامو وقدرو
كاتبنا الهمام يا ود الكرام واقفيين صفوف صفوف ننتظرو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: مغامرة مالك عقار والى النيل الازرق المنتخب الذى ترك الديار   الإثنين 19 سبتمبر - 4:56

مما لاشك فيه أن والى ولاية النيل الازرق مالك عقار لم يحسب الامر بحسابات الصالح والفوائد لمواطنى ولايته الذين أنتخبوه أو أنه يريد لهم تحقيق حلمه الاكبر إما بالانضمام الى أثيوبيا أو الانفصال بدوله الفونج أو ربما كان يعشم فى حكم السودان كله بدعم من الولايات المتحده والاتحاد الاوربى وحكومة الجنوب ، كل المؤشرات تشير الى أن الوالى لم يكن يتوقع أن القوات المسلحة سوف لن ترحمة وسوف تعيده الى مربعات التمرد الاولى فى الجنوب ويبدو لى أنه مارس نفس التكتيك القديم بعدم الظهور (كقائد مقاتل وله جيش وصفه بتلاحقت كتوفة مع جيش الخرطوم!!) ما كان متوقعاً أن يترك الميدان لو كان فعلاً حسب تصريحاته يسطر على 80% من ولاية النيل الازرق ، الوالى الان يبدو لى أن أمره وهروبه سوف يكون فرصه لشعراء الحماسه والمسادير وفى روايات أخرى الحكامات أن يتناولو هروبه بشىء من القصيد والمسادير ورأيت أن أدلو بدلوى ربما تنتهى الاحداث وتدخل القوات المسلحة الكرمك أخر محطه من محطات الوالى مالك عقار والى حين ذلك الوقت دعونى أكتب لكم كم مسدار عن مالك عقار وعلى العموم إذا حقق إنتصار ولو سياسى سوف نكتب أيضاً عن إنتصاره والموضوع بإختصار الحشاش يملأ شبكتو والكره اللأن فى ملعب الحكومة ممثله فى قوات الشعب المسلحة السودانية والتى يبدو لى أمامها ساعات لحسم المعارك !!!والان أسمحوا لى أن أنقلكم الى سطور المسدار:

الوالى المنتخب بى سلطان الدولة الدولة ما قرييت
ونفشت الريش كتيير وللشخييت الشخييت جرييت
كان تثبت تثبت تقييف ما قلت بدرى بدرى أبييت
أبييت تخضع للرئاسة وييين أحمر عيينك الصريت
فى ساعة الكُتال الكُتال ما سمعنا بيك بيك صديت
**************************

بعد الكتوف إتلاحق مالك يا عقار يا عقار فزييت
كان تثبت وكت حرّت حمت وكيفن قطعت الخيت
الداير الحكم والداير القيادة ما بنفعو بنفعو النطييت
وقدر ما تدك المدافع ما سمعنا سمعنا أصلو جرييت
فارقت الولاية ومركزك الثقافى لى شعبك الخلييت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الأربعاء 21 سبتمبر - 15:14

مسدار صباح الأربعاء 21 سبتمبر والمسدار عن الطلح والكلييت والمناسبة أن هناك منتديات بها بعض المواضيع والردود المسلية ومنها منتدى الراكوبة وموضوع عن (الطلح والشاف) ووجدنا الناس مكسرين رجال ونساء صغار وكبار فقلت أضيف للبوست مسدارين تلاته أسخن بيها المواضيع فقلت :




الشاف الشاف والكلييت تكلوه جوه البييت
والداير الطلح الداير الطلح ما بنفعو الخرييت
فى أبرووف هناك وفى كوبر كمان والله لو قرييت
كم مره غشييت وكم مره أشترييت وأصلى أصلى ما خلييت
بس أرتحت منو وعشرين سنه ممنوع فى أروبا وليهو ما شمييت


بت كردفان ما شفنا شىء ولو شفت شىء
لو شفتى شىء قولى لى عابره ما ما تختشى
بنقرأ بس والعين مغمضه لكن بنسمع ما تكشكشى
جابنا الخبار جابنا الشمار يا عابره إنتى صوت الرياح بتوشوشى


مالو الطلح قوم عييبو لى ما تنفطح
مع الطلح أم العيال وأبوالعيال تب بنصلح
لو غالى أو لو كان رخيص لا بجرح شعور ولا جرح
زى (ساونه بس ) ناقصه القزاز ما هو البخار والساونه برضو بتنفتح




