الشحــمـ دا !!

الســلام عليكمـ ,,

انتشــرت في هذا الجيـل الجديد ظاهـرة سيئـة جدا ,, ألا وهـي ظاهرة الأغاني الهابطـة بوجه عامـ ,,
وفي سفرتي الأخيرة إلى البلد الحبيبة لاحظت انتشار هذه الظاهرة وزي ما بقولوا عند " الجــنوي والبنوت "
والاغاني دي بقت لا تعد ولا تحصــى وتتضمن الفئة الجديدة من الفانين خاصة فبقى اي فنان لازم يكون عندو اغنية "هابطة"
في اللستا بتاعتو ,, ولكن السؤال هل دا بزيد من شعبية الفنان ؟؟
ولماذا يكمن وينتج عنه هذا الحب والهيصة من الجمهور المستمع ؟؟
وبصراحة كلمات هذه الاغاني تدل على انهم ادوها شافع وقالوا ليهو اكتب ليك اغنية ..!
وفيها مسطلحات يا جماعة الزول يخجــل يسمعا ,, فما بالك من انو يسمعا في حفلة وقدام امـة محمد كلها ؟؟!
غايتو الموضوع دا عايز ليهو حـل ,, واننا نكون متحيزين ضد الاغاني دي ,,

واتمنـى اسمع آرائكم في الموضوع دا,,,

تحيــاتي للكـل ,,

الابن حمد أبوالقاسم حمد بارك الله فيك أن (رويسك فيهو فهم !!! وأكان عارفك بتاع محن وشدايد زى كده كنت رسلت ليك أحمد بشرى لو بى طيارة خاصة حتى لو يلغى بيرمنجهام هذا العام لكن ليك على أكان راجع السنة دى الاجازة أو نهائى تلقاهو إن شاء الله قدامك قوم آمين ) ونرجع للموضوع
أولاً أرجو للرجوع فى منتدى الشعر والقصص لبوست خاص بالاخ أحمد القاضى أغانى البنات ما لها وما عليها وأولاً أستأذن منه هل يدخل حمد هذا الاستفسار فى البوست أو يجعله منفصل (ده مشروع قنطرة مشرف ورينا رأيك !!!؟؟؟؟) والان أقول للابن حمد أبوالقاسم إن الغناء هابط وغيرة فيه محاذير كثيرة نحن الشعب السودانى لانراعيها فى ممارساتنا الاجتماعية وهى التى (تسبب لنا التريقة من الشعوب الاخرى فى الخارج كمثال رقصة العروس التى أصبحت مثال تندر وسخرية خاصة من ضعاف النفوس الذين أصبحوا يتبادلونها على الموبايلات واليوتووب!!! وكل الشعوب فيها الصالح وفيها الطالح ومن خلال ملاحظاتى للعرب فى أروبا أن الفلوس جعلت الشيطان أقرب لهم من حبل الوريد وأخشى إن أنعم الله على السودانيين مع (أمكانياتهم المعروفة سوف يبدعوا !!!!) نسأل الله أن يهدنا طريق الحق وأن نبعد من هابط الكلام وهابط المواضيع وهابط المنتديات (الرخيصة والملح ) وهابط الردود هابط الكلام الفارغ ومقدود هابط الوعود وننجز وندفع ونكتب ونجدع لى قدام ونطل كل يوم وتانى أرجع لى موضوع حمد الاصلى أصلى جنى (كسحات والله أتقول معدى بى مركب فى الدميرة !!!) المهم يا حمد إنت لما ترجع السودان بالسلامة فجر قنابلك بعد قنبلة المريخ أمسك فى موضوع الغنا الهابط وأول شىء أسال صاحبك سامى الماحى (أوعه يكون نزل الحلفاية جب بيت فلان الفلانى عليه رحمه الله ) أذكروا محاسن موتاكم المهم كون ليك رابطة إسهما رابطة محاربة الغناء الهابط والذى يفسد الذوق الرابط !!! وأكيد سوف تجد هذه الرابطة الدعم المطلوب وأنا بساعدكم بالجكة (أكتب ليكم كم مسدار ضد الهابط!! ) ويلا !! أبدأ وما يفعله الصغار أمثالك لانفعله نحن زمانا فات وغناينا ما كان هابط لكن مات !!!!!!!!

الابن حمد سمعت قصة السعودى الذى حضر زواج سودانى مع صاحبو السودانى أيام نميرى قبل الشريعة وفى بدايات إنتشار الغناء الهابط سمع البنات يغنن الشحم دة !!! يا بهية وكل الاغنية وهو يتلفت زى الطيرة زى مابقول الاخ عبدالمحسن الشيخ وتحياتى له وعندما سألوة أخوانو السعوديين عن إنطباعة عن السودان قال : والله مشينا الحفل والنسوة يغنيين (الشحم هذآ واللحم هذآ والاخريات يرددن آى نعم آى نعم ) !!!!!