أول مشاركاتي

الاخ محمد محى الدين تحية طيبة وأنت تشاركنا من مدنى الجزيرة مدنى السنى مدنى الاهلى مدنى الكاشف مدنى مشروع الجزيرة أكبر مشروع مروى بالعالم مدنى ودالميين مدنى الاهلى مدنى حمد والديبة حاجة عجيبة نرحب بك ولا عجب فأنت فى ديارك تجدنى أتأسف لتأخير الترحيب بك لوجودى فى إجازة فى السودان الاولويات فيها لمواضيع أخرى (غير المنتديات ) والزمن مشحتف لايكفى وقد أنتهت أطول إجازة مثل لمح البصر والحمد لله أنجزت وأستمتعت وأتسنفكت وأتسديت واحدة والباقى على أتنين دين (ما يسمعنى الحوار الدكتور عبدالجليل فاكر الاسنافييك واحده وبس الحكاية وصلت الرقم القياسى وقد قلت ممازحاً زميلى التاج محجوب أرباب الشايقى والله الاسنات الاختها معاك لو لقيته أسمنت 2 طن كان بيتى مرق على السقف !!وقال لى براك تتحمّل المسئولية ) والحمد لله تحمل معى أخوانى كل مسؤليات الونسه والذهاب معى الى حلقات ختم القرآن والتى بلغت 6 ختمات نسأل الله أن تكون فى ميزان الحسنات وأن يكون الاخ محمد محى الدين بيننا وأسمح لى أن أطلق عليك إسم الديبه حتى لو كنت مريخابى فما رأيك ؟؟؟.
وأختم بمسدار الترحيب :

مرحب حباب ناس مدنى ناس السنى
ديل خلو السودان بالفرحة يطرب يرقص يغنى
بكرو بالحصاد وكم زرعوا البلاد ومافى زول مستنى
أدخل منتداك وإنت والمعاك والباقى منو منو أسالنى