اذا أردنا لمنتدانا خيراً فلنذهب الى بوست زول البقرة

الاخوان هيثم حسن الطاهر وصديقة أشرف جاد الله (وحات الرسول ) زى مابقول الظريف ياسر الطيب الحاج لو لاقونى فى بيرمنجهام حايمين والله ما بعرفم !!!فى خاطرة من هيثم أراد أن يداعب صديقة أشرف بموضوع لم أسمع به إلا فى هذا المنتدى (بقرة سرقت من ناس أشرف) فسألنى هيثم ماذا تتوقع أن تكون البقرة كيفية سرقة البقرة ؟؟؟ فذكرت له توقعاتى بدأنا نتاول الموضوع (ونبصّل!! ) فى أشرف وكان قد ذكر أنه ذاهب الى الدمام وأظنو عاد وطوالى دخل على المنتدى لقى عجاجتنا قايمة فى موضوع بقرتو!!! رد علينا مداعباً أنتو ما عندكم شغله غيرى أنا وبقرتى الرايحة !!!وينو نجركم ومساديركم؟؟؟؟!!! أريتو ما تماها أتناولو هيثم بالون (مسدار ) وباصى لى المسادر أديتو التو قطع أخدر وحار من الفرن !!! وبدأنا نباصى فى المسادير حتى وصلت رقم محترم !! وهيثم يتلفت !! زى عبدالمحسن فى بكا أولاد الاحمر !!! ولانه يطالع الشعر كثيرا قال لماذا لايجرب أن ينجر مثلنا هو نحنا ولدونا والقدوم بتاع النجر معانا !!!! وبالفعل بدأ تجربة النجر وللامانة كانت ناجحة جداً حتى يبدوا لى فرحان بيها برضو !!! هكذا تكون البوستات التى تجلب البهجات والفرفشات وتجعل المنتدى قبله لكل الزوار( ناس الرقس وناس دقس !!! ) وعلى العموم نحن فى أنتظار مولد شاعر آخر ....

» إذا أردنا فوز الهلال بالكأس لنصبر على ميشو رغم كلابيشو !!!!!
» شرح (اية البر) الاية 177 من سورة البقرة
» وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ
» شرح الاية وعلى الذين يطيقونة فدية طعام مسكين 184 سورة البقرة
» بوست بعنوان كتاب قرأته