أبيى مدينة سلام (وقصيدة من تأليف بشرى مبارك إدريس )

--------------------------------------------------------------------------------

أبيى مدينة سلام أبيى هى ما للضرب
بترولنا لى كل سودان بترولنا ما للحرب
الوحدة أحسن شعار الوحدة يا مغترب
خلونا نقعد أمان خلونا نطرب نطرب نحب
عايشين زمان فى آمان زى البن ينحلب
ليه الحرب والدُفاس ليه الخراب نصطحب
حانعيش آمان فى سلام والكل يكون منكرب
أبيى مدينة سلام أبيى هى ما للضرب
مسيرى أو من نقوك أيه نستفيد من حرب
خيرك كتير من كريم لاسرقة لاموت لاسلب
ألعن إبليس اللعين وسمّى ونضّف درب
وأمشى وأرمى السلاح وودّع وداع يا حرب
المولى يلطف عليك أزرع وأزرب زرب
وأبيى مدينة سلام أبيى هى ما للضرب
بترولنا لى كل سودان بترولنا ما للحرب
الوحدة يا ناس آمان والوحدة ما بالغصب
فى الوحدة دايماً آمان والوحدة فيها بنشب
ما أصلو كانت بداية (مجوك ) (نمر ) شعار محب
أسأل زمان عاشو كيف والخير كتير منسكب
ولد أمى يا عزتى ولد أمى أسكت وكب
أخوان عدييل لو تشوف ده الخوة لو تنكتب
كيف حانعيد القديم فى الشرق أو فى الغرب
والكل يكون فى آمان ما يخاف ويجرى الكلب
وكل الطيور حاتغرّد نغنّى وداعاً وداعاً حرب
وكل الطيور حاتغرّد نغنّى وداعاً وداعاً حرب
وكل الطيور حاتغرّد نغنّى وداعاً وداعاً حرب