مبروك لكم جميعا

الاعزاء طارق نزار مع تقديرى لحديثكم ولكننى لااعتبر هذا تشتيت للجهود عندما نحدد موضوع بعينه ونبدا به بداية جدية نحن احسب نكون فى لب الموضوع وموضوع غرفة الوضوع كما اسلفت يمكن ان يعوض الصرف عليه وممكن يكون دعم للجنة ايضا تقديرنا الكثير لك اخى طارق وقطعك ناشف واحسن نكمل المبلغ ويحول للمهندس ابراهيم عبدالمحمود لانه اكثر متابعة وهو من الناس الذين ادخلوا المركز تحت مظلة التامين الصحى ويلا ياشباب فتح باب التبرع وسوف نعلن عن تبرعنا قريبا وهذا التبرع لايعفى من الاشتراك ومرة ثانية ياود الشرق قطعك ناشف

يا شباب كثيرون منكم طبعا لايعرفوني وجايز بعضكم سمع بي ساكت المهم انشاء الله لجنة خير ويا ناس اللجنة عنواني :دبي / ص.ب 96162 إذا في اشتراكات محددة أو ما محددة أكتبوا لي عشان نساهم معاكم فأنتم المستقبل ونحن لادايرين نعرس لا نحج البركة فيكم إنتو و خلوا لجنتكم دي تكون نواة لشركة مساهمة بجزء يسير من مدخرات كل منكم ده بكون مشروع عظيم أما ماهية المشروع وجدواه الإقتصادية وإدارته فتلك تفاصيل لاحقة المهم أن تؤمنوا بالفكرة وطريق الألف ميل يبدأ بخطوة والفكرة موصولة لبشري مبارك وكل اخواننا بسقاي البتلاب. سلمتم.

بخصوص غرفة الولادة أو الخصوص العاوزنو ايا كان اساهم معكم بألف درهم فوروني أرسلها علي أي عنوان.

سلام عمنا محمود نورالدائم جزاك الله خيرا كثيرا وحقيقة كما ذكرت كثيرون لايعرفونك ولكن اشعارك واعمالك سابقاك قد نتزكرك ونحن اطفال ولكن حقيقة الفترة طالت والحمد لله كثيرا ان جمعنا هذا المنتدى الذى نتمنى ان نتعلاف اكثر من خلاله وان نفيد عبره اهلنا وسقاينا الحبيب ونشكرك كثيرا على هذه المساهمة وجعلها الله فى ميزان حسناتك سوف تتجمع كل المساهمات عند الامين المالى للجنة ولكن فى الامارات موجود عضو اللجنة العامة طرفك وهو الاخ الكريم محجوب حسن سانكية طبعا عمنا محمود فى كل منطقة موجود شخص يمثلها فى اللجنة العامة ولكل قطاع لجنته المستقلة اما فكرة شركة المساهمة العامة والله فكرة ممتازة ونؤيدها ونتمنى ان تتضافر الجهود لقيامها ولك كل الشكر والتقدير

لكم التحية علي قوة موقفكم ياشباب وفعلا كدى شباب السقاي_! العمل الفوري يدل على قوة العزيمه وكل ماقللنا من الحكي وكثرنا من العمل اكون الانجاز الاكبرانشاءالله بحاول في الحريم حتى يتقفن ادعولي الله اقدرني على السرورابيات [left]

الله يخليك وكتر خيركم علي صلة الرحم بهذا المنتدي وسلامي عبرك للسقاي وأهله جميعا.

بلدي بلد ناسا مواريثم
في أول شي ..كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بلدي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلدي سهول ، بلدي حقول بلدي الجنة للعاشوها
ولي البرّة بيها سمع
بلدي بلد ناساً تكرم الضيف
وحتى الطير يجيها جعان ومن أطراف تكيها شبع
بلدي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
تصوّر كيف يكون الحال لو ما كنت سودان... وأهل الحارة ديل اهلي



وبعدين ننزل فيديو انتظرونا

[color:d0bf=green]السلام عليكم الاخوان الاعزاء اشيد بغيرتكم علي السقاي لكن لابد ان تكون غيره بدون تهور او استعجال وعلي مااعتقد تحدثت مع الاخوان احمد ومزمل لا اريد ان ادخل الاحباط في النفوس لكن لازم نحسب كل خطوه نريد ان نخطوها لانها سوف تحسب علينا علي مااعتقد انكم بعيدين كل البعد عن مايحدث اخي احمد اقتراحك للغرفه جميل جدا لكن لاتوجد لجنه حاليا للمركز ولا توجداي مقترحات للاصلاح اخواني واهلي اتمني ان ننجز الاعمال واحده ثم واحده اتصلت اليوم ببعض الاخوان والحمد لله وجدت نهضه للتغير والتعمير سوف يتم تكوين مجلس امناء للسقاي وسوف يكون مشرف علي كل اللجان صحه رياضه تعليم و و و وان شاء الله بعد شهر تتضح الامور وتتحدد الاهداف والمشاريع وفي هذا الشهر لابد ان نرتب بيتنا هنا في المنتدي تشكيل امناء المال لكل منطقه وجمع الاشتراكات الان من اهم المشاريع مركز الحاسوب المقترح منذ زمن هل تعلمون ان مكان المركز كاد ان يوجر لغرض غير ذلك المكان جاهز لكن لاتجد اجهزه لقد تبرع بعض الاعضاء ولكن واه من لكن بدون اي احراج لم ترسل الاجهزه اتمني كل من تبرع بي جهاز ان بجهز حالو يوم الاحد باذن الله سوف يحدد الشخص المستلم في السودان الموضوع التاني الرابطه الرياضيه من اكثر اللجان تفعيلا من اهدافها تشيد مركزالشباب الجديد وفي الايام القادمه ستقام دورة المرحوم عصمت حمد احمد اخواني امامنا مشروعين مركز الحاسوب والرابطه الرياضيه[/color]

مع تقديرنا لوجهة نظرك اخونا محمد ولكننا لم ناخذ الموضوع بتهور ولا استعجال وتحدثنا عن كل ما زكرت ولكن الاولوية الان بالنسبة لعمل اللجنة الرابطة الرياضية ومركز الحاسوب وبالنسبة لمركز الحاسوب انا كتبت عن الموضوع ولكن لم يفدنى احد بما طلبت حتى اقوم بمخاطبة لجنة المليون كتاب هنا بالدوحة وهم متبرعين بالكتب والحواسيب بس بشروط انا زكرتها سابقا اما موضوع غرفة الوضوع فهى عمل مامحتلج لمجلس امناء ولا للجان الدراسة موجودة اصلا والاحتياجات معروفة وحتى تقديراتها المادية معروفة يعدين هذا المشروع غير تخيف العبء على الاهل وسولة تقديم الخدمة وانها تكون موجودة فى القرية ده مشروع من خلاله يمكن ان نجنى فوائد مادية تعين اللجنة فى اداء مهامها الاخرى وده مشروع مفتوح فيه باب التبرع والان الحمد لله بدات بشائره وفى لجنة ومستمرة فى المتابعة بتفويض كامل تمل حتى مجازة من وزارة الصحة والعمل معروف ومحدد ترتيب عبر الولادة وتجهيز غرفة عمليات الولادة اننى ارى انجاز هذا المشروع عاجلا وتحويل كل المبالغ الى المهندس ابراهيم ورفاقه حتى ينجزوه فى اسرع وقت والخريف جايي والولادة فيه كثيرة

[size=24]
السلام عليكم ورحمة الله وبركاتة
الاخ محمد مشكور علي المرور وموضوع التهور قد يكون صحيح من وجهة نظر اي شخص لم
يعايش الوضع في السقاي . ومرحب بي اللجنة العليا الي حتتكون واللجنة مفيدة في عمل لم بداء بعد ولكن غرفة الولادة بداء العمل فيها وسبب التوقف المااااااااااال ’ وللمعلومية اللجنة التي تخص المركز الصحي مكونة منذ زمن التامين الصحي وكذلك مركز الحاسووووووب واللجنة الرياضية وكل الروابط وانا بقول ليكم ابشرو الثانويات في الطرق بس بعد الانتهاء من امتحانات الشهادة السودانية
وبعدين العمل الاجتماعي ما فيهو تهور اذا كان هذا التهور يفييييييييييد
وانا عن تجربة بعرف 5 أشخاص بيبنو سور مدرسة رغم الاعتراض واول كلمة سمعوها (اها هديتوهو اقدرو ابنوهوووووووو) ويا محمد السقاي فيها رجاااااااال لو لقو الماااااااااال يسقفوها من الشمس
وتحياتي للجميع [/size]

سلام ومرحب حباب ود بقدوش معروف زولا همام وقفاتك مشهودة واعمالك صابقاك وبتعرف عنك وماك مشحود واكيد الهمة مطلوبة من الناس كلها واكيد اللجنة سوف تنجز واكيد سوف يتجاوب الجميع معها ونحن لانشك ابدا فى محبة الجميع للسقاى لكن كمان مرات الظروف بتحول دون امكانية اللقاء فاننى ارجع لاقتراح قدمته الاخت نوال وهى ان يجتمع كل الاهل بارياض فى استراحة او اى مكان يسعهم وسموا اليوم يوم السقاى او اى اسم اخر وقدموا فيه المقترحات وشاركو بالراى واى زول عندو وجهة نظر يقدمها طبعا نحنا فى الدوحة بنتقبل شبه يوميا وارجو من الناس ان لاترجع للوراء وتتحدث عن اللجان وعن العمل سابقا ناخذ من السبقونا الدروس والعبر حتى تسير القافلة وننجز وجزاكم الله خيرا على وقفتكم

ياأحمد ود القاض أبن الخال أنت تدري حال اهلنا دائماً ياخزون الاشياء بجديه ثم بعد ذالك تجد القليلين منهم يواصلون الدرب لذا أنا أقترح ضرب الحديد وهو حامي كل من يتواصل علي المنتدي يرسل علي المنتدي تبرعة (قدر المستطاع ) ومن ثم سوف نقوم بأستعراضه علي الذين لم يتوصلوا بالمنتدي حتي يكون هنالك دافع لهم وجمع أكبر مبلغ ممكن ومن ثم تحديد اقيمه أشتراكات شهريه وطبعاً ذلك بعد جمعهم في مكان واحد وهذا سوف يكون عن قريب بأذن الله وبشر بالخير وأرفع راسك عالياً أنت سقاوي سرورابي

انا شايف انو الناس اصبحت تهتم بلاشياء الانصرافية اكثر تكونت اللجنة منذ اكثر من شهرين سكت كل الاعضاء عن الراء حولها وهذا بمثابة اجماع سكوتى عليها ومن له فيها راى وسكت هذا شان يخصه لان الشفافية والوضوح اساسيات العمل الاجتماعى العام تكونت لجنة الدوحة وهى براسة الاستاذ حمزة جعفر ويعاونه ياسر النورانى الشريف وجاهزين وكل سقاياب الدوحة منتظرين شارة الانطلاقة لقد تبرع نفر كريم من ابناء السقاى ووصل المبلغ لاكثر من الثلث وماباقى شى المهم نهيب بكم الاهتمام بالموضوع حتى ننجزه سريعا وننصرف الى غيره موضوع غرفة الوضوع بالمركز الصحى وبينا عديد الفوائد منها ويمكن ان تغنينا عن ارهاق الناس بالدف والمساهة غير الفائدة التى تجنيها نساء المنطقة بصورة عامة بالمناسبة هذا الامر ليس مقصور على السقاى وحدها حتى اهلنا فى البتلاب الامر يعنيهم لذا نريد المشاركة الفاعلة فى هذا الامر .اذا الاعضاء شايفين ان هذا الموضوع ليس له اهمية فنحن مع راى الاغلبية ولكن تاكدوا من ان الموضوع سوف يقوم وبدون طرحه فى المنتدى .نرجو من المهندس ابراهيم تزويدنا بلاحتياجات كاملة حتى ننهى هذا الامر لقد كان محمد الطيب محقا فى ما ذهب اليه فى ان الناس تتحمس للمواضيع فى اولها وتتنصل منها عند الشروع فى التنفيذ نريد ان نبدل هذا الانطباع ولكم الشكر

نحيي هذه الاستجابة السريعة وكل من يدرك اهمية الموضوع ويحسب فوائده اكيد سوف تكون له وقفات مشهودة وسوف تكون الاسهامات واضحة ومعروفين ناس السقاى بغيرتهم ومواقفهم حتى ان تراخو يهبون هبة رجل واحد وياها دى السقاى وياهم ديل ابناءها