أنساك كيف؟؟؟

أنساك كيف
وإنت في جواي
وتر مشدود
تباريح غناي
أنساك كيف يا أجمل شجن
يانبض الأغاني وكل المحن
أنساك كيف وأنسي عيونك
ونور جفونك
ومدارات خطاك في سكة الوجع الخرافي
أنساك كيف
لما الشجن إتكلم بي تقاسيم وتر موجوع
لما الحرف إبقي أسي ودموع
أنساك كيف وأنا الفارقته
محياك
أنا الإتناسيت معاني هواك
وكتبتو حرف في جواك
ونقشتو أساس ياملاك
وجيت في نص السكه مسحته خطاك
إتراجعته من دنياك
بقيت الناسي هواك
وكيف أنساك
وقت الحلم إرسمك ياملاك
وقت أرحل في خيال بعيييد
بلقاك
مابنساك وأنسي عيونك وأنسي هواك
عشان ياحلوه أنا عشقته هواك
ووقت الهوي إكون لأحلي ملاك
أكيد قوانين القافية بتنسي
نساك
وبنتذكر كيف نتناسي الفات
ونبدا نقول
أ
ب
ت
ونقرا هواك
حرف حرف
عشان نترقي ونحضر أعلي مراتب في دنياك
وما بننساك
ووقت ننساك
بنتذكر إننا نسينا هواك
وبرجع تاني أتذكر
وفي عينيك بتحكر
ومابفتر
أكان جريت في دنياك
ما إنت مافترت خطاك ياسكر
وانا إذا إتناسيت بكون منكر
يا أجمل بشر
مابهواك
ولا بعشق فيك أي خصال
بس بحب السكه والترحال
وقت نقعد
وقت ننزل
وقت نضحك في الشبال
مابهواك
بس بعشق فيك كل الخصال
كل الجمال
كل البلاد في عينيك ياسكر
وكيف أنساك

شكرا كتييييييييييييييييييييييير عمنا بشري وبالجد احساس رائع ان هناك من يقرأ لك واتشرف كثيرا بتواجدى في هذه المنتدى الملئ بمن هم اهل للسقاي واهل للشعر والابداع