عدنا والشوق والمحبة زادنا

عدد المساهمات : 126 تاريخ التسجيل : 18/02/2009

عدنا اليكم احبابنا مشتركي ومرتادي منديات السقاي والعودة اليكم هي زادنا وعزائنا في البعد عنكم كان هو وجودنا بين ظهراني السقاي الحبيبة.......... لكم كل الود والمحبة

ألف حمدالله على السلامة أخى أبوبكر محمد دفع الله ونحنا نقول النور الجانا منّور راجع...... مرحب بيهو ... ومن سقاينا أدينا منابع ... نشرب وندى الجار السابع وندى الضابط وندى الجندى وندى التابع ..... وأقرأ وشوف وراجع وتابع..... شوفنا إن شاء الله نكون غيرنا اللون .. وحروف الطابع وزيد وأدينا ونحنا أليك حانكون السامع ولك ودى ... أخوك بشرى مبارك إدريس

الاخ أبوبكر ما شاء الله عليك ورغم الغياب دافع الزكاة (مواضيع ) وقد أقترحنا أن تكون الزكاة 60 موضوع للاسرة فى العام (كحد أدنى ) أو أن تدفع الاسرة 60 جنية سودانى !!!

عدد المساهمات : 126 تاريخ التسجيل : 18/02/2009

لك كل التحايا عزيزي الغالي جنابو بشري فالمنتدي منور بكم دائما وباسهاماتكم الجميلة
وكتاباتكم الشيقة زادكم الله توفيقا

عدد المساهمات : 340 تاريخ التسجيل : 22/02/2009

الغالي ابو بكر الحمد لله علي السلامة لكن شكلها اجازه كااااربه طمنا عليك وعلي الاسرة والابن الصغير

عدد المساهمات : 126 تاريخ التسجيل : 18/02/2009

لك التحية العزيز الغالي محمد واشكرك الشكر الجزيل علي المرور 0 نعم والله كانت اجازه كااااااااااااربة 4 شهور بجوار الخور واطمنك علي جميع الاهل كلهم بخير والابن عزام الحمد لله علي ما يرام 0 بالمناسبة قابلت مالك صديق في الاجازة دي هناك بعد اكثر من عشر سنوات 0 عموما السقاي تنادي

عدد المساهمات : 739 تاريخ التسجيل : 07/03/2009

عودا حميدا ابابكر وحد الله الف على السلامة ونورت المنتدى حقيقى مشتاقين كتير واربعة شهور طويلة لكنها عدت ليلة ليلة كما قال الفنان واكيد هذه الشهور الاربع جعلتك تقف عن قرب وانت سوف تكون شاهد عيان لتنقل لنا مالمسته وماشاهدته وعن الاحتياجات الحقيقة والعاجلة وفى شتى المجالات تعليم صحة رياضة شباب مراة عجائز المهم مهمتك قد تكون فيها حبة صعوبة لكنك انت قدرها وهى ان تعكس لنا ملاحظاتك خلال هذه الشهور الاربع وياخى برضو ونسنا شوية عن المناسبات التى حضرتها وعن الخريف وعن الخور وارتفاع منسوبه يعنى تطوف على الحلة مكان مكان زى طوفان الشاعر صلاح احمد ابراهيم فى رائعته الطير المهاجر اقول مرة اخرى غمرنا الشوق لكم ولابداعكم ونحمد العود الاحمد

عدد المساهمات : 126 تاريخ التسجيل : 18/02/2009

احمد القاضى كتب:: عودا حميدا ابابكر وحد الله الف على السلامة ونورت المنتدى حقيقى مشتاقين كتير واربعة شهور طويلة لكنها عدت ليلة ليلة كما قال الفنان واكيد هذه الشهور الاربع جعلتك تقف عن قرب وانت سوف تكون شاهد عيان لتنقل لنا مالمسته وماشاهدته وعن الاحتياجات الحقيقة والعاجلة وفى شتى المجالات تعليم صحة رياضة شباب مراة عجائز المهم مهمتك قد تكون فيها حبة صعوبة لكنك انت قدرها وهى ان تعكس لنا ملاحظاتك خلال هذه الشهور الاربع وياخى برضو ونسنا شوية عن المناسبات التى حضرتها وعن الخريف وعن الخور وارتفاع منسوبه يعنى تطوف على الحلة مكان مكان زى طوفان الشاعر صلاح احمد ابراهيم فى رائعته الطير المهاجر اقول مرة اخرى غمرنا الشوق لكم ولابداعكم ونحمد العود الاحمد

