تابعوا بشرى مبارك من بيرمنجهام على الاذاعة الرياضية إف أم 104 اليوم

[أتصلت قبل قليل على الاستاذ يوسف السمانى صاحب الاذاعة السودانية الرياضية FM 104 وسوف يستضيفنى على الهواء مباشرة الساعة الثانية ظهراً بتوقيت السودان (عالم الرياضة وسوف أقدم قصيده بعنوان والله نحنا مع الهلال) وسوف نجمع تبرعات من مشجعى الهلال فى بيرمنجهام وبون ونرسلها الى نفرة الهلال الكبرى إن شاء الله . الجدير بالذكر أن بينى وبين الاستاذ يوسف السمانى مهاتفات عديدة وذكر لى أنه يطالع ما أكتب فى منتدى النيمة ويطلب منى المواصلة فى الاتصال بالاذاعة الرياضية لتقديم الجديد وقد عرفنى به الاخ الصحفى القامة الاستاذ ميرغنى أبوشنب وأحية وأقول له حمدالله على السلامة بعد رحله العلاج من القاهرة(للاسرة الكريمة ) وسوف أهاتفة قريباً إن شاء الله[/
* سوف أقوم بإتصالات مكثفة بمشجعى ومعجبى الهلال السودانى فى المانيا فى بون وبرلين وميونيخ وفرانكفورت وفى معظم المدن الاخرى حتى ندعم الهلال ونفرة الهلال إن شاء الله وسوف أتولى هذا الامر من الان .ولاشك أننى سوف أجد الدعم المطلوب إن شاء الله من محبى الهلال السودانى . وكذلك فى بيرمنجهام ورغم أننى حديث عهد بها ولكن سوف أسلم الامر الى الاخوان طارق أبوالحسن ومحمد ياسن والدكتور حسن الحاج وأخصائى الاشعة معتصم أبوالحسن والخال وغيرهم من هلالاب بيرمنجهام وهم كثر وسوف لن يترددوا فى دعم الهلال إن شاء الله .

تم إجراء الحوار مع الاستاذ يوسف السمانى وقد قدمت وعد الهلالاب فى المدن الالمانية بدعمالهلال وكذلك فى مدينة بيرمنجهام وكذلك قدمت القصيدة (والله نحنا مع الهلال ) والتى تقول مقاطعها الاولى إيدى فى إيدك نشجع والله نحنا مع الهجوم المابيعرف ليهو وقفة وكلو كاسح ومافى سرحة والقصيدة طويلة سوف أعيد نشرها تحت هذا البوست للتوثيق وعلى العموم سوف ننسق مع السفارة السودانية لارسال الدعم للهلال إن شاء الله والتحية من هنا ننرسلها للاخ يوسف السمانى وللاخ الدكتور الصادق الهادى المهدى رئيس لجنة نفرة الهلال (مستشار رئيس الجمهورية )

حتى أساهم وانا فى بون رغم البون حتى اساهم فى رفع معنويات أهل الهلال لاعبين وإدارة وأقطاب ومشجعين وجمهور متعطش وحتى الوطنيين من المريخاب وغيرهم والذين لاشك يقفون معنا اليوم رأيت أن اكتب هذه القصيدة وسوف اسعى ان تصل مقاطعها الاولى الى الجماهير فى الاستاد حتى ترددها بلحن الراحل مصطفى سيد احمد (والله نحنا مع الطيور المابتعرف ليها خرطة ولا فى ايده جواز سفر ) والان الى القصيدة :
إيدى فى أيدك إيدى فى إيدك نشجع
يلا نحنا مع الهجوم المابيعرف ليهو وقفة
وكلو كاسح .... مرة باصة ومرة عكسة
وفن أصيل ..ذى منزول وديم وعباس هو جكسا
يا هلال الموجو كاسح فيهوشرقة وطعمو فرحة
أحرز الهدف المبكر جمهورو صاحى ومافى سرحة
دفاع مكرّب مافى غفلة كتابو .... كتابو صفحة
فرمل الخصم العنبد..... كبحو ..كبحو كبحة
والوسط ياسيدا وزّع أوعة أوعة تخطى أوعة أوعة
الجناح فرفار خطير .... مرة كورنر فى ثانية لمحة
والهجوم يطلق مدافع ...... مدافع فيها لوعة
والهدف من بدرى لازم ... وبالفرح حانبكى دمعة
مامهم لو نبكى فرحة وألف فرحة وتانى فرحة
وما بنقيف من دون نشجع ..... أصلو برهة
عودنا أخوان سيدا باصة ... باصة وديمة سمحة
وكم هدف والخصم تاية ..... تاية جاتو قُرحة
*************************
*************************
يلا يا تشجيع يا راقى ياراقى ... ما بنقيف
قبل ما يبدأ يبدأ اللعب .... أبدع يا سيف
أهدافك الرايعة .... الرايعة العجيبة ورينا كيف؟؟؟؟؟
مرة بالرأس .. ومرة صاروخ يا عمر ود الجريف
قبل ما يبدأ اللقاء كتبت شعرى كتبت شعرى للحريف
وإن شاء الله منصورين تلاتة منصورين تلاتة يالطيف
وبالفرح نمرق نغنى رحلة عصافير رحلة عصافير الخريف
فى موسم الشوق الحلو ... ويالهلال يالهلال إنت الظريف
وللنهائى نكون هناك نكون هناك إنت ما إنت الحليف
معروف هناك فى كل ديار فى كل ديار صيف أو خريف
معروف بتزرع للفرح ... وتزرع الفرح النضيف
أمواجك الدايماً بتكسح دايماً بتكسح هدو قيف هدو قيف
أمواجك الدايماً بتكسح دايماً بتكسح هدو قيف هدو قيف
اقسم بالله العظيم سمعت الان الساعة 11.14 دقيقة فى الفضائية السودانية مقطع مصطفى سيد أحمد الذى كتبة فى بداية هذة القصيدة (والله نحنا مع الطيور المابتعرف ليها خرطة ولا فى إيدة جواز سفر أيدى فى إيدك نغنى ) والان تشدو روضة الحاج شعراً قوافل خيمة الاوطان !!!!!

» سوف أكون على الاذاعة الرياضية اليوم
» سوف أكون على الاذاعة الرياضية اليوم
» ركنيات رياضية إعداد بشرى مبارك من بيرمنجهام
» أنا زعلان من السرورابى (ومن بيرمنجهام بشرى مبارك إدريس )
» من بيرمنجهام سلام (قصيدة كلمات بشرى مبارك إدريس)