عنوان البوست ليس له علاق بالسياسة ولا بموقف الدول من مزكرة اوكامبو(اااااااى خايف من الهوى )
العنوان مقتبس من مقولة شهيرة للمرحوم حسن عبد الله الشريف عليه رحمة الله كان يسمع مقولة مقلب دولى وعلى ما اعتقد انه تعرض لاحد جاااامد فقال (شوف مقالب الدول ) هذا ما حدث لى وبعض زملاء الدراسة مؤتمن مالك وعماد الباقر والاخ حسان كنا ندرس فى مدرسة شمبات الثانوية وفى طريق العودة للسقاى لابد لنا من الذهاب للسوق المركزى شمبات المحطة الرئيسية الاقرب للمدرسة وفى نهاية يوم كنا نحسبه عادى ذهبنا كالعادة ننتظر الدفار فى وقتها نشمع حتى نصل السقاى وكانت الصدفة ان نجد عبد الرؤف حمد خارج من السوق المركزى بعربة بوكس متوجه نحو البلد ملح فى مكانو .......ركبنا وكل الزملاء من الحلفاية والدرشاب ونحن نعزم فيهم بكرم حاتمى ......كيف والعربية حقتنا نحن عرب السقاى هذا هو الاسم الشائع لكل اولاد السقاى وهذا من جانب الطرفة لا السخرية عند وصولنا الكدرو وبعد ان نزل كل من كان معنا فى محطتو وهو اخر انبساطة توقف البوكس وخرج عبد الرؤف واخذ الاذن بخمسة دقائق يشترى بعض الغراض ونواصل المشوار ......كانت الاجابه من الجميع فى وقت واحد (اخد راحتك مافى مشكلة) وواصل طريقة لدكان غرب الظلت
بدون مقدمات شعر الجميع بالجوع هذا مافعله بنا رائحة العيش الالى وهو ساخن وما ادراك ما عيش الكدرو وخاصة والفرن كان على بعد امتار من حيث نقف كانت الفكرة ان نجمع كل كل ما نملك ونشترى عيش وطعمية حااااااارة حتى نذهب عنا الجوع الذى الهبته فينا رائحة العيش وقد كان عيش وطعمية اااااخر مزاااااااج وموية من اقرب سبيل والحمد لله سندة نص النهار وعربيه لحدى البيت مافى كلام نحن احسن زول الليلة............الكلام ده كلو خمس دقائق مافى وظهر البوكس جاك زول وكمان عبد الرؤف ما اتاخر نحن بنتابع وهو خارج من الدكان متوجه نحو العربية وهو يحاول ان يجد مفتاح العربية.......فى جيب القميص........لا.....لا.........فى جيب البنطلون .....اليمين.....لا..الشمال .........
شيلو الصبر المقلب لسة ....شويه ....قدام.......