بت كردفان ما شفنا شىء ولو شفت شىء
لو شفتى شىء قولى لى عابره ما ما تختشى
بنقرأ بس والعين مغمضه لكن بنسمع ما تكشكشى
جابنا الخبار جابنا الشمار يا عابره إنتى صوت الرياح بتوشوشى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 22 سبتمبر - 8:11

-----الاخ الباشمهندس الشيخ إدريس المبارك من منتدى الجزيرة إسلانج ومسداره حول الطلح---------------------------------------------------------------------------

يا بشرى الطلح غالي ورخيص بالحيل
للداير العلاج والسُتره راسا عديل
خليك زول فهم رأياً سديد مو ميل
مخروبة عيشةً خالية من زي ديل
----
اما الشاف حلاتو وحلاة اسيادو
كان قلت العلاج برضو مابختاهو
وان جيت للهناك معروف مكان اسيادو
مابين كباشينا فوق وابوروف محل ميلادو


رد بشرى مبارك إدريس-----------------------------------------------------------------------------

والله الطلح ما قصرت طب وأديتو
وبى مالك سطورك والله قلت فديتو
ما خلييت محاسنو وعدييت كتير عدييتو
أنا داير أسأل عليكم عليكم فطرتو واتغديتو ؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 3 نوفمبر - 15:56

لظروف العمل الاخيرة وحاجات تانية حاميانى زى ما بقول ترباس فى الغنا والبونى فى الاعمدة توقفت عن مواصله المسادير الصباحية وأنشغلت بالمشاوير الصباحية مندوباً للمبيعات لمؤسسة وشركة دار مكة العالمية بيرمنجهام واليوم كتبت هذا المسدار ورغم الزحمة ومسابقة الوقت للسفر الى مدينة (كونفنترى 70 كيلو من بيرمنجهام ) إلا أننى سوف أكتبة وموضوعه أ،ك تتعرف على أشخاص يكونوا كبار وسرعان ما تجعلهم المواقف البسيطة والمحكات صغاراً جداً فقلت فيهم :


كنت زى موج بحر الدميرة الدميرة وكيف كبير
لكنو قرب لى قرب لى طلع بالجد بالجد صغير
ياربى فى عينيى غباش أم كنت فى نومه سرير
لكنى صاحى بشوف مفتّح وهى أقدار البشر شر مسطير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: مسدار للاخ العطا على العطا منتدى البركل   الثلاثاء 15 نوفمبر - 1:09

الاخ العزيز الشاعر العطا على العطا بمنتدى البركل رأيت اليوم أن يدور مسدارى الصباحى عن مسدار يرد فيه إسمك من خاطره صباحية تذكرتك فيها وكتبت هذا المسدار ، أتمنى أن تواصل فيه بمسدار وتعليق ولك ودى ومن بيرمنجهام سلام .
أفيد الاخوان جميعاً وخاصه ناس السقاى أن الاخ العطا على العطا من البركل وقريب أبناء محجوب أرباب وصديق الاخ التاج محجوب أرباب وقد كان لى شرف التعرف عليه فى إجازتى الاخيرة فى العام 1010م فى رمضان وأنا مسافر وكان ذلك بمطار الخرطوم ، كما أرجو أن تبلغ تحياتى للاخ التاج الشايقى (العريس ) وقول ليهو مالك هارب زى مريخك !!!!.
مالك هارب زى مرييخك ومالك ماسح لى تأريخك!!!!.
والان ندخل فى المسدار الخاطرة أما مسدار التاج وهروب مريخة فسوف نواصله فى مناسبة أخرى وصلو يا العطا البيت الاول وقول ليهو الباقى بعد الممتاز !!!!.


طلييت سريع زى طلّت الطير الطير القطا
ورغم الدقائق والثوانى أجزلت أكثرت أكثرت العطا
وأنا كنت سارح ويادووب أكلم فى الصحاب وصاحبى العطا
بالله أسرع فى الخطى فى الخطى وقرّب تعال تعال فووووت الوطا
ممكن تحصّل ممكن تحصّل لمحة منو إمكن تقُص تقُص دربو دربو وتطأ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الجمعة 18 نوفمبر - 7:20



حياك الله أخي بشرى، وأنا لا أقدر أن أجاريك في شعرك الجميل:
سمّوك ود الفحل وفعلاً فحل فى مُسمّى
يارب يا كريم يدييك من نعيم وبيك حا نتلمّم
يا خالق الوجود ويا من أنزل القرآن وسورة عمّ
حقق للسودان إيمان فى الجنان وحّد للصفوف وخليها كيف تنتمّه

