نكات نقلاً من موقع النيمة

--------------------------------------------------------------------------------

رباطابي مشى لصاحب دكان سمعو تقيل خالص ، فقال ليهو : أديني معجون حلاقة وأمواس ، فظل صاحب الدكان يستفهم والرباطابي يصرخ إلى أن ظن صاحب الدكان انه سمع فأعطاه قلم رصاص وكراس ، أخذهم صاحبنا مضطراً حتى لا يدخل في دوامة أخرى معه وأعطاه ثمنها ... فسأله صاحب الدكان : أديك بالباقي شنو ؟ فقال له الرباطابي بدون تردد : أديني بيهو إملاء

رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها هنادي؟؟؟
الزوج: يا بنت الحلال، ده الحصان اللي رشحته الاسبوع اللي فات في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده وتيجي مرته وتديهو بالطوه ‏التيفال على راسه
الزوج: يا ولية مالك جنيتى في شنو؟؟
الزوجه: حصانك على التليفون

فلاتي مسطول بيضرب في تركين كارب .. كل ما ياكل ليهو لقمة يلحس صوابعه ويقول : "هلو لكن أفن"

واحد مسطول سال ناس بيتهم: جيرانا ديل ضابحين ولا شنو قالوا ليهو ليه قال ليهم: ريحة الابرى ده شنو؟

واحد شايقى ادوهو بيتين فى الجنة .. اجر واحد وباع
التانى ومشى سكن مع عزابة فى النار

واحد الدنيا ضارباهو ومعصلجة معاهو
جاتو ليلة القدر كان فى نفسو يقول عايز ابقى زي
صلاح ادريس من اللخمة قال عايز اكون زى ادريس صلاح
اصبح من الصباح لقى عربة كارو بى حمار واقفة جنب الباب

قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كده جات غنماية قاطعة الشارع البنت قالت ليهو : موش الغنماية دي اصدمها بس عليك الله بوريك العفن دا تانى ماتضربو )

شيخ جامع قطع إشارة المرور الحمرا ركن علي اليمين وسجد سجود سهو

مسطول سألوه عن الفرق بين الشهد والشهيد؟
قال: الإتنين بيتلحسو !

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

,

رباطابي مشى للجزار قال ليه اديني كيلو لحمة
الجزار كل مرة يقطع حتة لحمة ويرميها في الميزان
الجزار قال الميزان ده ما داير ينزل مالو؟؟
الرباطابي قال ليه ينزل كيف عاد وانت بترمي ليه في الدوهات من قبيل

ادروب مشي يخطب قالوا ليهو البنت بتقرا قال ليهم خلاص وقت الفسحه نجي

مرة كبيرة من اهل العوض بتاخد فى حصة محو اميه وكان الدرس عن دخل حامدوخرج حامد
كل ما الاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا

واحد مسطول كان بيهش في ذباب وبعد شوية قام زهه
ويدأ يقتل في الباقي وقال لزوجنه : كتلت أربعة ، إتنين
أناتي وإتنين ضكور !!! فزوجتو قالت ليهو وهي تضحك
كيف عرفت الإنتاية من الضكر ؟؟ فقال ليها : الأناتي كانوا
على المرايا والضكور كانوا على علبة السكر !!!

صرصار راقد في المستشفى بأزمة.. زميله المجبص سأله: بف باف برضو؟ قال ليهو لا شبشب

واحد طلب عروس بمواصفات، بيضاء وطويلة وشغالة، اهلو قاموا جابو ليهو تلاجة 12 قدم

مسطول قامت ليهو حبة في عينه .. وقف قدام المرايا قال: هسي دي عين ولا غين؟

مسطول عمل عملية تجميل .. جاء داخل لناس بيتهم قال ليهم: تصدقوا ما عرفتكم

شايقي جبار جداً إشترى ساعة سألوه الساعة كم؟ قال:أها خلاص دايرين تكملوا الحجر

سألوا الجعلى ليه إتزوجت القبيحة دى فوق مرتك السمحة ديك ؟؟
الجعلى : الشينة دى لى حليفة الطلاق !!

