العصامي النموذج

عدد المساهمات : 340 تاريخ التسجيل : 22/02/2009

[]كتب الاستاذ احمد العوض الحسن العصامي هو الشخص الذي علم نفسه بنفسه ولم ينل تعليما منتظما في المدارس وخير مثال عليه هو عملاق الادب العربي المرحوم عباس محمود العقاد الذي يعرفه الجميع شرقا وغربا لم يتعد تعليمه المرحلة الوسطي ومع ذلك قرا و اطلع وكون نفسه علي احسن صورة حتي صار علما يشار اليه بالبنان ناشرا تعدت مولفاته السبعين الي جانب دواوين الشعر حديثنا اليوم عن نموذج اخر سوداني هو الدكتور قريب محمد راجع بدا حياته راعيا في بوادي غرب السودان لم يدخل المدرسة رغم روحه الوثابة نحو المعرفة والعلم جاء الي ام درمان ليعمل خفيرا في جامعة ام درمان الاسلامية وصار استاذا بها قصة نجاح باهرة شهد بها كل الذين فاتهم قطار التعليم النظامي من شباب وكهول في بلادي ونواصل ]

ياولد ياعصامى انت ، اية الحركات دى يامحمد صديق
مرة واعظ ومرة اديب ومرات (اى حاجة حلوه)
لكن ياخوى كمل لينا القصه بتاعة الراجل دع للنهايه
يمكن نرجع تانى للقلم والقراية ام دق.
باقى نحن بنحب القرايه لك ما قرايه المدرسة
ومحمد على باشا وغردون حاكما عاماً على السودان
والكلام المسيخ داك.
بقينا ناس رقيقين ناس شعر ورواية وحركات زى دى
والله يديك العافية ياحمادة ومنتظرين عودتك بالجديد الشديد.

عدد المساهمات : 340 تاريخ التسجيل : 22/02/2009

الطموح والعزيمة يجعلان الانسان يبلغ مبتغاه الذي بخلت عليه الايام والظروف به عاش بين الطلاب والاساتذة واعانه منهم من يحبون الخير للناس لم يحس بالدونية او النقص يقوم بعمله من نظافة وحراسة ولكنه لاينسي كتابه والهدف الذي وضعه لنفسه ولابد من صنعاء وان طال السفر كان قارئا نهما ومطلعا شغوفا جاء من البادية تختزن ذاكرته القصص والحوارات والسير ،مع ماوهبه الله من خيال خصب خلاق، امسك بالقلم وسطر في الاوراق كلاما لم يدر قيمته لاول مرة . انه كاتب قصة ممتاز وله شاعرية مخبوءة . قصصه هذه قادته الي اذاعة ام درمان ليعرضهاعلي القائمين علي امر الدراما استلمها اهل السيناريو والاخراج ووجدوا فيها مادة نادرة ودراما مكتملة الاركان دخلوا بها الاستديو واحالوها الي مشاهد منطوقة بعد ان اضافوا اليها وسائل الصناعة من مؤثرات صوتية وموسيقي ،ثم انطلقت عبر الاثير مسلسلات من نوع جديد نواصل

عدد المساهمات : 340 تاريخ التسجيل : 22/02/2009

تسلم ابو الشوش علي المرور تابعونا ستجد المفيد انت قايل اخوك دا راسو كورة بس lol!

اديك العافية ابو اواب
وحرام عليك ياراجل (انا عارف ماكوره وبس)
وانا اكثر العارفين انت نسيت انو انا كنت اكثر المستعيرين
(اللاطشين) لكتبك ومجلاتك وجرايدك الماليه السراير
والدولاب وراس الدولاب ولا شنو .
وانت قايل انا غير كتبك ومجلاتك دى البجيبنى ليك شنو
من حلاتك يعنى والا من شعرك الطويل المسبسب.
الله يرحم الايام ديك يامحمد.
وربنا يطرى اخونا عماد الباقر بالخير، يسأل ويجاوب نفسة
شغال شنو يامحمد ؟ شغال سيردباك هاهاهاهاهاهاهااهاهاها