ولكن لزم أن أرد عليك بمثله فأقول:

يا ود مبارك مدحك بيشد الهمة
راسي عديل كبر لامن جدعت العمة
لو كنت شاعر جد باعرف النمة
كنت أرد عليك بالحيل أوَفِّي الذمة
يارب يا كريم تصلح لحال الأمة
وترحم جمعنا يوم الخلوق تتلمَّ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 15 ديسمبر - 6:12

مسدار الصباح اليوم الاربعاء 14 ديسمبر وقد أحتفلت العاصمة الخرطوم بالقوات المسلحة السودانية وهى تعلن تطهير جنوب كردفان والنيل الازرق من التمرد ونحن نرفع الاكف بالتحية لكل قواتنا المسلحة والقوات النظامية الاخرى من الشرطة الموحدة وجهاز الامن الوطنى رأبنا أن نكتب مسدار لهذا الحدث الكبير ونقول فيه :

فرسانا البواسل جنود الشعب سلام وتحية
ومنصوريين بإذن المولى لى سودانا إنتو هدية
نضفتو البلاد وريحتو العباد سرايا المية جنب المية
فى جنوب كردفان وفى الازرق كمان ضحيتو ألف ضحية
وصليتو مع الرئيس مع البشير مع المشير قائد قائد وصادق نيّة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الأحد 1 يناير - 19:43

بما أننى طوّلت الغيبة من مسدار الصباح وتحول الامر الى مشوار الصباح على كبرى المحال التجرية مندوباً للمبيعات رأيت وأنا ونحن وأنتم وهن وهم نستقبل العام 2012م يوم الاحد أن أستهله بمسدار يبحث فينا كل شخص على حده كيف عرف أنه فى العام 2012م من خلال نفسه فإلى المسدار :




--------------------------------------------------------------------------------

عرفت أنى فى العام2012م بنظرة فى وش المرايا
تذكرت أيامى الصغير وكيف مشيت ولبست لى شنطة جراية
وبعدها جييت لى أروبا الفيها الولادة كذا نجوم وما فيها ما فيها داية
وعرفت أنى جد كبرت والشيب كتر والصلعة برضو ويرضو نضارة قراية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الأربعاء 18 يناير - 19:26

مسادير الصباح اليوم الاربعاء 18 يناير 2012م سوف تكون إن شاء الله خماسية تتناول الشأن الرياضى والسياسى والاقتصادى والاجتماعى والاحتفائى والشرطى والامنى وسوف أفرد تعليق قبل كل مسدار ولنبدأ :

يدور فى الاوساط الرياضية إتهام صريح لرئيس نادى الهلال الامين البرير بأنه سب الديانة فى أكثر من واقعة وكنت أخال أن سب الديانة قد أنتهى عندنا فى السودان ولكن للأسف (الاسيف ) كما يقول الفاتح جبر أن سب الامين البرير تكرر فى أكثر من واقعة فقد ظل يردده صلاح إدريس الارباب رئيس النادى السابق فى أكثر من مناسبة وقرأت بالامس أن مدير نادى الهلال سوف يقاضى الامين البرير فى سب الديانة وهذا أمر يؤسف له وسقطة عظيمة فى حق الاخ الامين البرير فقلت فيه :

لو سبّ الديانة الديانة والله والله بنعاديهو
إلاّ يتوب ويرجع ويستغفر لكل ماضيهو
الدين الدين ما لعب والدين ولا ناديهو
لو أصبح ده حال الرئيس هلالنا بنخليهو
الاخلاق الاخلاق واللسان وقروشو ما بتفديهو

* المحطة الثانية فى مسادير اليوم أخترناها عن الاعتداء الذى حدث على من أقام الاحتفال بالإستقلال السبت الماضى فى بيرمنجهام وأرى أن الجهة التى أقامت الاحتفال (المؤتمر الوطنى ) وقوى الهامش قد خسروا كثيراً فقلت :


ما كان ليهو داعى الاحتفال واللمّه
ويا ريت لو جلسنا فى حلقة سورة عمّ
تركنا عدييل بلادنا بلادنا قلنا لو ننجمّه
جاتنا يميين محن محن كمان معاها مذمّه
أصبح حالنا حالنا فرقة وشتات وأنّفك ما بتلمّه