لك التحايا العطرة الاخ الغالي احمد واشكرك علي المشاعر النبيلة 0 نعم هي اربعة اشهر مرت علي كان لم تكن بحلاوتها وطيب معشر اهلها بزخات
المطر وانفاس الدعاش ودفق فيضان النيل وسيلان الخور كلها اشاء تبعث في النفس شوقا وحنينا لايقاوم لايزعزعه صوت الضفاضع ولا لسعات البعوض ولا ضنين الذباب فهي بلدنا فان وجدها فيها ما يعكر الصفو فبها اشياء كثيرة تبعث بالحبور والقبطة 0 مثل المنغصات عدم وجود شبكة مياه بالمنطقة تقوم بتحمل حجم المياة الجاري خلالها فالجانب الجميل في ذلك ان المياه اصبحت متوفرة في بعض الاحيان0 حدوث عدد من الوفيات يقابله عدد اكثر من الزيجات 0عموما اخي احمد ما تحتاجه السقاي هو اناس غيورون يعملون بتفاني لمصلحة السقاي واناس يقدرون عمل من يعمل دون تخذيل وتحبيط ونكران الجميل اخي في النفس اشاء كثيرة وملاحظات جمة تحتاج الي ترتيب افكار ومشاركة ومناقشة0 لك ولكل حادب علي مصلحة السقاي التقدير

عدد المساهمات : 308 تاريخ التسجيل : 05/02/2009

حمداً لله علي السلامة

السودان سمح لاكين ما فيهو نت ولا غالي ؟؟ ولا الحاصل شنوووو
ولا الناس ما عندها زمن علشان تقعد في النت ؟؟

اي زول سافر السودان اختفي من النت ومجرد ما يرجع لي بلد المهجر يظهر تاني

وبرضوووووو السودان سمحة خخخخخخخخخخخخ
جنس وهمة عليكم

عدد المساهمات : 340 تاريخ التسجيل : 22/02/2009

الغالي مزمل منتظرنك تنزل للعرس وننزل معاك والله السودان سمح والسقاااي اسمح البرنامج مليان مافي زمن عشان تشوف التلفزيون تقول لي نت والله نزلت شهر 12 اجازة 50 يوم والله مافهمت حاجة واتلومت مع ناس كتيرين اهل واعزاء منتظرنك يامان حدد

حمدالله علي السلامة الاخ ابوبكر والشوق للسقاي لاينتهي ونتمني للسقاي التطور والتقدم والازدهار ، ويامزمل النت ماغالي لكن مافي زمن ،ولكم خالص التحايا.

عودة حميدة ونورة المنتدى والجيت منهم انشاء الله سالمين تامين ومنتظرين مرورك على البيت بعد ما مريت على المنتدى ولك كمية كبيرة من الشوق والريد.

عدد المساهمات : 126 تاريخ التسجيل : 18/02/2009

الاخوان محمد وابراهيم وياسر لكم الف مليون تحية ومثلها شكر علي المرور والاشواق
لكم ولجميع من سال عنا في الحضور واو في الغياب
* الاخ محمد السودان دخلو الانترنت قبل السعودية 0 والانترنت ملحوووق لكن الناس البنلقاهم في السقاي قد تطول المده للقياهم مرة اخري وبالمناسبة انا في الاجازة دي قابلت ناس لم اقابلهم اكثر من 11 سنة علي سبيل المثال لا الحصر عبدالقادر عوض السيد0 مالك صديق وغيرهم

عدد المساهمات : 308 تاريخ التسجيل : 05/02/2009

* الاخ محمد السودان دخلو الانترنت قبل السعودية

اول مرة اسمع بي الكلام دا : وياريت تورينا وتنورنا متي دخل النت السودان ؟
ومتي دخل السعودية ؟

وبعدين السودان اول من اسس !!! السودان اول من نال !!!

