مصاب بنزله حاده

هذه الايام أروبا طقسها بارد مع مطر شديد وهواء عاصف وبارد عندما كنت فى بون أصبت بنزله حادة ورغم الجرى الشديد ذهبت الطبيب وأخذت العلاج ولكن عند وصولى بيرمنجهام أستقبلنى وسط المدينة ببرد وأمطار وضربتنى المطرة بين محطات البصات ففاقمت من نزلتى ودخلت على الوقوف بعرفة وكان من أبرد الايام وفطرت خارج المنزل وقطعت مسافة طويله راجلاً بسبب خطا فى وصف شقة الاخ سامى من طرف أبوبكر ووصلت بعد الفطور بنصف ساعة كامله وكنت قد تحركت بعد صلاة العصر من المنزل !! النزله اليوم بلغت أوجها وخلص الدواء الذى أحضرته من بون دون جدوى ويبدو أننى سوف أبدأ يوم بكرة بالذهاب للطبيب نسأل الله العفو والعافية .

ألعم وألخال وألأخ الغالى بشرى كفاره وسلامتك وكل خراف ألأضاحى بالسقاى وألبتلاب كرامتك ربنا أواليك بالعافيه تحياتى لى الأبناء كا عام وأنتم بخير

شكراً أخى محمد الماحى الطيب يوسف على المعاودة وتمنيات الشفاء وأنت التانى بعد الدكتور عبدالجليل قسم السيد من منتدى السروراب تكفروا لى بارك الله فيكم وشفاكم الله من كل داء .

الخال الغالي جدا الف الف الف سلامة ليك وكفارة ان شاء الله اجر وعافية

عدد المساهمات : 101 تاريخ التسجيل : 06/07/2009

كل سنة وانت والاسرة بالف خير ... كفارة سوف نرسل ليك شوية قرض وهو مقاوم للبرد والنزلة ، نزلتك دى كان فى الرياض كان تم عزلك والمستشفى كلها تكون فى حالة طوارئ نسأل الله لك العافية

شكراً مصعب شكراً يوسف التوم والله يا يوسف أنا أول البارح لما مشيت الدكتور وكان باكستانى مسلم إسمو خالد لحيتو (إمام جامع ) والله خلانى فى غرفة الكشف وقال ماشى يجيب ليهو جهاز !!! والله خلاص قلت الزول ده حا يقول لى عندك (فلانه !!) لكن الحمد لله قال لى نزله حاده وأدانى راحة إسبوع وخالدة قالت لى القعاد فى النت زى الشغل أحسن ترقد!!!! والله غلبنى الرقاد لانى بالليل من القحة ما قاعد أنوم كويس لكن الليله أحسن والله البارح كان عندى لقاء فى الاذاعة الرياضية أتصلت على الاستاذ يوسف السمانى لغيتو !!!
تخريمة : يوسف التوم أنا الليلة مرطب فى العيلفون كان عندك الرغبه الرابط موجود ممكن أرسلو ليك برضو أهلك .

الخال العزيز ربنا اكتب سلامتك يارب معليش جات متاخرة لكين اليومين دي شغالين كلاسات كتيره وبالجد مالقيت طريقه افتح المنتدي تقبل عزري ..
واحنا جونا والله برد لكين رهيب ماجاف زي السودان **
رطوبه معاها رزاز مطرحاجه رهيبه ..
عموما الهند جوها معتدل والايام الاولي مما نزلته لحدي قبل اسبوع
نهائي ماكنا بنشوف الشمس جو رايق زايد مطره خفيفة (جو شاعري)

شكراً سامى والجو السمح الشاعرى ده ما تشوف لينا قصيده أم مسدار !!!!!! خاصة أن المنتدى ينعق فيهو البوم ويطرشنى ويعمينى (حرد المنتديات ) الناس حتى العزاء فى المنتدى تخليهو عليك الله الناس ديل ما بالغو !!! والله ياسامى أنا أكتشفت منتدى العيلفون قبل يومين والان عندى 90 موضوع والله تدخل تشوف الاحترام والتعليق على مواضيعى والله تحرد منتدى السقاى !!!

» أعانى من نزله حاده ... !!أرجو أن تدعو لى بالشفاء أخواتى وأخوانى بجمييع المنتديات