ناس السويد وناس البحر تحياتي
وعلى طار اخونا الباقر أحمد عله يكون بخير، اتذكرة قصة اخونا حسن عبد الرحيم ايام فريق الثالث مسخن، وكان عاملين معسكر في شمبات عمنا منصور علي ربنا يديه العافية وكانت هنالك حفلة شاي اقامتها ادارة فريق شمبات تكريما للفريق في مقر النادي، ومن ضمن الحفلة كانت هنالك فقرة تعارف وكان لابد من تعريف الشخص باسمه ومنطقته ومكان عمله ان كان يعمل او المرحلة الدراسية الهو فيها وحالته الاجتماعية وهكذا....
والطريف في الأمر كان الدور على اخونا حسن عبد الرحيم ووقف وقال:
اخوكم حسن عبد الرحيم
السكن السقاي
الحالة الاجتماعية عسكري
وانفجر الحضور من الضحك وطبعاً كان قاصد العمل.
وطيلة ايام المعسكر كان ماجد يوسف والخير أحمد والى فترة طويلة ينادونه برااااااااجل العسكرية.

والله يالجقور شكلك خرفت، الجاب سيرة الباقر احمد منو اسع فى الموضوع
قلنا عماد الباقر سلامة نظرك ياخوى .
ومشكور على الموقف الطريف دة وانا كنت احد شهود ذلك اليوم
ولا زال الخير احمد يذكر الموقف
وماجد يعجبك فى الحركات دى طبعاً حدث ولا حرج ودقس حسن (القِديٌم)

ود جاد الله خرفت البسيطة دي ربك يسهل
بس كمان انت ساعدنا بتكبير الخط شوية
وتحياتي الى عماد الباقر الرجل الخطيييير
وانت عارف عماد الباقر دا عندو لسان لا حوله ولا قوة الا بالله
وكان اكثر زول بخاف منو عديل محمد الطيب الصديق
ومره من المرات محمد الطيب (لهيب) قال لعماد الباقر
كثير من البنات بسألوني بقولوا لي انت بتشبه عماد الباقر ببقى ليك شنو
رد عليه عما وهو واضع كف يده اليمين على نصف وجهه الايمن
اشبهك انا وحات الله انا كدي احلا منك .... وتعال شوف محمد مرق من الخط طوالي انت وانت...
واخونا عماد ربنا يحفظه له قفشات كثيرة وخطيرة.

عدد المساهمات : 340 تاريخ التسجيل : 22/02/2009

حبايبنا الغالين اشرف وياسر اسعدني مروركم اشرف ياحليل زمان وسنين زمان يايمه لو تزكري وياحليل حفلات عقد الجلاد وود الامين تعرف ياابو الياء من اظرف الناس اخونا عماد الباقر ابو ماريا وشيال حال وله معي مواقف كتيييره واخر اتصال لي به كان شغال في الامارات وسالتو كيف الشغل طبعا كان مزنوق في الخلاء سواق وقال بحليفته المعهود والله تاني شهر مااقعدو قلت ليهو لماذا قال لي والله من السخانه لوني بقي كحلي ههههههه واخيرا رجع السودان من هنا تحية للعزيز عمده والاعزاء حسن ولهيب وماجد والخير وكل شباب السقاي

عدد المساهمات : 340 تاريخ التسجيل : 22/02/2009

من من جيل الستينات والسبعينات لم تشده تلك المسلسلات الضاجة بالحيوية والحركة والاحداث والصور؟ امثال (حظ ام زين)(الهمباتة) (عشا البايتات)(انا امك ياسند) وغيرها... اتخذ اسلوبه عامية اهل الغرب البسيطة المعبرة لتوصيل رسالته الي الناس فعاشوا الاجواءالماطرة الخريفية والبيئات القاحلة ، نقلهم الي هناك . كانت اشعاره خاصة (الدوبيت) تتخلل تلك المسلسلات فتزيدها روعة وجمالأ وتشد اليها الاذآن ، ورغم هذا النجاح الذي حالفه في دنيا الابداع الا انه يعلم ان هذا الزمن يعترف فيه الناس بالشهادات ولا يلقون كثير بال للابداع والمبدعين (بلد شهادات) كما قال عادل امام ........نواصل

