بشرى مبارك
عدد المساهمات : 7557
تاريخ التسجيل : 19/02/2009
العمر : 64
الموقع : أقيم فى بيريطانيا مدينة بيرمنجهام
 |  موضوع: منتدى البركل الذى يسأل عن أمكانية إنضام صالح والتازى وعبدالملك للمنتدى ؟!!  الأحد 25 أبريل - 16:41 | |
| -----------------------------------------------كنت قد كتبت موضوعاً عن إتصالى الهاتفى على الاستاذ عماد ووجدت معه مجدى والشله---------------------------------
الشخصيات المذكورة مجدى ولدكم أمو بت الدهباية وهو الذى قدمنى للمنتدى باللسان وهو عضو خامل!!!وعد بالمشاركة ومن البركل التى سوف يكون فيها قريباً
*الدكتور عبدالجليل من المتاوقين فى منتدى البركل بحثاً عن بشرى لما يغيب (يفتش ليهو فى التأريخ مش البركل من التأريخ ) لكن أشتراكة وارد جداً وهو نشط ومشارك فى منتدى أهله بالسروراب وكذلك منتدى السقاى ومنتدى دار جعل وعزموهو ناس دار جعل رحله للسبلوقة (باقى هو دكتور صيدلى وعندو صيدلية ووكيل لى كم شركة أدوية عالمية فى السودان ) أكان عندكم رحلات بسجل معاكم يا عوض جلاس لكن أكان مسويها لينا طنبور وض..... ياهو الطافش من المنتدى .!!!!
*ودقدور أنا سألت فقط الاستاذ عماد محمد إدريس وهو أستاذ اللغة الانجليزية 30 وأكان الاستاذ عماد مابفهم فى السياسة ما أظن بشرى بفهم فيها (وبصراحة كلامك زعلنى جد جد !!!وأرجو الاعتذار أولاً لعماد قبال ما أكلموا أما أنا فلا أحتاج للاعتذار لاننى لم أصوت للدكتور عوض الجاز فى المنطقة وهناك قرابة نصف مليون صوتو له يمكنك الحديث معهم وأولهم محجوب أرباب!!!!
*الاستاذ عماد أحنس فيهو لى سنتين للاشتراك فى المنتديات وتحديداً منتدى السقاى ولكن ما فاضى من الدروس الخصوصية والعمل فى مدرسة الكواكب فى السقاى والتقوى ببحرى !!
* عبدالملك عبدالله إدريس (وليس صبر ) مساعد طبى معامل قديم وقته بين العام فى النهارفى وحده الجيش بالجيلى والخاص فى معمل الفحص الخاص به بعيداً جداً من أجواء المنتديات
* صالح مبارك إدريس شيقيقى الاصغر أرهقنى كثيراُ فى القراية وسك الكورة وأصيب فى ركبته طارت عليهو الكورة والقرايه لكنه إجتماعى من طراز فريد يقود حافله الاسرة فى خط الجيلى منذ1999م ولا علاقة له بالمنتديات ومريخابى
*التازى حاله حال صالح وصديق مقرب ومحبب لى جداً وخصمى اللدود فى التقسيمة فى الحله أيام كانت التمارين زى تمارين الهلال اليوم !!! هلالابى إجتماعى بدرجة قف تأمل!!! كريم سكينو حمرة والده المرحوم الحاج زين العابدين عبدالله حاج البدرى المادح المعروف عليه رحمه الله مؤسس مسجد البادراب بالتمانيات معقل جدهم حاج البدرى راوى المديح المعروف من زملاء المرحوم حاج زين العابدين على الشاعر وعبدالله محمد عثمان ونعرفهم منذ أكثر من 30 سنه يحضروا للسقاى فى معظم مناسباتنا التى يشارك فيها حاج زين العابدين بالمديح وكان يتميز أى حاج زين العابدين بخفة الروح والنكته وكثيراً ما تجدنا نتحلق حوله خاصه عندما يكون الاخ كمال الشيخ الطيب موجود تحياتى لهم جميعاً
ختاماً أتمنى أن أكون أمطت اللثام عن هذه الاسماء
تخريمة : شنو إنتو الحكاية بقويتو زى البت البايركس كل ماتشوف واحد مع أخوها داخل البيت تقول ممكن يخطبنى !! يعنى تانى ما أجيب سيرة زوول ؟؟ بالله التقول منتدى البركل باير !!بالله لو شوفتو منتدى السقاى البقعد تلاته شهور غيرى أنا وود أختى مصعب ما فيهو زول مشترك والمصيبة ناس السقاى السروراب الشق الشمالى محل مايسكن مجدى قرروا إنشاء منتدى لوحدهم وقدر ما طلبت منهم تأجيل الفكرة الى حين إكتمال وزياده الاعداد فى منتدى السقاى العام فرفضوا فقام المنتدى على الحلف ليهو 10 أيام ما دخلو زول ولا كتب فيو موضوع توفيت حبوبتنا ونزلت العزاء عندهم على النعمة زول قال لى الله يرحمه مافى !!وتقول لى عبدالملك عايز ينضّم عبدالملك ده أسألوا من المرارة والشية والرحلات ويفحص ليك الملاريا !! غايتو زمان فى المتوسط كان ممثل بارع والله فى الكباشى مثّل دور (أبوجهل ) على اليمين فى ناس قالوا والله أظن ياهو ذاتو حتى أن ناس الكباشى وشيوخها حتى الان ينادونه (أبوجهل ) على الرغم من مرور 40 سنه على الحدث | |
|
