الانتخابات

الانتخابات وعادة ريمة لعادتها القديمة انتخابات في بلد متفشيه فيه الامية ومعدومة فيه (الامية) واحدة للكهرباء وواحدة للناس ..والاحزاب التقليدية الوراثية ناس قريعتي راحت وسيدي (وما تاكل يا خليفة) لتيس ست مريم وما ادراك ما مريم يا ليتها كانت مريم الاخرى رحم الله مصطفى سيد احمد وناس الحربة والكوكاب وناس السودان الجديد الذي سوف يصنعه لنا رقيب سابق مستوعب من انانيا بالقوات المسلحة (المشلخة المشلحة المسيحه ....) قل ما يحلو لك وناس جامعة الامم في موسكو الحمراء والتي تلونت بالوان الطيف وانفض السامر على دويلات لا تسمن ولا تغني ويا عمال العالم وشعوبه المضتهدة اتحدوا واحداث قصر الضيافة والمجزرة ام ناس جبهة الميثاق الذين في اخر الدهر تجبهجوا في جبهة عرضها السموات والارض على قول كبيرهم الذي علمهم السحر ثم انفض سامرهم الى جناحين والبقية تأتي والسلطة حلوة (كما ان السلطة حلوة) خضراء حمراء سلطة اسود كله ماشي يا محمد احمد ونزف دارفور الذي صنعه احد السحرة الصغار بعد ان خرج من الجبهة العريضة تدي صوتك لمين يا محمد احمد يا مسكين من فيهم الذي لا يريد السلطة ونجي نرجع لحساب ابو الكجك تاني زعيم حزب الامرة عدل له الدستور علشان يصير رئيس وزراء عجبي الرجل لا يحب السلطة ناس سيدي من زمان ماسكين فينا وفي شوية التمر الموجود نجود به عليهم ويسمرون في ليالي القاهرة ومدد كبير السحرة والذي اعلنها جهاد ثم رجع وقال محمد احمد مات في الجنوب فطيسه ورجع في قوله ان بعد الستين يجب ان لا يمارس الانسان العمل العام طيب دا عمل شنو يا شيخنا عمل ايه عرفنا انا البعرفه دا عمل ابليس والناس الحمر ما من زمان انقلاب في انقلاب مرات مع ابعاج ومرات ضده في 1971 وعندهم عايرة وادوها سوط وتقريبا دا فكر خلاص مات بموت مثلهم الاعلى وناس الانقاذ يا ريت يرجعونا الى حيث ارادوا ان ينقذونا قما قال ابو امنه حامد وهم ناس يا جماعة ما عاوزين سلطة عجبي عموما ما عارف محمد احمد كل مرة شاغلنه عن معايشه بي هيصه وزيطه وفي الاخر تعال يا محمد احمد صوت صراحة ابو شرشر مش عاوز يصوت