بشرى مبارك
عدد المساهمات : 7557 تاريخ التسجيل : 19/02/2009 العمر : 64 الموقع : أقيم فى بيريطانيا مدينة بيرمنجهام
| موضوع: تلفون طويل بين الرياض وبرمنجهام مع يوسف التوم عبدالقادر الأربعاء 29 سبتمبر - 15:05 | |
| بالامس وبحمد الله توفقت فى مهاتفة الاخ يوسف التوم بعد كم محاوله سابقة وتونست معه طويلاً (ياجماعة عندنا فى الجمعية بتاعتنا خط غالى شوية لكن فيهو ساعات إكرامية نوزعها علينا ولكن للهاتف الثابت من يريدنى أن أتحدث معه أن يرسل لى هاتفه الارضى بس ما يقول لى يا بشرى عذبتنا !!!!!) تناولنا عدة محاور فى الونسة وباركنا زواج الاخوان مجاهد محمد السمانى ود الزهو التوم عبدالقادر ويوسف خالو طبعاً وأيضا زواج طلال الخضر على طه الاسبوع القادم مبروووووك لكل الاهل فى القريه ونخص الاسرتين آل صالح والحسناب وعديل صالح . أيضاً تناولنا ظاهرة البُطان التى أنتشرت فى القرية والتى سوف أفرد لها بوست خاص أرجو أن أجد ردود فى هذا البوست وقد أعجبنى تعليق الاستاذ محمود التوم عندما تنامى الى سمعه أن أبنه (قد أجلد فى عرس مكاشفى !!!فقال كنا نخوفو بالسوط وركز ليهو تانى إلا نشوف ليهو عكاز نضربو بيهو حسب ما أضاف عمه يوسف التوم !!ومحمود وبشرى وعبد العظيم وجيلنا والقبلنا ما سمعنا بى زول أنجلد إلا أنجلدت أنا فى عرس الزين فى العبيدية (جلد مجامله!!!)بإعتبارى صاحب العريس وجلدنى الزين بإصرار من شقيقة أبراهيم وكان زى (جلد المرحوم التهامى عليه رحمة الله بى طرف إيدو ) وأبراهيم والله أكان قال داير يجلدنى كنت رفضت بشده لانو كان (طاشم هو وأصحابو الانجلدو جلد غرائب الابل !! مالى لى جنس ده أنا حمار ولا تور ساقية أصبرو لى يا أولاد البتلاب جاى عليكم !!! | |
|
يوسف التوم
عدد المساهمات : 101 تاريخ التسجيل : 06/07/2009
| موضوع: تلفون طويل بين الرياض وبرمنجهام مع يوسف التوم عبدالقادر الأربعاء 29 سبتمبر - 21:07 | |
| اشكرك اخى بشرى على هذا الاتصال ... وقد بلغلت الاخوان تحاياك | |
|