عادي جدا تكرهيني وتنسي اخلاصي وحنينيي تعدمي الحس الغشاني وبي سهامك تجرحيني عادي جدا وياهو طبعك تطفي نوري الفي جبيني تسلبي من عمري سعدو وتحرقيهو وتحرقيني وتنسي اني عشت ليك وياما أهديتك سنيني وعادي جدا انت تنسي وتمنعي القلبين توالف كنت قايلك لي مرسى ودوحة في زمني المخالف لمحة من ينبوع محنة وسكة لي الزمن البلاطف وما كنت عارف انو صبحك ماحيطلع وانو همسك كلو زائف وعادي جدا تكرهيني اصلي راضيتك كتير وارتضيت المر عشانك رغم صدك والهجير وكنت بحلم وكنت واثق انو حلمي مابصير وعادي جدا تكرهيني اصلي كنت معاك ضحية عشت ريدك كلي طيبة ومالقيت الا الأذية ذنبي انو هواك ملكني وامتلكني كمان شوية وعادي جدا اني اهوى وعادي عندك تجرحيني رغم كرهك الا اني لسه عائش في التمني ودنيتك تديك اكتر تصفو ليك وتبقى أنضر وانت دائما أكرهيني ولو حصل وصادفت وجهك اابقي زي مابتعرفيني وخاصمي الماضي الجمعنا أنبذيه وأنبذيني وانسي كل القلتو ليك انسفيهو وأنسفيني أصلي كنت ذكرى مرة ادفينيهـــا وادفيني وعادي جدا تكرهيـني