منتديات ابناء السقاى
يا ضيفنا لو زرتنا لوجدتنا نحن الضيوف وانت صاحب المنزل اهالي السقاي يرحبون بكل زائر ويسعدنا تسجيلك معنا (إدارة المنتدى)


المنتدى الجامع لأبناء السقاى الكبرى
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 يلا رحبوووا زولكم جديد لنج

اذهب الى الأسفل 
كاتب الموضوعرسالة
البسام

avatar

عدد المساهمات : 33
تاريخ التسجيل : 11/09/2010
العمر : 38

مُساهمةموضوع: يلا رحبوووا زولكم جديد لنج   السبت 11 سبتمبر - 6:32

اهلي في السقاي سروراب وبتلاب وآخرين كل عام وانتم طيبين وتامين
هاأنذا ادق بابكم ياأهلي الأحباب بلطف فأسمحوا لي بالدخول زائرا وإن شئتم ضيفا وإن شئتم فسيد بيت وليس ذلك بغريب عنكم فأنتم أهل الكرم وأصحاب الجود
وأتمنى أن أكون عضوا فاعلا
بقي شئ بسيط وهو إني ليس سرورابيا ولا بتلابيا ولكن محب لهؤلاء واؤلئك وتربطني بالعديد من شباب المنطقتين علاقات قوية ويابشرى ود المبارك ماتسأل كتير بتوه
رد الله غربتك تاني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: يلا رحبوووا زولكم جديد لنج   السبت 11 سبتمبر - 18:56

مرحب كتيير ترحييب أخونا يا البسام
ونحنا والبسام فى وجودو ما بننضام
كل يوم علينا يطل كل يوم يردو سلام
وما (ببحت ) وقف !يكفينى رفعو تمام
لى زول ظريف رايع ورامى رامى لى قدام

الاخ البسام كل الذى أريده أن لا أقع فى الحرج الذى وقعت فيه عندما رحبت بالاخت تيسير عثمان الطيب وكنت أعتقد أنها (ولد ) رغم أننى ربطها بوالدها المساعد الطبى المرحوم عثمان الطيب ذلك الرجل الطيب والمريخابى الرايع له الرحمة وقدكان ذلك فى منتدى العيلفون وبهذه المناسبة أحى الاخت تيسير عثمان الطيب وأقول ليها العيد مبارك عليك ولكل الاسرة الكريمة وأرجو أن تظهرى .
أما الاخ البسام فأرحب به ترحيباً يفوق المسادير والمشاوير وسوف لن (ندس المحافيير ) طالما حضرت لمساعدتنا فى الدخول وقطع المشاوير للمغاوير وغيرها من مدن السودان فطالما أنك تعرف البتلاب والسروراب فهذا شرف لنا ولكل بتلابى وسرورابى فأنت (سيد بيت عدييييل ) أدخل وشليل وما ترضى بالقليل ويا حليل ويا حليل الايام الرايعة التى لمتك بكل أخوانك من القريتين ليتهم شاركوك هذا الحضور الرايع وأنت تدخل بشهية وتجعلنى أكتب بشهية حتى ورغم أننى قمت من الفطور الان ولكن شاعر بى جوع (يا وليه زيدى الغداء شوية ) وعليك الله أتفضّل معانا .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
البسام

avatar

عدد المساهمات : 33
تاريخ التسجيل : 11/09/2010
العمر : 38

مُساهمةموضوع: رد: يلا رحبوووا زولكم جديد لنج   السبت 11 سبتمبر - 19:53

بارك الله فيك بشرى أخوي استقبالك رائع جدا كروعتك وياريت لو كنت معاك عشان نضوق الأكل في بلد العجم
بعدين بخش عليك في الخاص لضمان الاستمرارية وحتى ترى في هذا المنتدى عجبا
ولك ودي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: يلا رحبوووا زولكم جديد لنج   السبت 11 سبتمبر - 22:27

الرايع الاستاذ أبومفاز بعد أن نحت مخى شوية كده عرفتك (رغم أن الكبر دخل والذاكرة أصبحت تمسح ) ولكن مثلك لايمكن أن تمسحهم الذاكرة فقد عطرت بوست زوول البقرة بمساديرك الرائعة &&&&بعدين أنا قلت بوست البقرة دى ما بعرقو إلا زوول بعرف (البقر ) ولم يتشابة عليه البقر وأرجو أن تقدم لنا أبداعاتك التى قدمتها فى منتدى سودانى للابد وأحتكرت جوائزة للابد (وخليتنا نضاير ما شاء الله عليك ) لكن فى منتدى السقاى مافى نظام جوائز إلا يتكرم علينا طارق حسن الشريف والذى ظهر وأختفى ونسأل الله أن يظهر مره أخرى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
البسام

avatar

عدد المساهمات : 33
تاريخ التسجيل : 11/09/2010
العمر : 38

مُساهمةموضوع: رد: يلا رحبوووا زولكم جديد لنج   السبت 11 سبتمبر - 23:54

اشتغلتها شغل مباحث عديل تاريك خطري
عيد سعيد اعاده الله عليك بالخيرات
ابومفاز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طارق حسن الشريف

avatar

عدد المساهمات : 223
تاريخ التسجيل : 25/01/2009
العمر : 54

مُساهمةموضوع: رد: يلا رحبوووا زولكم جديد لنج   السبت 18 سبتمبر - 5:54

نرحب ترحيبا حارا بالاستاذ البسام بين اهله وصحبه وفي داره بلا شك وفي انتظار يراعه ومسألة الجوائز يا جنابو بشرى واردة بس لما نلتزم ومنتدانا يقيف علي حيلو واخوك صبور وبحب أي حاجه تستوي على نار هادية ما زي اخوانا القاطعو المنتدى بسبب العجله ولا عنباً قطفوا ولا بلحاً اكلوا انتظر يا جنابو انّا منتظرين ولكم الود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saggai.yoo7.com
بشرى مبارك



عدد المساهمات : 7552
تاريخ التسجيل : 19/02/2009
العمر : 58
الموقع : أقيم فى بيريطانيا مدينة بيرمنجهام

مُساهمةموضوع: رد: يلا رحبوووا زولكم جديد لنج   السبت 18 سبتمبر - 6:03

يعجبنى فيك يا طارق حبل المهله البربط ويفضّل
وبدور تجيب ناس السهله وقت الليل الليل يفلّل
ودايرنا منتدانا واحة لى الغشانا وفيهو كتير نقيّل
وفى حضرة حضورك وصبرك وقولك ما فينا البميّل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mubark59@hotmail.com
طارق حسن الشريف

avatar

عدد المساهمات : 223
تاريخ التسجيل : 25/01/2009
العمر : 54

مُساهمةموضوع: رد: يلا رحبوووا زولكم جديد لنج   الثلاثاء 21 سبتمبر - 18:33

بشرى مبارك كتب:
يعجبنى فيك يا طارق حبل المهله البربط ويفضّل
وبدور تجيب ناس السهله وقت الليل الليل يفلّل
ودايرنا منتدانا واحة لى الغشانا وفيهو كتير نقيّل
وفى حضرة حضورك وصبرك وقولك ما فينا البميّل

مشكور جنابو بشرى على المسدار وانشاء الله مافي ميل وزي ما ذكرت حبل الصبر يربط ويفضل كمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://saggai.yoo7.com
 
يلا رحبوووا زولكم جديد لنج
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء السقاى :: منتدى اجتماعيات السقاى-
انتقل الى: