دكتور عبدالجليل وخواطر من منتدى السروراب .

--------------------------------------------------------------------------------

الاخ بشرى ( اسد الانترنت النتر ) دا لقب جديد لنج والله ياجنابو ما فى زول بقدر يجاريك فى كل المنتديات لا قرمة ولا غيرو (تحياتنا للاخ الرائع جدا قرمة - اللاعب الفنان (سابقا ) ودينمو المنتدى حاليا وحبيب الجميع فى كل حين .
التهانى والتبريكات ل عبد المجيد أخوى (الذى لا أعرفه ) بمناسبة زواج كريمته (ان شاء الله يحضر جنى جناها ) وفى زواج حفيدتو يمسك المايك ويشنف الآذان برايعته ((عبد المجيد أخوى))؟؟؟!!!
ان شاء الله تكون بقيت طيب من نزلة البرد ( والحمد لله ما بقت خنازيرية ) ربنا يحمينا ويحميكم من شرها ويحمى جميع المسلمين وعلى رأسهم حجاج بيته الحرام وكذلك الكفار ( عشان ما يعادونا)
بمناسبة الكفار دى هاك النكة دى ( واحد زيكم عائش فى بلاد الفرنجة قام اتزوج ليهو (رباطابية ) هى .. اقصد خواجية (تحياتى للمدام) فى الاجازة جابا معاهو السودان (الكريمت ريفى المعيلق .. الاسم دا قطعتو من راسى ) الناس (اهل العوض) شبكوهم ليك الكافرة جات ..الكافرة مشت ..الكافرة ركبت الركشة(الركشة وسيلة مواصلات غير مرخصة يقودها الصبية -انتشرت فى العاصمة والدول المجاورة زى القراد فى اضان الكلب السعران ) نجى تانى للكافرة البقت لبانة فى خشم اهل العوض لحدى ما راجلها زهج عدييييييل وقال لابوه(يا ابوى انا ماشى بورتسودان (انضف مدن السودان -سابقا هسع بقت وسخانة لكن الشوارع كلها مسفلتا- عندى بضاعة أخلصها واجى أخلصكم من الكافرة دى وارجعها اهلها ؟؟؟!
الساعة 6 صباحا الكافرة صحت من النوم جهزت لابو زوجها الفرشة والمعجون وسخنت ليهو الموية بتاعت الحمام (الدنيا برد شديد) بعد الحمام لقى عصير الليمون المركز ومعاهو الشاى المقنن مع البسكويت (دحين يابشرى بتعرف القننانة) الساعة 9 عملت ليهو الفطور المدنكل مع الشاى المنعنع الساموطى ,الساعة 1 ظ جابت ليهو القهوة (بن برازيلى محوج) الغداء شكل والعشا شكل وكمان جكة خفيفة قبل المغرب المهم عمك 3 يوم رجع شباب عديل كدا (قال ليك الاكل محسوب بالسعرات الحرارية واى شى فى مواعيدو) فى اليوم الرابع الولد (زوج الكافرة ) جا راجع من بورتسودان وشايل هم زى جبل الشيخ الطيب راجل امرحى ) دخل البيت وهو مهدود الحيل ( ما من مشوار بورتسودان لانو عن طريق عطبرة بقى 7 ساعات بس)حزين من الهم والغم (نادى ابوه يابا (جنى وجن الزول البنادى ابوه باسمو-دى تخريمه) عاملين كيف مع الكافرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رد الاب بسرعة وهو ما زال يرفل فى نعيم ال3 يوم الماضية (((والله يا ولدى الكافرة.......امك دى)))؟!
التحية والتجلة لامهاتنا الما كافرات القانتات العابدات وتحية خاصة لام بت عبد المجيد أخوى (ام العروسة) ونقوليها ان شاء الله بيت مال وعيال.
لك تحياتى ومودتى والى اللقاء فى اللفة الجاية.

ياخال كل شئ ماشئ بي نظام عند الخواجات والهنود ديل اسي بيصحو من الصباح مابعرفو حاجه اسمها شاي بقومو بياكلو حاجه اسمها **دوسه** ولعل الاخ يوسف التوم يعلمها جيدا وللعلم هذه الدوسه مكونه من شكل لفائف شبيها بالفطائر ومكونه من دقيق سيقا اقصد فينو كما يحلو لامهاتنا ايضا بداخل تلك الفطيره تواجد توابل وبطاطس مقليه والطريقه التي تعمل بها هذه الدوسه توضع في صاج وبعد ان تستوي يقوم بوضع التوابل والبطاطس المقليه ..
والواحد يقول ليك انا الليله ما طبيعي تساله : خير مالك
يقول ليك الليله ما اكلته دوسه ?
وغدا احدثكم عن البرياني..
انشاء الله نواصل بدون فواصل

» دكتور عبدالجليل من منتدى السروراب يحدثكم عن عيد الحب فماذا قال ؟؟؟؟
» دكتور عبدالجليل أدخل منتدى الشعر والادب ونحن الان على الهواء
» نبارك للمريخاب ببوست حوارى دكتور عبدالجليل الذى هجر منتدى السقاى وما ظهر بى جاى
» نقلاً من منتدى السروراب مساءاً والمبسوط الدكتور عبدالجليل المريخابى
» بكاء زمان ليه كان حار ؟؟؟؟