لست وحدك حبيبها

بسم الله الرحمن الرحيم

لست وحدك حبيبها اغنيه قديمه للفنان الراحل عبد الحليم حافظ
الا ان تلك العباره قد تنطبق علي احوال معظم الشابات هذه الايام
فبعد ان تغرق الفتاة الشاب بكلمات العشق والهوي
وتقنعه تماما انه هو الاوحد في حياتها
وتوهمه بانه قد امتلك قلبها وعقلها
واصبح حبه شغلها الشاغل
وبعد ان تاخذ منه كلما يملك ( تنفض جيوبه بالعاميه)
وتفلسه بحجة انه اصبح المسئول الاول عنها
فينفق عليها كل ماله حتي يفلس
وبعد الفلس يستعين بصديق
وهي بدورها ما بتقصر
الليله عايزه لبسه
بوكره عايزه تتغدي بره عشان تناقش امور هامه تتعلق بالمستقبل
بعد بوكره عرس بت عمتها
وبعده عيد الحب
وبعده عيد الاخوه العربيه
وبعد ماخلاص تحس انو صاحبنا بقي ما منو فايده
تقول ليه احنا ما بننفع لي بعض
وانا جاني ود عمي وانت لسه ما جاهز
وانا
وانا
وانا
فيحس الشاب بالعذاب
ويسهر الليالي نادما علي ماضيعه
وانه كان يجب ان يجد ويكد لكي يفوز بحبه الاوحد
وبعد ان يحبس نفسه في الصومعه حزنا وندما
يخرج ليكتشف
ان حبيبته لها احباء كثر
وتخيلوا بعد هذا الاكتشاف ماذا سيحدث؟

Question

هل هؤلاء أولاد أخر الزمن أم بنات أخر زمن أم العقوبتين معاً!!!!! على العموم لو أتبعنا ماقال الله وقال الرسول وتركنا عادات الغرب تقل الشواكيش التى تجعل الدماغ أحياناً من الزوغة باقى ليهو حرابيش !!! والحمد لله ما أشوكشنا (كتير!!!) وإن شاءالله الشاكوش ما يصدّف أخو وقريب وما البشوكيش تكون أخت أو إبنة أو قريبة يارب .

مشكووووره اخت مينو على المساهمه
و لو كان هذا الرجل رجلاً مافعلت به تلك المحبوبه
الزائفة كل تلك الافعال ، فهو لم يكن رجلاً حقيقياً فى عينيها ، لم يجبرها
على احترامة واحترام رجولته واحترام تلك العلاقة التى ربطت بينهما
، فاستحق ويستحق مافُعل به ، فهو لم يختر من يحب..

عدد المساهمات : 72 تاريخ التسجيل : 06/11/2009

الباب الذي طرقتيه باب حير الجميع ففي الماضي القريب كان المجتمع السوداني نظيفا والآن اصبح به الكثير من المتناقضات فالفتاة التي كانت لاترى اصبحت مكشوفة امام الناس ورؤيتها اسهل من شرب الماء تركت تقاليد مجتمعها واصبح لاهم لها الا اصطياد هذا واللعب بذاك رحم الله زمانا كانت الانثى " من عتبة بيتا ولي ورا" كما قال الشيخ فرح ورغما عن ذلك كله توجد المهذبات موضوعك جيد وفقك الله

اشكركم جميعا علي ردودكم الرائعه وتفاعلكم الجميل مع الموضوع
وياخوانا عم بشري قال حاجه مهمه جدا
قال الحمد لله ما اتشوكشنا كتير
رايكم نعديها ليه ولا نحكها لامن تجيب الدم

يامينو يا أختى أنا أحتفل بالعيد الخمسين (أعفى عمك وخلاص بديك مسدار مصلح وكده !!) والله طبعاً
كل أبن أنثى وإن طالت سلامته
شواكيشة تظهر .. وتظهر علامتة
وقد يكون قريباً فوق هامته
وقد يكون خفيفاً أخفى شامتة

كدى أسع يا مينو جهزى مساديرك لى هيثم الذى أعترف حتى هذه اللحظة بأربعة شواكيش فقط يعنى كل شاكوش عايزين منك مسدار يعنى 4×4= 16 بيت وشدى حيلك وعمك (أعفيو عديل أسع ) وأنا (مانسيبكم عبدالحفيط عبدالله (ودالهادة دحين مامتزوج قريبك بت بدرى ود مقبول أكان ما أخاف الكضب والنسب ده ما بساعد شوية )

والله ياعم بشري عفيناك من السؤال
لكين لو حسيت انك يوم عايز تفضفض وكده
تعال راجع لبوست الشواكيش دا وحاتلقانا كلنا اذان صاغيه(طبعا ناس الشمارات كتار)
وبمناسبه عيد ميلادك الماعيدنا عليك اديك مسدار مظبط طبعا مازي مسدارك لكين اهي محاوله

ياعم بشري مرحب مرحب حبابك ودارك
ماهو غريب عليك تتحفنا بس مسدارك
ياعمي الاصيل الديمه تكرم جارك
يهنيك رب العباد في الدنيا يرتاح بالك

شكراً أختى ريم ومن يكتب فينى الشعر هى والدتى وبنت أختى أمنة الزبيرخوجلى شقيقة مصعب الذى كتب عن عيد ميلادى الوالدة كتبت لها بعض الاشعار وأمنة سألتها من قصيدة رائعة كتبتها لى فى العام 1997م وقالت بين الاوراق وسوف تبحث عنها !!!!!!وأنت ثالث من يكتب عنى رغم أننى أستلمت أكثر من 20 تهنئة من المنتديات الاخرى فيها 5 من أخوات ولكن (ما شعر أو مسادير ) عشان كده أسمحى لى أن (أقشر بهذا المسدار فى كل المنتديات الى أشارك فيها بما فيها منتدى الشرطة وما تخافى لبنى سافرت ). وواصلى فى المسادير هنا وهناك .

ياعم بشري اوعي من فقدان الذاكره بدري بدري
سعادتك لسه شباب
عموما انا مينو ما ريم

ياعمو بشرى سويته ظاهرة شكلك ماصلحت النضارة الانكسرت
(مينو تبقى ريم كيف؟ مابتجى)
ومبروك على التهنئه والمسدار الحلو ده
(حلوه عم دى مش كده؟ ، لكن والله تقريبا جايه 15 سنه فرق بتخليك عم لى )

اشرف انا عارف انك حافظ ومحتفظ بجزء كبير من قصائدمصباح الطيب حاول اكتب لينا جزء منها
ويا اخوانا شعراء السقاى الافذاذ ما تكتبو لينا اشعاركمدىهنا
وين خالدعثمان والامين حامد مصباح الطيب وعم عبداللطيف وعيييييييييييييييييييييييييييييييييييييييك وين الناس الكتار ديل
يايشرى لوعندك شاكوش ياقول مينووعايزتفضفض ورينا عشان نستفيد نحنا الخاشين جداد ديل وقالو اسأل مجرب ماتسأل طبيب

ألأخت مينو لك التحيه أرجو تغيير أسم الموضوع لأسم الشاكوش ألأخ عمر أأزن لى أن أكمل حكمة ألشيخ فرح ودتكتوك والتى أتمنى
أن يقف عندها كل ألأخوان العزابه لأختيار شريكة حياتهم وكل ألأخوات للرجوع ألى هذا العصر ألزهبى
ألمره من عتبت البيت أولاوره
ونص ألمره معا جاراتا بتنضم بى الضره
والما مره الفى السوق أجيب خبره

» عندما تصير وحدك