عدد المساهمات : 340 تاريخ التسجيل : 22/02/2009

هاهو يجلس لامتحانات المراحل ويجتازها بتفوق ويتطلع الي الشهادة الجامعية وينالها..اذن لماذا لايواصل ويحضر للماجستير والدكتوراه؟ لقد فعلها ونالها وجلس علي كرسي الاستاذية في نفس الجامعة التي جلس فيها في كنبة الخفير ،اي طموح هذا واي عزيمة هذه ولكن ...اذا كانت النفوس كبارأ تعبت في مرادها الاجسام من يقرا اشعاره التي كانت تنساب بين مسلسلاته يشعر بالملكة المتفردة والنظم الجميل ـيحس الانسان وهو يقرا اشعاره علي لسان الهمباتة وكانه كان واحد منهم مع انه لم يمارسها في مسلسل (حظ ام زين)ويقول .ـبعد ما قمت من بيتهم نويت المرقة....علي حظ الجميلة التابرة مي منخرقة ..شفت الخصلة في اكتافها سابلة وزرقة ....ضمنت الرجعة كسبان كان قلع كان سرقة،،،في اشعاره روح رواد الهمبتة في السودان امثال الطيب ود ضحوية وطه الضرير واساطين ذلك الضرب من القول عوض الله الهمباتي بطل المسلسل ينشد في فتوة وفخر وحماسة قائلآ .الهمباتة نحن اصلنا معروفين .بلا حق الرجال مع عندنا تعين . ما بندبي ليهو نسؤ حمرة عين .بي موت بي حياة لازم نرضي ام زين .......الخ ولأبناء هذا الجيل الذين يستنكرون ربما مثل هذ ا القول .نفيدهم بان الهمبتة كانت عرفا لايقوي عليها الا الصناديد من الرجال وهم لهم مثلهم واعرافهم لا يغدرون باحد وانما يواجهون وجها لوجه، لايغيرون علي ابل الضعفاء وانما يعطونهم مما حصلوا عليه من الاغنياء ،لهم قيمهم ومثلهم(ديل ناس مزاج وراحات حالن عاجبم) اهل انفة وكبرياء جاءتهم من اجدادهم الاقدمين الذين كان يسمونهم صعاليك العرب امثال الشنفري والسليك بن السلكة وغيرهما والصعلكة ـ بالكاف ـغير الصعلقة بالقاف في زماننا هذا العجيب ( عين واذن) احمد العوض الحسن

عدد المساهمات : 340 تاريخ التسجيل : 22/02/2009

اها يا اشرف ما عندك فكرة ترجع تاني للدراسه

والله بعد ده لو يبقونى رئيس الجمهوريه عديل
ماارجع للدراسه تانى وزولنا ده مافيهو كلام لكن
عندو اسبابه الخلتو يحكها لامن تجيب الدم.
وده مامعناه انو انا ضد الزياده فى العلم والتعليم
لكن لو كنت فى مكانى لما كانت رجلى مكسوره
وانا ممتحن للسنه الثانيه فى الجامعه بتعرف انا
كرهت الدراسه ليه .
واصل فى زى الشغل ده والله يديك العافيه ياابواواب.

نعم أتفق مع الاخ أشرف بأن هذه المواضيع هى التى تجلب الناس للمنتديات وليس اللت والعجن والردود الغير منطقية . وشكراً أخى محمد صديق وواصل فى الموضوع حتى نهايتة لكى يستمتع الناس ونزيد معلوماتنا .

عدد المساهمات : 340 تاريخ التسجيل : 22/02/2009

شكرا عزيزي اشرف علي المرور لكن فكر فيالعرس فكيناك من الدراسة وربنااوفق الجميع

ياريت يا محمد المواضيع الفي المنتدي دي كلها تكون ذي ده جادة وهادفة خاصة انو نسبة الفاقد التربوي في السقاي بقت بنسب مهولة وياريت كل الخلو القراية بسبب شماعة الظروف يقرو موضوعك دة مش تقولو لي( البقرة ) بقرة في البرد دة ذي مابقول زولكم بتاع قوون محمد عبدالماجد