نحنا وين الان ؟؟ دا المهم وياريت نكون واقعيييييين وان لا نبخس الناس بلادهم
التي حضنتنا في فترة بلدنا طردتنا واستفدنا منها كثير مادياً او تعليميا

او حتي قيادة السيارة (العربية) والانترنت طبعاً

عدد المساهمات : 126 تاريخ التسجيل : 18/02/2009

[quote="مزمل صديق"]

* الاخ محمد السودان دخلو الانترنت قبل السعودية

اول مرة اسمع بي الكلام دا : وياريت تورينا وتنورنا متي دخل النت السودان ؟
ومتي دخل السعودية ؟

وبعدين السودان اول من اسس !!! السودان اول من نال !!!

نحنا وين الان ؟؟ دا المهم وياريت نكون واقعيييييين وان لا نبخس الناس بلادهم
التي حضنتنا في فترة بلدنا طردتنا واستفدنا منها كثير مادياً او تعليميا

او حتي قيادة السيارة (العربية) والانترنت طبعاً

[/quote]شكرا للاخ مزمل علي المرور0
* كونك اول مرة تسمع بي المعلومة دي لاينفي صحتها من عدم صحتها لانك مثل كل البشر لاتعلم كل شي
*اما عن سوالك نحن وين الان فهذا السوال تكون الاجابة عليه حسب قربك من وطنك او بمعني اصح قرب وطنك من وجدانك 0
* ام حديثك عن الواقعية وعدم بخث الناس اوطانهم فاني والله يا اخي بري من ذلك فكل ما في
الموضوع جاء في سياق الحديث لا اكثر ولا اقل0
نعم للسعودية فضل علي جميع العاملين فيها وانا من ضمن اؤلئك تعلمت فيها الانترنت وقيادة السيارة وجمعت المال ولعل ذلك ما رميت اليه في مرورك علي البوست0
اما عن توضيحي لك متي دخل الانترنت السودان ومتي دخل السعودية فاني والله يا اخي لا اعرف بالضبط ولكن كما اسلفت ان هذه المعلومة وردت في سياق الحديث لا اكثر ولا اقل بعيدا عن (بخث الناس اوطانهم) بعيدا عن(الواقعية) او الرومانسية وهلم جر 0 واذا اردت الاستذادة من المعلومات فعليك بالبحث عن المعلومة في مصادرها الاصلية
* الاخ مزمل تجدني في غاية الاسف لوجود خطا في كتابة الاسم (محمد ) اكرر اسفي 0

عدد المساهمات : 308 تاريخ التسجيل : 05/02/2009

العزيز خالد محمد لك الشكر علي التوضيح

مع العلم بانك لم تذكر تاريخ دخول النت للسعودية او دخولة السودان

فمن اين لك بالمعلومة ان النت في السودان قبل السعودية ؟؟؟

وبعدين لو انتا ما متاكد من معلومة ياريت تحتفظ بيها لي نفسك او الافضل تتاكد منها اول

قرب الوطن من الوجدان كلمات منمقة لا تسمن ولا تغني من جوع
** كلمة نحن وين قصدت بها اين السودان من الدول التي سبقناها بعلمنا والاشياء التي كان لنا
فيها السبق ولم اقصد اين نقيم الان 0
مروري علي اي بوست لابداء وجهة نظري وهو حق لا جدال فية

والاستفادة من ما يكتب في البوست فارجو تزويدنا بمعلومات صحيحة ومثبتة لا معلومة تورد في سياق الكلام
ولكم ودي

