رباطابى قاعد فى مطعم وجنبو واحد نظرو ضعيف جدا ( نظارة قعر كباية وكده ) الرباطابى طالب كباب والجنبو طالب فول - الجنبو كل شوية ياكل من كباب الرباطابى _ الرباطابى اتقاظ منو وقال ليهو : انت لو ما بتشوف ما بتضوق ؟؟؟؟؟؟:
شايقي ورباطابي مسافرين الشايقي شايل اكل كتير بالليل الرباطابي شايل معاهو بطانيه اتغطي وخلي الشايقي في البرد الشايقي اتغاظ وقعد يقول: والله انا عندي قراصه سمحه وفطير مافي زيو وبلح كتير لكن ما جعان هسي اعمل بيهم شنو الرباطابي قال ليه: اعمل بيهم سويتر
الشايقي عندو لوري شاحنو نبق وهو في الطريق قابلوهو رباطة فتشوهو ما لقو معاهو ولا قرش الرئيس قال ليهم فلقوهو بي نبقو ده نبقة نبقة مع كل نبقة الشايقي يموت من الضحك قالو ليه ليه بتضحك ونحن بنفلق فيك قال ليهم اتذكرت الجعلي الجايي وراي شاحن دوم
جعلي مات ولدو قاعد جنبو قام فرفر الولد جرا لي عمو قال ليهو ابوي بفرفر عمو قال ليهو اسكت كمان يقولو الجعليه مابعرفو المووت الليله كان قام رقص دافنينو
مسطول بحب الكتشينة جاء ساطل سطلة ليها ضل دخل البيت امو قالت ليهو يا عثمان غطي البت دي قال ليها بعرج يا حاجة
مسطول شناته مرة .. عايز يعرس مشى لابو البت قال ليهو : انا يا عمي بلا فخر عملت نفسي بنفسي عمك قال ليهو : انا برضو قلت استحالة تكون دي خلقة ربنا
مسطول قاعد مع صاحبو بحضروا فى التلفزيون قال ليهو: الليلة نشرة الاخبار دى مالا طويلة كدا؟ قال ليهو: يمكن تكون اخر حلقة
في طالب بليد دخل الامتحان وهو ما قاري ولا ناقش أي حاجة ولحسن حظه الاسئلة كلها أجب بلا أو نعم. قام طلع شلن من جيبه وبقى يرمي طرة صاح كتابة غلط، انتهى في زمن وجيز وقياسي عاوز يخرج لقى لسه زمايله ما خلصوا رجع تاني وطلع الشلن قال عايز يراجع الاجوبة
سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو
جعلي سألُوهو عن الغُربه كيف قال والله الغربه شِدة ما حاره تلاقي الشايقي في الشارِع تسلِم عليهو
ى واحد قابل واحد زميله بيجرى سألو مالك قال ليهو مرتى أكلت 5 كيلو سمك جاها تسمم.. قال لاحول الله وانت ماشى تجيب ليها الدكتور؟ قال ليهو: لا ماشى أجيب ليها 5 كيلو تانى
واحد قام من نومه نص الليل على صوت الجيران بيصرخوا قالوا في تسمم في خزانات الموية رجع البيت سألته زوجته: الحاصل شنو !! قال ليها مافي حاجة .. أشربي ليك مويـــة ونومي
موضوع: أوعــــه تفـوتك 
الأحد 24 يناير - 7:28
