ان كيدهن عظيم - منقول

*** الفنانة والحنانة والحردانة :
أ/الفنانة : دي حتمرق معاها وتقعد تحوم في الحفلات وتشوف ليك كرسي قداااام
تقعد فيهو شايل عكازك وسكينك في ضراعك وعينك عليها إن راجل بشر ساكت تتحنفش وتقوم إلا يهجروك إتنين مانعين علي الكرسي .. وتجو نُص الليل راجعين أهلكم والنهار كلو نايمين..
ب/الحنانة: طول النهار برة البيت تحنن في نسوان الرجال وهي كرعيها يكون ماشافن الحنة من سنة المجاعة والنهار كلو إنت تحاحي في الشفع مايلمسوا
الصبغة..
ت/الحردانة : دي حتكرهك حياتك!! أقل كلمة تتلفح توبها وتجري بيت أبوها وتلحقها إنت وتلقي أبوها .. تقعد في طرف العنقريب تطقطق في أصابعيك ومدنقر في الواطة داير تراضيها وترجع البيت .. أحسن حل إنكم تسكنوا مع ناس أبوها أو تجيبوا ناس أبوها يسكنوا عندكم عشان توفر المشاوير والجري وكده ..



*** المدرسة والمدبرسة والمفلسة :أ/ المدرسة : أول حاجة دي مابتقدر تفرّق بينك وبين والطلبة !! وحتقعد تعيد وتكرر في الكلام مليون مرة ومابعيد في الأخر تقول ليك فاااااااااهم ياشااطر؟!!
ب/ المدبرسة : تلقاها طول النهار زهجانة وأخلاقها في طرف نخرتها ولو كلكلتها ماتضحك .. في النهاية دي حتوديك التجاني الماحي مريض بإكتئاب..!!
ت/ المفلسة: دي مادايرة أي شرح طبعا !!


3 / النوامة والحوامة واللوامة:أ/ النوامة : تجي من الشغل نص النهار زهجان تلقاها تانية المخدة وخاتة إيدها تحتها وتشخر وريالتها سايلة وحالتها بالبلا تكرهك اليوم الفكرت فيهو العرس.
ب/ الحوامة : طول اليوم فوق كرعيها زي عربة الوساخة لايسة الحلة من بيت لي بيت وتدخل البيت قبل رجوعك من الشغل بي خمسة دقائق تجري تولع النار وتغديك القطر قام وأول ماينتهي الغداء تدخل في سفنجتها إستعدادا لجولة جديدة..
ت/ اللوامة : كمان ده نوع مزعج جداً لو جبيت سيرة أخوك ساااكت تفتح فيهو :
الله يسعلني سنتا ديك وكت إنت سافرت وخليتنا بلا قروش وسافرت يدخل علينا ويمرق مدلدل إيديهو ولا كيس موز ساكت ماجابو لينا .. والعجب أمك....هييييييهيي والله أمك دي أصلها مابتريدني ومن تشوفني تنطلق فيها النيران وتمد قدومها طويييييييييييل ..!!


4/ البوبارة والكوبارة والخبارة:أ/ البوبارة دي تحملك فوق طاقتك وتشريك المابنشري ولو جوك ضيوف في البيت تجري علي علبة الدهب وتتعنكش كلها وتقعد تنضم بي إيديها وكرعيها ورقبتها وأضنيها عشان توري الناس الدهب..
ب/ الكوبارة : دي تكبر ليك أي موضوع وتسوي ليهو توم وشمار وتقول ليك
) ناس القبور دقوا الطنبور) ولو شافع من شفعك عترووق!!!هيييييييي
تخُت إيديها في نص رأسها وتصرخ وووووووووب علي ووووووووووب
علي الولد مااااااااااات والمصيبة لو كنت نايم وسمعتها تقوم مخلوع وتمرق
من الأوضة جري ولو كان عندك قلب تمرق من المهد إلي اللحد طوالي..
ت/ الخبارة : دي بتحب الخبورات والشمارات زي عيونها ديل ولو في نضم تلقاها سكتت الشفع عشان تسمع الجيران !! مالهم بيهرجوا وصوتهم عالي ولو كانت بتكوي ليك في قميص ولا جلابية قطع شك حيكون أو تكون من أعداد ضحايا مصنع الشفاء وممكن الملاح يحرق الجردل يكون تحت الماسورة يتملي ويغرق البيت وحرمكم المصونواقفة فاتحة خشمها زي التمساح في نص الليل تتصنت علي الجيران..


5/ الممحوقة والمطلوقة واللايوقة !!! :أ/ الممحوقة : دي لو جبيت ليها دكان كاااااامل ختيتو في البيت تكملو في يومين..
ب/ المطلوقة: واضحة وضوح الشمس في السوق العربي نص النهار ومادايرة أي شرح ..!!
ت/ اللايوقة : دي حكايتها تانية!! تمسك في موضوع يحلك منو الجليل الرحيم هوي دا....هوووووي...الليلة يايمة طرشتَ؟؟؟....وقدُر ماتطنش أنت هي تزيد إصرار وممكن لو عدمت الحيلة تجي جنبك وتخجك خجة جااااااااامدة عشان تنتبه للنقة ..!!