الزول التدورو تملى طالب دورو

دق دق دق سلام اهل الدوبيت افتحو الباب
ماساكتبه كان مجادعه بيني والمرحوم عبد المنعم عبد النصيح(كاوندا) عتابا علي عدم زيارتي له ارجو ان ينال اعجابكم والكلام ده ليك يالمفتح عينيك يعني دايرين نحرشك ياجنابو
عبد المنعم.
شخصك لي ليه دائما موالو قصورو
مافكرة يوم قلت اللروح وازورو
الزول التدورو تملي طالب دورو
والتاباهو هجرك يعني مابتورو
هيثم.
شخصى اناصديق ماهو الببيعو اصولو
ومازولا كعب مابيك ياسيد دورو
تريان بالولف وبالمحبه جزورو
لكن الظروف دائما سبب في قصورو
عبد المنعم.
قدر ماقلت يوم يمكن تحس من نفسك
القى غداك فايت صوره تشبه امسك
دائما لي تاجامل لما اجيك بحسك
ولما اغيب عتابا عادي تب مابمسك
هيثم.
قدر ماقلت يوم انا في عراك اتمسك
انوي الجيه ليك واعزم ازوره جلستك
دائما هي الظروف تحلف تقول مابخصك
واصبح في غيابك عائش معاك بحسك
عبد المنعم.
لكن مامهم مادام مكانك فيني
وتغدير الاهل دونك اكيد يكفيني
ان حاولت عارفك مابتخلصو ديني
وان كان العتاب جواي يفوقو حنيني
هيثم.
لكن المهم سامحني زيل تحزيني
وتقدير للاهل زيل من دفاترك ديني
ان حاولت عارف سرد الكلام مابعيني
وإن كان العتاب يكفيك زيد واشجيني

وحتي احصل علي رضاه وعطفه كتبت له هذه الابيات

(ياكاوندا) اخوك كترت عليه همومو
إمورو إتلخبطة قلبت خواصو عمومو
من تاله الفقر اداهو كبر كومو
ومن تاله الحبيبه قلبت نسيمو سمومو


فى انتظار ردكم ياحبايبنا

ا
ياود حسن الطاهر والله دوماً رائع
فنرجوا ان تتحفنا بمثل هذة الاشياء
التى نحبها جداً ونستمتع بها ايما استمتاع
وياريتنى لو بقدر اقول فيك الكلام الماانكتب
واجلى المقاطع بالدهب
وافرش صباح حسنك وشاح يمسح
عذاب عمرى المسطر باللهب.
ورائع ياود المبارك ولقيت السم القدر غداك
اهــــا امسك وصُر وقول واحد.
والى ان نلتقى دوماً بالف خير.

اللامك يمين دارك ودار اخبـــــارك
ودار حبو بين فلكك وجوه مــــدارك
احلام صحبتو جواك دوام تـــــدارك
تبقو دوام سوا في دارو او في دارك

يااخوانا ماقلتو نوبه
وين الرد