توب العزه

عدد المساهمات : 41 تاريخ التسجيل : 28/10/2009

ياجنابو دي اكتر قصيده عزيزه علي نفسي وطبعا ماحقوليك السبب

يامتـوشـحـه تـــوب الـعــزه ياكـاسـيـانـي وداد ومــعــزه
يامتلهـفـه ريــدك لــزه انـابـهـواو مـــن غـيــر تكـلـيـف
.................................................. .....................
يامتـواضـع وسـامــي مـكـانـك يامـسـيـد كـــل زمـانــك
انـا واحشـنـي صــوت تحنـانـك وري حبيـبـك شـوقـك كـيـف
.................................................. ......................
يـاولـهـان بـريــدك لـيـنـا ياراعـيـنـا وامــلــك فـيـنــا
يامالكـنـا ومـالـك البيـنـا انــت الـريـده وغـيــرك طـيــف
.................................................. .....................
ياراويـنـا حـنــان ومـــودة نـحــن عـرفـنـا ودادك مـبــدأ
يحلـى معـاك الريـد يـوم يبـدأ وتصفـى سمانـا ربـيـع وخـريـف
.................................................. ......................
علِّـم غـيـرك معـنـى الـريـدة وانـسـج قـصـة ريــده فـريـده
اكتـب وأألـف فينـا قصيـده تحكـي الـحـب مــن غـيـر تـزيّـف
.................................................. ......................
انـا بهـواك يـا أجـمـل زهــرة ياشـفـاف ووديــع زي بسـمـه
ياحسـاس ورقيـق زي نسـمـه يــوم يجمعـنـا الـريـد والقسـمـه
................. ونبقـى خــلاص وصلـنـا القـيـف................

السبب أنا عرفتو لانك وصلت القيف وما غرقت !!!!!!والحمد لله وصلت القيف ووصلتنا وشفناك كيف!! وكنت فينا جد رايع وزدت علينا زدت الكيف !!! وما عايزين نشوف غبيبتك وما عايزين تقول كيف !! كيف . مع تحياتى لصاحبك أشرف (دهب ) أشرف النيل أو أشرف العبيدية أو أشرف الباوقة أى إسم من ديل يعجبك أصلقو فيهو خاصه أنو قال ما عندو ألقاب آها أربعة حته واحد وإن شاء الله يارب جهازو يلقط (4 كيلو فى اليوم !!) بس أنا خايفو يقول عايز يعرس أربعة نسوان (مره واحدة أبوالدهب ما صعب !!!)

عدد المساهمات : 41 تاريخ التسجيل : 28/10/2009

ياجنابو فى لقب خامس انت ماعارفو إسمو اشرف لبن لاانو بحب اللبن وكان زمان مربي ليهو بقره واصلو ماكان ببيع لبنه لانو وحسب كلامو ماكان مكفيهو معا إنها البقره كانت ماشاء اللع في اليوم الواحد بتحلب اكتر من 15 رطل بس من حبو للبن كان متباخل عليهو لحدي ماجي يوم وصحي صاحبنا من النوم ولقي البقره مافيشه ولحدي اللحظه دي مإتعرف سر إختفا البقره وياريت انت بحسك الشرطي تحاول تفسر او تجد حل لهذا اللغز

أعتقد أخى هيثم حسن الطاهر أن هذه البقرة سُرقت بواسطة متخصص بعربه ومن السقاى الى تمبول وبعيت هناك وتكون حتى الان (بقت مراح ) نسأل الله أن يعوضو أبرك وأخير منها وكمان ده أسم جديد (أشرف تمبول ) والله زولك ده لمن يكمل مشروع الدهب يصبح ملك الالقاب بلا منازع .

والله ياهيثم وجنابو الليلة ماعندكم شغلة غيرى
شكلكم غلبتكم شغلتكم ساااااااااى
ووووين قداديمكم والنجر والقطع ماقلتو نوبه
وبعدين لقب اللبن ده مااظنو حقى براى المعاى كتااااااار
وانا ياهيثم خايف جنابو ده يكون فايتنى يوم وضحوه
اكثر منك.
لكم ودى وان عدتم عدنا.