المحطة الثالثة فى شأن فريقينا القومى ومبارياتة الثلاثة والتى أنهزم فى إثنين منها وتعادل فى الثالثة بدون أهداف ولم يمنّ الله عليه بهدف وحتى وحيد (مافى حتى رسالة واحدة بيها أتصبر شوية!!!) فقلت فى شأن الفريق ومدربة الصامد كأبى الهول (محمد عبدالله مازدا) والله حق لنا أن نطلق عليه أبوالهول بدلاً من مازدا أو الهرم الاكبر !!! فقلت :

القومى فريقنا نتايجو جد جد بتخوّف
وما أحرز هدف وهجومو حالو يعوّف
مازدا ما جاب جديد وبى حالو جد جد متكييّف
لا هجوم لا دفاع ودفاعو دفاعو كلو (مُسييّف)
وييين يا ناس هجومنا ما فيهو أصلو (حِرييّف)


المحطة الرابعة مفاوضات البترول والمسائل العالقة بين دولتى الشمال والجنوب فى السودان والمقامة حالياً فى إديس أبابا برعاية أمبيكى رئيس جنوب أفريقيا السابق الجنوب متشدد والشمال غير متازل ومتشائم فقلت فيهم :


أرخو الشِدّة مره وحال البلد فى أزمة
والناس جد فى فلس وبلادنا كيف منقسمة
شوفو الحل مناسب مناسب والغيط بدور الكظمة
أنسوها أنسوها المغايس وفكوا الرُباط الرُباط من حزمة



والمحطة الخامسة والاخيرة كشف التنقلات فى قوات الشرطة والذى تم الشهر الماضى ومن أعرف ممن نقلوا اللواء طه جلال الدين على من الشئون الاجتماعية ولاية الخرطوم الى مدير شرطة جنوب دارفور اللواء ناصر محمد يوسف من مدير شرطة محلية بحرى ولاية الخرطوم الى مدير شرطة السجل المدنى واللواء عباس الطيب يوسف من المباحث المركزية بحرى الى الولاية الشمالية دنقلا بالتوفيق للأخوان فى المواقع الجديدة ومزيداً من النجاح والابداع وقد قلت لهم :

لى كل زميل أرسل سلامى ودعوة
بالتوفيق معاك فى كل خطوة وصحوة
بلادك بلادك ليها أمّن ما يبقى جانبك كبوة
ويا حارس الاسود الاسود أتذكر معاك اللبوة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الإثنين 12 مارس - 17:51

مسدار الصباح اليوم تجمعت كلماتة صباح الاثنين 12 مارس 2012م وهو بداية الاسبوع عندنا وقد أوصلت أيمن للمدرسة وأنا عائد (كدراوية) 20 دقيقة ذهاب ومثلها إياب وفى الاياب جاءت خاطرة هذا المسدار عندما جرييت شريط الاهل وتذكرت حديث تناولته على الاسكابى مع شقيقتى أمينة مبارك قبل إسبوع وهو أن العم والخال على عبدالله مضوى موظف البنك القديم والذى يعتبر من أوائل موظفى بنك الادخار فى السودان قد قام مشكوراً بإيجاد وظيفة للأخ إدريس عبدالرحمن إدريس ومن قبله لعبدالغفار عبدالملك عبدالله وقبله لمرتضى محمد أبراهيم ويقال أن الاخ عبدالله دخل يوماً على البنك فى الرئاسة بالخرطوم فوجد مرتضى (يمدح) ومرتضى مادح مشهور فى المنطقة فما كان منه إلا أن قال له يا مرتضى مديحك ده خليهو فى السقاى هناك تانى ما أسمع بيك تمدح هنا !!!
التحية للأخ على ولكل من يحاول مساعدة أبناء أهله فى زمن( تعزّ فيه الوظيفة وتندر )فكتبت هذه الكلمات علها تكون ذكرى طيبة عندما يسمعها العم والخال على عبدالله أو أسرتنا يضيفوا إليها بيتاً أو أكثر خاصه خالتنا أمنه بت مدينه بت بلتنا والده إدريس أو الوالدة الجودلية بت مدينه بت بلتنا والتى لاشك فرحت كثيراً بتوظيف أولاده المذكورين أعلاه :

على عبدالله سلام ود قدروة ود بلتنا
أغرييك السلام للعامرية من من حلتنا
من السقاى سلام سلام جاييك من ثلتنا
سعييت فى الوظائف (وظّف) عيال بلتنا
وثبت الاساس ما تجيينا ريح هبوب شالتنا
*********************
يارب يا كريم يدييك من نعييم ويحفظ جميع ملتنا
من بيرمنجهام سلام من خالده وأحمد ومن إسرتنا
ومن إسلام وأيمن (بالعجمى ) كلام كلام حارتنا
أسعى ما تقييف يزيد أجرك خريف ويملأ ويعم فجتنا
أقبل منى الحرووف وزور طيين الجروف يارب قرييب لمتنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: حريات أربعة مرفوضة وقصيدة وليست مسدار (من بشرى مبارك إدريس )   الأحد 18 مارس - 0:23

