يا مصعب إنسانية ماتنسى منتدى السقاى

إبن أختى مصعب الزبير فى إجازتى الاخيرة حاول أن يدخلنى عالم (الفيس بوك ) وأنا مكجنو عدييل كده (والله بحدرو ليهو فى الضُلمة من غير أى مناسبه وعندى زى المريخ فى المباريات المحلية !!!) مصعب ذكر لى أنه يقود مجموعة طيبة من الاخوان فى الفيس بوك حتى أنه (نسانا وأكتفى كغيرة بالمتاوقة أما منتدى أهلو ونسابتو السروراب فقد هجرة عديييل كده !!وقربنا نطلب ليهو أغنية الراحل خلف الله حمد الهجروك حبى وجعلو السبب !!شنو ما عارف أظن الفيس بوك) مصعب إزيييك أنا جاى من صلاة الصبح تقبل الله منا ومنكم والامور كلها تمام الحمد لله أوصيك ونفسى بقراءة سورة يسن قبل الصبح إن شاء الله مره واحدة سلامى للاسرة وبعد شوية راجع بريدك الخاص .

والله يا خال حقيقة الفيس بوك وجه اهتمامي ما بكزب عليك وعصر الشغل شال الباقي من الاهتمامات لكن اوعدك اني ح اطل عليكم كل مرة والتانية
وبخصوص سورة يس انا لوختيته كانت واطاطي اصبحت
اول حاجة اعملها بعد دخولي المكتب وبعد فتح الجهاز انو اشغل سورة يس واكون متابع معاها وانا بتناول قهوة الصباح

عزيزى مصعب سلام عليك أنقل لك سلام عمك من الرياض يوسف التوم عبدالقادر رغم أنه لم يلتقى بك إلا من خلال الفيس بوك ولكن يرسل لك السلام والاعجاب بالاداء فواصل كفاحك وخليك حريص (وأنا القائد وأنا الرئيس وإنت أنتظرنى جنب الميس )

هذا تعليق للاخ والصديق حمد النيل عبد المتعال من الجيلي

خالك دا من يومو عنيد .. وراكب راسو ..لكن صاحب فكر وطموح ..ودوماً يحب أن يكون زعيماً ..فله مقومات هذه الزعامة

الاخ مصعب لك التحية وأرجو أن تنقل تحياتى للاخ حمد النيل عبدالمتعال وسلامى الشديد له وقول ليهو بشرى قال ليك عايز منك سطرين تلاته عن (البُطان ) وهل كان فى الجيلى زمان أو الآن بطان ؟؟؟
تخريمة: الحمد لله ما ركبت رأسى ودخلت لى بُطان وقلت ساعدننا بالزغاريد يا نسوان والله حتى هذه اللحظة عندما أتذكر منظرى وأنا راكز (نص كم ) فى العبيدية سنه 1990 فى زواج الاخ زيبن العابدين حسن الزبير أسب لى أبراهيم شقيق الاخ زين العابدين حسن الزبير (الزينكو ) وحمد النيل يعرف الزين وكل شلتنا فى الجيلى الثانوية وكانت مشهورة بشله الخمسة يضرب بيها المثل الاستاذ عبدالله جبرة فى حصه الرياضيات وهم اللواء شرطة ناصر محمد يوسف الكباشى من الكباشى مدير شرطة محلية بحرى الآن والرائد شرطة معاش بشرى مبارك إدريس من السقاى عبدالعظيم الهادى عبدالرحيم من السقاى زين العابدين حسن الزبير من العبيدية وعبدالله الطيب بابكر الحاج من الزيداب وعبدالله غاتس فى الكويت ليهو 10 سنين ما جاب خبر !!!

» الاوبة الى منتدى السقاى
» منتدى السقاى ياهو منتدى السقاى ياهو
» حكومة منتدى السقاى
» مسادير رياضية هلالية مريخية عماد المتمة منتدى دار جعل وبشرى مبارك منتدى السقاى
» يا مصعب أدفر طوفك وأقطع على منتدى السروراب