مسطول عندو حجاب بيلبسو بالنهار وبالليل يختو في المصحف ... سألوه ليه ؟ قال عشان يشحن

رباطابي مسطول بيبيع في حنه جاهو مسطول تاني قال
ليهو دي حنه؟ رد عليهو الرباطابي لا ده سد مال

مسطول عاملين معاهو لقاء تلفزيوني سألوهو : اسباب السخانة الفي
البلد دي شنو قال ليهم دا كلو من مشجعين الكورة شابكننا فوق ، فوق
لمن تكلونا مع الشمس

مسطول طالع من الدكتور بيتكلم مع روحه
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنت يا دكتور قلت عندي شنو؟؟
قاليهو : عندك سرطان فى الحوض

مشكوره قطر الندي
الله يسعدك زي ما خليت عمك
يموت من الضحك واسعدتينا
ده انته عشره على عشره
وبالمحبه نتواصل

--------------------------------------------------------------------------------

خضر سعيد كتب:
مشكوره قطر الندي
الله يسعدك زي ما خليت عمك
يموت من الضحك واسعدتينا
ده انته عشره على عشره
وبالمحبه نتواصل

الله يعافيك ويهنيك وتملى حياتك كلها سعاده
اخجلتنا كثيرا بهذه الاطراء المبالغ فيهو مع اني مقصره معاك في الردود والمشاركه ولكن لكل شئ سببا عشان كده اخترت ليكم البوست ده
عشان نفك شويه عن همومنا وربنا المستعين
وعذرا لباقي الاعضاء ان قصرت انا زاتي معاكم في الردود او التاخير الناجم
والله لا جاب مكروه ويخلي موقع شمبات عامر بصحابه دائما

لك تقديري واحترامي الاستاذ: خضر سعيد

ا

الاخت/ قطر الندي

انشاءالله ربنا يديك العافية علي البوست بتاعك الظريف ده
والله ما تعرفي اني ضحكت كيف من جوه قلبي

والله في اللحظة القريته ما تعرفي كنت محتاجة اني اضحك كيف

ربنا يديك العافية وتسلمي

--------------------------------------------------------------------------------

تحياتى اخت قطر الندى

والله فرجت الهموم بهذه النكات اللذيزة الظريفة وخليتى زوجتى تضحك للصباح

الرجوع الى المقدمة

واحد الدنيا ضارباهو ومعصلجة معاهو
جاتو ليلة القدر كان فى نفسو يقول عايز ابقى زي
صلاح ادريس من اللخمة قال عايز اكون زى ادريس صلاح
اصبح من الصباح لقى عربة كارو بى حمار واقفة جنب الباب

نكته مشابه لدي
عمر البنا (البنا الكبير مش عمر البنا شاعر الحقيبه) وهو معروف انه كان
شاعر المهدي ..... جاته ليلة القدر وقالوا داير يقول لها ....اديني الغنى لي
جني جناي قامت تلبت من لسانه ...اديني الغناء لي جنا جناي ...وقد تحققت
سلاسلهم ده هسع كله بتاع غناء .

تسلمي كتير ياقطر الندي علي النكات الحلوه دي

الرجوع الى المقدمة

قطرالندى

هناء كتب:
الاخت/ قطر الندي

انشاءالله ربنا يديك العافية علي البوست بتاعك الظريف ده
والله ما تعرفي اني ضحكت كيف من جوه قلبي

والله في اللحظة القريته ما تعرفي كنت محتاجة اني اضحك كيف

ربنا يديك العافية وتسلمي

تحايا عطره يا هنويه
ربنا يعافيك ويسعدك يارب ودي حاجه بسيطه
ربنا يحلي ايامك كلها بالهناء زي اسمك

احترامي وتقديري

الرجوع الى المقدمة

قطرالندى

عبدالعال جبريل الخضر كتب:
تحياتى اخت قطر الندى

والله فرجت الهموم بهذه النكات اللذيزة الظريفة وخليتى زوجتى تضحك للصباح

تحياتي لك يا عبد العال وزوجتك الرائعه دوما
الله يوايكم بالعافيه يا رب
ودي نكهه خفيفه من بيتنا السوداني الكل بقبائلهم وطباعهم واجناسهم ونحلهم
وكونوا معاي على طول لاني حاضحكم لغايت ما تنسوا اسمايكم عشان تقولوا قطر الندى قالت لينا كده
المهم هموم الدنيا كتيره عشان كده اختروعوا التفريج عن الناس بالنكته ودي من كترت هموم الناس البقت تنكت حتى على نفسها لكي تفرج عن هممها وربك المعين
ما دام زوجتك ضحكت للصباح معناها دواء الغربه النكتيه نفع ودا كله بفضل الله ثم بفضلكم انتم طبعا
احترامي وتقديري

