اخر اليور

الطيور سبتيني اقرق في الضياع
حزنان عليك
حزنان علي الوعد القديم حزنان علي امالي فيك
حزنان عليك وعلي هواك وعلي الكلام القلتو
الفي مسارب الروح رقد والكنت حاسيو في عينيك
لمن تلاقي عيني عينيك
سبتيني سابح في بحور احزان موشحه بالعذاب
ساقيو دعاش غيمي الهموم كاسيها احلامي الضباب
خرستي في جواي شكوك ومسحتي كل الكان صواب
ياحليلي انا الحزنان عليك وشارب كؤس ظلمك عباب
كاس العذاب مجراو يديك
حزنان عليك زي اي طير لمن يودع عشتو
يفضل يهاجر في الديار يفقد معالم نشاتو
يبعد يسيبو هناو هناك وكل الاماني الهزتو
بعد الامان الكان زمان غيمة همومك رشتو

هاجر رحل ترك الديار فقد الصحاب ومعزتو
فاقد حنين حبو القديم وزولا يانس وحشتو
ويخاف علي مركب هواك يفضل يلازم دفـــــــتو
يسال عليك بحر السراب ويقيف كتير في ضفتو

يبكي الحنين البينا كان يزكر نهاية قصـــــــــتو
ويموت يمين حزنا عليك وعلي الليالي الخانـــــتو
اسفا علي امالو فيك اسفا عليك