عدد المساهمات : 126 تاريخ التسجيل : 18/02/2009

الغالي العزيز مزمل لك التحية
اولا عزيزي المنتدي اسمه منتدي اجتماعيات السقاي ليس المنتدي العلمي او منتدي العلوم او غيره
فمن حق اي عضو في هذا المنتدي ان يكتب ما شاء من اخبار اجتماعيه وغيرها ومن حق اي عضو قراءة ما ورد فيه او عدم القراءة وليس من حق احد ان يمنع احد من ايراد كتاباته طالما ان هذا الموضوع ليس فيه شي يسئ الي احد او المساس بامور الدين والادب 0
ثانيا الموضوع الوارد في المنتدي هو عبارة عن اخبار بعودتنا من السقاي اقصد السودان
اما ما ذهبت اليه في ردك لم يكن متناسب مع الموضوع 0 او بمعني لفد اخذتنا بعيدا عن الموضوع الاساسي وهو عودتنا من السودان العظيم الجميل0
اما عن سوالك عن متي دخل الانترنت السودان ومتي دخل السعودية فوالله كما قلت سابقا الله اعلم
وان اردت الاستزادة فابحث في موقع سوداتل0 وموقع الاتصالات السعودية فيمكن ان تحصل علي المعلومة 0 اما انا من حقي ان اكتب ومن حقك ان تقراء وترد دون ان تمنع احد من الكتابة او الاحتفاظ بما عنده من معلومات لان حق الكتابة مشروع في هذا المنتدي0
وان راجعنا كتابات جميع من في المنتدي لا اعتقد بان جميع ما ورد من كتايات يتصف بالعلمية الدقيقية وذلك لسبب واحد ان هذا المنتدي ليس منتدي علميا 0
عموما لك الشكر اجزله 0

عدد المساهمات : 308 تاريخ التسجيل : 05/02/2009

السلام عليكم ورحمة الله وبركاتة

هل الاجتماعيات تخلو من العلم والمعرفة Very Happy

هل نبني بوست اجتماعياتنا باشياء قد تكون صحية وقد تكون كذب ؟؟؟

من حق اي شخص فعل اي شئ ولكن من حقنا ان نقراء كلام منطقي وواقعي

ولاي منتدي ضوابط الا منتدانا العامر وناس السقاي ناس كريمين عشان كدة اي زول يكتب
ويرد علي كيفووووووو

اعلم علم اليقين بانك عدت من السودان وسالت عنك لماذا اختفيت وانت في السودان
هل لان النت غالي او المشغوليات
وانت من فتح موضوع النت في السودان قبل وبعد

وهو شئ لا يهمني كثيراً ان يبداء النت في اي بلد قبل الاخر

وكثير من البلاد تجري فيها انهار ماء عزب وهم عطشي lol!

عدد المساهمات : 154 تاريخ التسجيل : 21/02/2009

الاخ العزيز ابو عزام لك التحية
والله لو تصدقني يا ابن عمي فتحت منتدى اجتماعيات السقاى بالصدفة ووجدتك حاضرا نعم كان لدي علم مسبق بأنك في السودان ،اخي اسأل الله ان تكون قد وجدت الاهل بخير وعافية وان تكون قد اقضيت افضل الاوقات بين الاهل ،by the way ارسلت ليك عدة رسائل in your emaik address but ther was no reply from your saide hope that my message went through .
اخي ابوبكر اريدان احيطكم انت والاخ مزمل بتاريخ دخول الانترنيت للسودان والمملكة السعودية كلاهما في عام واحد هو عام ١٩٩٤ حيث كان مقصور علي بعض مؤسسات الدولة والاجهزه الحساسة، الفارق الوحيد ان السودان كان يمتلك امكانية اعلي عما عليه في السعودية حيث كان النظام يعمل بشبكة الالياف الضوئية(optical fiber) وفي المملكة وباقي دول الخليج ظهر نظام حديث يسمي با الالياف البصرية للمنازل(FTTH)fiber to the home. ولعل اخال ذلك معلوم لديكم وقد لانجد هذا النظا م في السودان .
كدي خلينا من الكيمان دي ارجو ان تحدد متي سوف تكون online.عايز اسألك عن اخبار اخينا احمد الفاتح ود الارباب دفع الله ،وعن المفجأت الحلوة ارجوان تعطيني رقم هاتفة وهاتفك لامر هام جدا جدا حقيقه اتصل هاني وكان قد نسيت ان اقول له اعطيني رغم احمد.
ولكم مني خالص التحايا.
[ندعوك للتسجيل في المنتدى أو التعريف بنفسك لمعاينة هذا الرابط],y new post

» جينا ليكم والشوق دفرنا
» عدنا لكم بالجديد
» عدنا لمنتدى السقاي العتيق والجامع