ياقاسي

ياناسينا وناسي مشاعرك وين الالفه وطعم الريده
وين حنيتك وطيبت خاطرك واللحظات البينا سعيده
وين الشوق الفي عينيك الكنته بترسلو ليه قصيده

ولا حرارت شوقك راحت وشفت البينا مسافه بعيده
وامكن قلبك ولف يقسي وامكن روحك نسيت عيده
وامكن فترت قوت حبك وبردة امكن نشوة ريده

كنت دوام تحكي عن البينا وكنت تشوفه علاقه فريده
وكنت بتزعل لما اقولك اني بحبك اكتر منك
وهسي بتزعل لما اقولك فاقد ريدك وشوقك وحنك

عندي حقيقه اكيد بتهمك انت نسيت الريده اظنك
انت قسيت وظلمته حبايبك مين العكر رايق دنك
وامكن عين حسادك صابت قلبت ريدك شكك وظنك

وامكن شفته حبايب غيرنا وبعتنا نحن المنتظرنك

مساء الخير استاذي بشر اسف لانني تاخرت في الرد عليك بخصوص التعديل في القصيده الاخيره
اولا مشكور جدا جدا يابو المبارك علي هذا ىالاهتمام والمتابعه والإرشاد وياريت لو دايما تفزعنا بالنصح لانو وبكل صراحه القصائد النزلتها كلها قديمه جدا واقل واحده عمرها مايقل عن 12سنه يعني اقدم من الويكه وبصراحه اكتر انا لي مده طويله جدا ماكتبة اي قصيده وكل القصائد الموجوده عند ةاشرف قديمه وحتي الجديده انا لاأملك منها شئ الان ولاازيع سرا لوقلت ليكإنو القصائد البكتبه الان بتحصل عليها من اصحابو اللهم مهتمين اكتر مني بالقصائد دي والان بعد الاشتراك في المنتدا الرائع ده الواحد بدا يحس بالهمه شويه اليوم سوف ارسل اول قصيده كتبتها بعد الزواج طبعا دي لليها مزاق خاص وماحوريك ليه ليهاطعم خاص خلي اشرف يكلمك

مضى زمن تلاقينا وايام ملونة مضت فينا يااخي بطل الكسل ورينا الجديد مازال احساسك مشتعل ابدا كدي والسفينة بتمشي وخت في بالك دايرين حاجة فيها بكاء ودموع والم زي حسيبك للزمن بتاعة ام كلثوم والدنيا ليل غربة ومطر حقت ودسيد احمد وشجن عثمان حسين بالجد بالجد بكينا لينا زمن مادمعنا