الرجوع الى المقدمة

قطرالندى

حمزه العسيلاتي كتب:
قطرالندى كتب:

واحد الدنيا ضارباهو ومعصلجة معاهو
جاتو ليلة القدر كان فى نفسو يقول عايز ابقى زي
صلاح ادريس من اللخمة قال عايز اكون زى ادريس صلاح
اصبح من الصباح لقى عربة كارو بى حمار واقفة جنب الباب

نكته مشابه لدي
عمر البنا (البنا الكبير مش عمر البنا شاعر الحقيبه) وهو معروف انه كان
شاعر المهدي ..... جاته ليلة القدر وقالوا داير يقول لها ....اديني الغنى لي
جني جناي قامت تلبت من لسانه ...اديني الغناء لي جنا جناي ...وقد تحققت
سلاسلهم ده هسع كله بتاع غناء .

تسلمي كتير ياقطر الندي علي النكات الحلوه دي

ههههههههههههههههههههههههههه

تحيات ع يا الاخ حمزه
تسلم من كل شر ويسعد ايامك كلها
الحلو لسه راجين كتير ودي خفيفه لسه التقيل جايكم من النكات اصبروا لي ثمح
احترامي وتقديري

الرجوع الى المقدمة

مسطول قاعد في الحافلة جنب الشباك
جات بت سالتو وين
قال ليها قاعدين انتو الما ظاهرين

سألوا مسطول عن اكثر زول صبور قال واحد
منتظر نانسي عجرم في قناة اقرأ

واحد مسطول بيسمع فى اربعة بتغالطوا. اتنين بتغالطوا فى انو الهلال
هزم المريخ .. والاتنين التانين بتغالطوا فى المسلمين هزموا المشركين فى بدر
المسطول عاين ليهم كـــــــده قاليهم معناتا الهـلال حيلاقى المسلمين
فى المباراة النهائية

الرجوع الى المقدمة

قطرالندى

واحد مسطول عضاهو ثعبان قاعد يضحك وميت من الضحك. الثعبان قاله
مالك بتضحك كدا وانا عاضيك
قاله اصلي أنا عندي الايدز

الرجوع الى المقدمة

قطرالندى

ادروب في عهد نميري قبضوه قايد المظاهره ويكورك سكر مافي دقيق مافي ايدناك يا القذافي مسكوه ناس الامن دخلوا راسو في شوال سكر وشوال دقيق
لمان طلع اهلو سالوه ناس الامن عملوا معاك شنو
قالهم بس قولوا الحمدلله الما قلنا شته (شطه) مافي

الرجوع الى المقدمة

مشكورة قطر الندى والله قربت أقول دى قطر المرح والضحك وحكيت لى زوجتى كتيراً من النكات (ولانها رباطابية ) لم أحكى لها نكات الرباطاب وحكيت نكات (ناس أدروب ) وقالت لى أوعه تحكى النكات قدام صاحبك عبد العزيز الانصارى (أدروب ) يقوم يتعقّد خاصه أن زوجتو شايقية لاتقبل فى زوجها اى تريقه وعلى العموم سوف أعمل حسابى أن لاأحكيها قدام عبدالعزيز ولكن بى وراهو حاكيها حاكيها وسجن سجن غرامه غرامه .

عدد المساهمات : 123 تاريخ التسجيل : 30/01/2009

واحد مسطول سال ناس بيتهم: جيرانا ديل ضابحين ولا شنو قالوا ليهو ليه قال ليهم: ريحة الابرى ده شنو؟

ده فاقد اي حاجة يا جنابو

» رحبوا معى بالاستاذ بهاء الدين مضوى المحامى (نقلاً من موقع النيمة )
» نكات شامية من خضر سعيد منتدى النيمة
» كمونية حاجة سعدية (موقع النيمة )
» محن عاصم إبن الدكتور شرف الدين الطيب طبيب المريخ عليه الرحمة
» هذا التصرف لايشبة الكابتن هيثم مصطفى (موضوع قديم !!!!!)