بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: وبدأ الجليد فى النزول فى برمنجهام!!!!! السبت 27 نوفمبر - 16:04 | |
| كانت التوقيعات قبل يومين فى النشرات الجوية فى بريطانيا وفى برمنجهام تحديداً توقع نزول الجليد واليوم وأنا أنظر بعد الصحيان قبل ساعة لصلاة الفجر نظرت الشارع من شرفه الشقة وجدت الأرض بيضاء تسر الناظرين والجليد ركبة !!!وحقيقة منذ إسبوع ودرجة الحرارة بالصباح ناقص الشىء الفلانى وبالامس كنا معزوميين غداء عند الاخ أبوبكر محمد على الشيخ نسأل الله أن يوسع له ويطعمه فى الفردوس الاعلى فقد جمعنا مايربو على 20 شخص ومعنا الاخ أبوهشام المصرى حبيب السودانيين من بون والى برمنجهام . كان الحديث قد دار عن البرد وبما أن هناك عدد مقدر قادميين من النرويج وعندما يحكوا عن برد النرويج وجليدها تقول والله نحنا كأننا فى جو السودان !! فى النرويج تطلع الصباح شايل كوريقك معاك لكى تنزل الجليد من سيارتك وأوعه تكون ما عارف وقفت سيارتك وين!!!؟؟؟؟ لانك سوف تنضّف كميه من السيارات حتى تصل سيارتك لان السيارة بتكون (منقبة تماماً بالجليد فى واحد فيكم شاف ليهو وش منقبه ؟؟؟؟!!!) آها عربيتك فى النرويج مابتشوف وشها إلا بعد ساعة حفر وإزاله للجليد!!والله المجهود البتعملو لى عربيتك فى النرويج يطلع ليك كيلو دهب فى (قبقبة فى خلا العبيدية وأبو حمد!!!) أسى يجينى دكتور عبدالجليل يقول بشرى (فلّس تانى جاب سيرة الدهب !!!) !!!لكن الرواية من أكتر من سودانى من القادميين من النرويج وهم كثر على رأسهم عبدالسلام محمد على المحامى وعلى الشاعر والفاتح العاقب وأبوبكر بشرى السيد والاستاذ المحامى طارق العجب.أما نحنا ناس ألمانيا فأكتفينا بهوائل الجليد فى النرويج وعلى الرغم من أن الجليد فى ميوينخ كان رهييب ومازال لكن برضو مابلحق النرويج ، أما أشهر مناطق الجليد فى المانيا فهى فى مناطق وجبال تخوم وعوالى مدينه إشتوقارت معقل المارسيدس وأنا أقول المرسيدس ده قوى لى شنو؟؟؟ أتاريهو جربو فى جبال وعوالى وجليد إشتوتقارت والله العظيم عندما كنت أعمل لمده ثلاثه سنوات 2006 حتى 2008 مع شركة لوفتهانزا الالمانية وأسافر للمطارات كنت أشيل هم من مطار إشتوتقارت أيام الجليد لاننى كثيراً ما آخذ 24 ساعة محجوزين بسبب الجليد والمشوار كلو من بون الى شتوتقارت 334 كيلو والله أسع أتذكرت الايام دييك قعدت أكتكت !!!
والله الجليد تقييل والمشى بى شيش لكن مافى حل قول لى وين تقبل وتروح شقيش تتمنى العصيدة الحارة وإن شاءالله عيشة عيشة دريش وتتمنى الشاى المقنن وتتمنى الركوب قربه* وسريع هو دحيش * القربة هى السرعة القصوى التى ينطلق بها الحمار أو الدحيش والدحيش هو الحمار الصغير الذى كثيراً ما يرمى الصغار حتى يتعلموا الركوب الصحيح !!ياربى أولاد الانقاذ ديييل بعرفو كلامى ده ؟؟؟ | |
|