لاشك أن التوقيع على الاحرف الاولى الذى يتم مع وفد دولة الجنوب فى أديس أبابا قبل ثلاثة أيام التوقيع على الحريات الاربعة وترسيم الحدود دون الحديث عن النفط أو أبيى يجد الان رفضاً كبيراً من معظم قطاعات الشعب السودانى خاصه منبر السلام العادل وعلى رأسة الباشمهندس الطيب مصطفى رأيت أن أوثق لهذا الرفض بهذة القصيدة فإالى القصيدة :


حريات أربعة مرفوضة ما بندورة
وأحسن لى وفدنا نرميهو بالبندورة
ويين المجلس الوطنى ؟ وين الشورة
وويين الشعب ؟؟؟ أحسن رقدة المطمورة
وييين يا تنقا يا طاشين ويا الثعلب ويا كندورة
وييين مريخنا وينو نجومو وينو نجومو ناس الفورة
ووين ضُباطنا ويين التاج والدبورة
وينو رقيبنا وينو عريفنا أب جاعورة
إسود والله معروفيين بفكو البورة
وما دايرين نرجع لنيفاشا البقت ماسورة
دعونا المولى دعونا كتير يارب فكنا وساجورة
*************************

يا ساستنا ما معقول ..... يا مفاوضينا ما معقول
كيف الانفصال معقوول ... وحريات أكون مسطول
كلام والله ما مسؤول كلام..... حيّر عدييل لى دقول
قبل الانفصال ما يطول .......وما يتم السنة والحول
يقولو نريده حريات لكل الشعب كل الشعب وبنتنا شول
عليك عرزينك المبهول .... يكون فى عقولنا زول مهبول
يوافق يدى حريات !!!!..... وين يا سيفنا يا سيفنا المسلول
والله النموت أحرار .... نموت أحرار وما أحضر أكون مشلول
وكيفن نرضى بالرخصة والذلة... والمرض البجينا البجينا فصول
ناس بى حرية قالوها ....... بى حرية قالوها عايزين البلد مفصول
وكيف حايرجعوا الكلمة ......حايرجعوا الكلمة أظن حايلبسونا حجول
وكيف حايرجعوا الكلمة ......حايرجعوا الكلمة أظن حايلبسونا حجول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 22 مارس - 8:47

بصراحة ومنذ أن عاد وفد السودان لمفاوضات الجنوب قبل أسبوع وأكثر (بموضوع الحريات الاربعة ) وجدت نفسى فى حالة إحباط خاصه عندما أطالع صحفية الانتباهة والتى وقفت تنّفد هذه الحريات والتى لا أرى أى مبرر (لأولاد نيفاشا ) من شمال الوادى أن يوافقوا عليها لا بالأحرف الاولى ولا بدون أحرف ذاتو !!اليوم طالعت مقال كارب من العميد محمد عجيب كتبة فى جريدة القوات المسلحة وهو رئيس تحريرها السابق ، المقال ومجريات الاحوال قادتنى الى هذه القصيدة وقد لاحظت أننى فى الفترة الاخيرة غيرت مسار الشعر من المسادير الى القصائد الطويلة فمعذرة الى من تعودوا على مطالعة المسادير فى هذا البوست ، وأرى أن سبباً أخر هو أن تواجدى على المنتديات أصبح بالمساء فقط ولساعتين لاننى مشغول جداً مع المعايش والعمل نسأل الله أن يوسع فى الرزق ، والان أسمحموا لى أن أقدّم لكم القصيدة :

