المسلسل ننتظر من يكمله

المسلسل ده من تأليف و احد مسطول


مدير شركة أخطر السكرتيرة بأنهم حيسافروا لمدة أسبوع إلى الخارج لأداء عمل مهم

السكرتيرة قالت لزوجها إنها مسافرة مع مدير الشركة لمدة أسبوع

الزوج ضرب تلفون لعشيقتو يبشرها بأنهم حيقضوا أسبوع مع بعض من غير أى منغصات

العشيقة شغالة مربية لى طفل بلغتو إنها لازم تسافر البلد عشان أمها عيانة

الطفل ضرب تلفون لى جدو و إترجاه أنو يقضى معاه أسبوع عشان ما يزهج من الوحدة

الجد طلع صاحب الشركة ، قام بلغ السكتيرة بطلب حفيدو عشان تلغى السفرية

السكرتيرة كلمت زوجها بأنو السفرية إتلغت

الزوج ضرب تلفون لعشيقتو ( مربية الطفل ) و قال ليها الخبر الما حلو

المربية كلمت الطفل إنو أمها بقت كويسة و مافى داعى للإجازة

الطفل ضرب تلفون لى جدو و أخبرو بأن المربية ما حتسافر ، و مافى داعى يعطل مصالحو

الجد ( صاحب الشركة ) قال للسكرتيرة بأنو السفرية دى مهمة و إنهم لازم يسافروا ضرورى


عايزين زول يدينا تصور للحلقة الأخيرة عشان المؤلف حيران جدا و سطلتو فكت