رحلت عذابي

بما إنو موضوع البقره خلاص إتحلا بالسلامه صاحبه إتعوض الله...وكل واحد بدا يفك أخرو انا برضو فكرة افك اخري واحكي كيم قصة اول شاكوش وطبعا ماكن الاخير لاني وبكل صراحة يمكن اكون حطمطة الرقم القياسي في عدد الشواكيش الاخدتها طبعا بعد اخوي اشرف لانو ممكن يكون بحتل الصدره في موسوعة (جنس شواكيش)الله يجل كلامنا عليهو خفيف باقي الزمن ده بقينا نخاف من الناس الشايله قداديمه ولافه واقعين في الناس نجر
علي كل حال زي ماقال اخوي الكاشف الحب زمان كان باشارة يفهمو وكل ماتحبليك واحد وتاشر ليها مره مرتين يجي واحد مغترب ويشوته منك زى التقول كده إنت بتاشرليها خروج نهائ ...وفي النهايه تتعدد الاسباب والشاكوش واحد ...لكن تصدقو الموضع بتاعي ده إتعدا مرحله الاشاره ووصل مرحلة تبادل السلع يعني المره دي البنيه وعدتني بالانتظار والصبر الجميل وحاجات تانيه حامياني لكن نسو شنو في المغتربين تلمليك في بنيه وتعلمه الإشاره والحبكانه ويجو يشيلوها منك ويخلو خشمك ملح ملح وراسك مورم من الخابوتي
خلونا نخش ليكم في القصيده وتقريبا دي تاني قصيده اكتبه يعني لمن كنت صغير بلعب بالتراب ماما لبستني الجزمه والشراب قالت ليه امشي المدرسه وانا مشيت عملتها ليها لكها حبني اواحب غيري زي ماقالت الغنايه



رحلت عذابي الإبتدت........... وقصة خداعي مع الزمن
مشوار سنيني إتبددت.................لابهجه لاحب لاشجن
ااحزان فؤادي الطولت..............وعيون دموعن ينزفن
وجراح قليب إتغورت.................. لمن عويناتك قسن





بكمل ليكم بكره عشان تشتاقو للقصه يعني إعتبرو إنكم بتحضرو في المسلسل وفجاه جابو الدعايات أو الكهرباء قطعت

انت ياهيثم شنو حكاية زولك دا من بقرة لي نجار اللهم سترك الحاصل عليهو شنو بالضبط كان جانا القبة بنعالجو المحاية في والبخرة في ولو داير حجاب الزول زولي بسويهو ليهو امكن اجيب نتيجة لكن في حاجة الشواكيش دي عددها كم ضروري العلاج بقيف عليها

والله ياجنابو كنت بكتب في باقي القصيده بتاعت رحلت عذابي رن التلفون ولقيتو من اشرف واخبرني بانو المنتدا حيقفلوه والله نفسي إتقفلت وحتي المشاركه الكنت بكتب فيها لغيته عشان اعفو مني واكان ده الراي يبقي العوض علي صاحب العوض

الاخ عمر المسلمي تحيه طيبة لك ولجميع أهلنا ناس ميل وأبناء جدنا ابراهيم ودأمنه بنت ود القاضي وهذا طبع أهلنا دائماٌ ينادون أولاد بناتهم بي أماتهم . وطبعا أهلنا السروراب أنقطعوا عن الزيارة عبد وفاة ود بتهم لاكن العلاقة الي الان ضاربه بالجزور ومفرعة الكثير . واريد أن أخبرك بان حبوبتي وجدي أبو أمي الي أمنه بنت القاضي أخوالها في الحسبه . وهاك هذة القصه . كان هنالك علاق بين ابن خالي السماني عبدالسلام ودقدورة وأحد ابناء الجزيرة من المريدين للشيوخ ومحبي الزيارة لهم وقد أصر علي أصحابه من أبناء السقاي وبمافيهم ابن خالي هذا علي أن يذهبو الي زيارة الكباشي وبعد أن رحبوا بهم من يتواجدون في القبة وتمت الزيارة فقام أحد المزوراتيه (بتاع الزيارة الموجود في القبه) أنتم من وين ياولدي وردة عليه أحدهم أحنا من السقاي فماكان من صاحبنا الا وضرب الكوراك ألححححق يا طه يابراهيم الحقووووووووووووووووووو اليلة السروراب جو زرونا . لك التحيه مرة أخري وتحيه شديدة الاخ السيوبر وطه وعجلو وحولله وعبد القادر (قدوس) وجميع من تعرفنا عليهم بالكباشي وجمعتنا بهم كرة القدم . ورحمه والمغفرة والدعوات الصالحات الي الشهيد\ الخلوق صاحب الاخلاق الجميله طارق طه الكباشي