آه ..آه ... للسودانى يا المكلوم
وجاك راجع شعب جنوب للخرطوم
بعد ما صوّت صوّت قريب مية وقال محروم
وصوت للإنفصال فرحان فرحان وما مهموم
وقّف ضخ وقّف ضخ لبترولو وقال قال مختوم
وغيّر عمله بدل عمله بى واحده وملاها نجوم
ودّع ...ودّع ... ودّع وقام يوم ودّع الخرطوم
وسافر عكس تيارو والنيل النيل الصبر لى هموم
************************
وما تمّ نص الحول قال عايز لحريات
لحريات مع الخرطوم مع مدنى ومع سنكات
كلام ما قالو أصلو أشول كلام قالوهو خواجات
ديل هم راهنو بالحرب وكان الدعم الدعم دبابات
وليه يا وفدنا الغالى تخون العهد لى خاله وحبوبات
ديل أُمات ختم وبشير أُمات شُهدا شُهدا منصورات
عليكم الله أختونا وفارقونا خلاص خلاص ودعنا حريات
وما بنقبل ما بنقبل جنوب تانى إلا نكون جمييييع أموات
وما بنقبل ما بنقبل جنوب تانى إلا نكون جمييييع أموات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 3 مايو - 21:25

أعود اليوم بعد توقف دام أكثر من شهر وإسبوع والله خلال هذا الشهر دارت فى خواطرى الكثير من المسادير ولكن زحمة (البزنس والعمل حالت دون أن أكتبها فى المنتديات ) واليوم ورغم زحمة العمل دخلت المنزل بغرض توصيل مجموعة من الملابس من الغسيل الجاف ومن الامس يدور فى رأسى مسدار عن مرض الغرور ونصيحتى فى شكل مسدار لكل أخ ولكل مسلم ومسلمه أن يتناول هذه الابيات الخمسه (جقمة واحده ) علها تشفى أمراضنا جميعاً وأقول فيها :

ما تطلع فى الكفر حالاً يزوغ يرمييك
وابعد من غرورك خليهو ما يوالييك
العن للرجيم ما يلقى وقت وقت يغوييك
أبقى الفاروق عمر أصلو أصلو مايبارييك
لو فجّك فجّك سلك بسم الله بسم الله بتداوييك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
بشرى مبارك



عدد المساهمات : 7551
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: مسدار الصباح من إعداد وإخراج ونجر بشرى مبارك إدريس وصباحكم خير   الخميس 3 مايو - 23:16

رد: بشرى مبارك في رحلة الإستكشاف


--------------------------------------------------------------------------------

كقائد يحتاج لمواصفات معينة في من هم تحت قيادته ’ هل تفضل ذلك الشاب أو الرجل القوي ولكن له سلوكيات غير سوية ( شرب المسكرات وتعاطي المخدرات والسهر وما يرافقه ) - أم الأخر النحيل أو ذو الوزن الزائد ولكنه بعيد من تلك الأفعال ؟ . طبعاً مع أكيد أُمنياتنا أن تكون كل القوات النظامية ذلك الشاب أو الرجل القوي الأمين المستقيم ...

لاشك أن شُرب الخمر من الكبائر لذلك أتمنى أن يكون ضابط الشرطة بعيداً من الكبائر لكى يكون كبيراً فى نظر المجتمع !!للأسف وجدنا عدد مقدر من ضباط الشرطة يتعاطون الخمر وبما أننى عملت فى بداية تخرجى فى مطار الخرطوم (حيث الويسكى والجن الهامل والبيرة الساقطة بى رماد القروش !!) إلا أننى وبحمد الله وجدت والدى مبارك إدريس أطال الله عمره وجدى إدريس بابكر وجدى بابكر محمد إدريس عليهم رحمة الله لأيتعاطون الخمر ولم يجربوه والحمد لله فتحصنت ضد الخمر حتى تم بحمد الله إعلان الشريعة فى سبتمبر 1983م وتم تجفيف منابع الخمر خاصه مطار الخرطوم !!!.
لذلك لا أرى خيراً فى الخمر حتى ولو كان من يعاقر الخمر (يقبض الحرامى من بطن أمو !!!) فلا أحبذ شرب العرق ولعب الورق ) خاصه القمار منه إلا أن لعب الورق للتسلية جربته والحمد لله وتوقفت عنه منذ 2000م فى بون لا أقول نهائياً !!لكن مره مره فى الاجازات فى السودان بلعب لى عشرة وست !!! أما هنا فقدر ما جرى وراى الاخوان هربت منهم وقلت لهم لاتجتمع حلقة بسطامى وعشرة الوست فى بيرمنجهام .وأخيراً أخى إدريس أتمنى أن تكون حسب ما كتبت وتمنيت أن تكون القوات النظامية كلها ذلك الرجل المستقيم الذى يقيم الصلاة ويحفظ القرآن لكى يحفظ عروضنا وحدودنا التى أوصى بها جدودنا .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
 
مسدار الصباح من إعداد وإخراج ونجر بشرى مبارك إدريس وصباحكم خير
الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى الشعر والخواطر والقصص-
انتقل الى: